العُيون السُود أوفِي بحالي واضمري قلبي المعنِّي بنضره

3

الفجر

قام الجد لصلاة يتوضأ وراح يصحي العيال قام محمد وسلطان وسعد اما سعود ومازن وفارس غاطسين بنوم
الجد عبد الله: صحيهم يمحمد واشوفكم كلكم بالمسجد
محمد: ابشر يجد
طلع الجد عبد الله ومحمد جلس يصحي العيال
قام فارس وسعود اما مازن ماصحا
محمد: والحين كيف نصحي ذا
ابتلشو العيال لأنهم يعرفو مازن نومه ثقيل
سلطان: بروح اتوضا واجي
راح سلطان وتوضا ورجع
لفو العيال على سلطان الي معه سطل فيه مويه
سعد : وش بتسوي
سلطان: وش بسوي يعني
فارس : حرام عليكم يعيال صحوه بأي طريه الا المويه
سعود : كككببه م عليك والله م يصحا الا كذا
سلطان: بكب شوي بس على وجه
لف سلطان وكب المويه عليه
فز مازن منخرش
مازن: الله لا يوفقكككك لف عليهم وقال الي ينام عندكم مره ثانيه وصخين
سعد : مالكم داعي والله
سلطان: قوم يله توضأ لصلاه والحقنا للمسجد
فارس: اخلص يله ننتظرك
طلع مازن معصب وراح يتوضأ واتجهو للمسجد
اما سعود يدوبه يمشي وراهم
سعود: انتظروني طيب
رجع سلطان وسعد معه ورا اما العيال كملو قدام
دخلو المسجد وصلو
................................
بيت ابو فارس
طلعت ام فارس ودقت باب غرفت البنات وطلعت مها الي نايمه عند أهل زوجها عشان فارس مو موجود ولا هي جالسه لحالها ب البيت
منى: هلا يعمه
ام فارس: دلال م قامت؟
منى: الا صلت ورجعت نامت تبي شي
ام فارس: لا بس انا بروح بيت عمي افطر هناك تجي معي
منى: لا يعمه ماقدر اجي وبعدين فيصل نايم ولاني تاركته
ام فارس: براحتك
طلعت ام فارس وراحت بيت الجد عبد الله
دخلت ام فارس ولقت منيره تجهز للفطور
منيره: هلا يأم فارس ادخلي حياك
ام فارس: تسلمين وين عمتي
منیره: دخلت غرفتها ترتاح تقول راسها يوجعها
ام فارس: م تشوف شر جيتك اساعدك ب الفطور
منيره: تسلمين والله م تقصري اجل خلينا نسويها الحين بيجو من
الصلاه
قامو يسوون الفطور ورجعو الجد عبد الله وابو فارس وابو جود
اما العيال رجعو البيت الا سعود راح مع سلطان والعيال بيتهم
فارس: اقلط يسلطان
جلس سعود وراح فارس يقول لمها تسوي فطور
فارس: مها
مها: هلا
فارس: وين أمي
منی: راحت بيت جدك عبد الله
فارس: طيب سوي لنا فطور واذا جهز قولي لي
منى: من عيوني
فارس: تسلم عيونك
ورجع عند العيال
لف سعود: محمد ليه م تعرس
محمد: بكرا
سعود : لا صدق والله اعرس من زمان م صار فيه عرس بديره
فارس: لا تحاول فيه
سعود: شكلي بقول الجدي
محمد : والله يسعود لو تقول لجدي لكفخك
سعود: بكيفك
طلع فارس وجاب الفطور وجلسو يفطرو وسوالف وضحك
بيت الجد عبد الله جابت منيره الفطور وجلسو
ام فارس: السلام عليكم
الكل: عليكم السلام
أبو جود: شلونك يأم فارس
ام فارس بخير الحمد لله وشلونك انت
ابو جود: الحمد الله بخير بنعمه
جلسو يفطرو
اما سعود بعد مفطر رجع البيت وجلس يسولف عند امه
وقف العم عوض بعد ماخلص: يله انا ودي اروح افتح المحل
العم تركي: خلاص شوي والحقك
العم عوض: طيب
طلع العم عوض وراح يفتح المحل
جاء ابو محمود: السلام عليكم
العم عوض: عليكم السلام
ابو محمود: وشلونك يابو فارس
العم عوض: بخير الحمدلله شلونك انت وشلون عيالك
ابو محمود: بخير نحمد الله اقول يابو فارس
العم عوض: سم
ابو محمود: ودي من عندك دلتين قهوه
العم عوض: ابشر
ابو محمود: بس ودي ياها بذي اليومين
العم عوض: خلاص باذن الله نخلصها لك بيومين
ابو محمود: يعطيك العافيه ماتقصر
العم عوض: الله يعافيك
............................
الضهر
طلع الكل يروحو يصلي بعد م انتهو من الصلاه وطلعو
ابو فلاح : يبو عوض تراني المغرب جايك
الجد عبد الله: حياك
الكل رجع البيت الا سعود وسلطان جلسو تحت شجره
سلطان: سعود الدكتور م قال لك ترجع له بعد كم يوم
سعود :اييه ذكرتني كنت ناسي
سلطان: تروح تغيرها صح
سعود: مدري هو قال بيغيرها لي
سلطان وقف: اسمع بروح وارجع لك لا تروح طيب
سعود: وين رايح؟
سلطان: اصبر بروح واجي مو مطول
راح سلطان بيتهم وسعود جلس ينتضره
دخل سلطان وجلس يدور قلم
سلطان: دلال يادلال
دلال: وش فيك
سلطان: ابغا قلم بسرعه
دلال: طيب بشوف لك
راحت دلال تدور ولقت وعطته سلطان وطلع ورجع لسعود
سعود: وش فيك
سلطان: مد رجلك
سعود: ليه تبي تسوي شي صح
سلطان: بسوي بس ماهو شي يضرك
سعود: اول شي قول وش بتسوي
سلطان: انت م قلت الدكتور قال بيغيرها لك؟
سعود: ايوه
سلطان: اجل مد رجلك بكتب عليها
سعود: صاحي انت؟
سلطان: ياخي عادي انت قلت بيغيرها
سعود: واذا شافها وش بيقول
سلطان: م عليك مارح يقول شي
مد سعود رجله وبدأ سلطان يكتب على الفه وسعود يراقب وش يكتب
اما سلطان جالسه يكتب عليها اسمه وكلام يضحك رفع راسه وشاف
سعود يراقب وش يكتب
سلطان: لا تشوف خليها مفاجأة
سعود: امحق مفاجأة
لف سعود وكمل سلطان يكتب بعد م انتهاء لف سعود بيشوف وش كاتب ( كاتب كلام لسعود يضحك وكاتب قصيده ورسومات تضحك وكاتب اسمه واسم العيال )
لف سعود بضحك: والله انك مو صاحي
سلطان: اصبر خليني اتذكر شي اكتبه بعد
سعود : يا رجال ماخليت مكان وتبي تكتب بعد
سلطان: اييه
سعود : قم قم بس بروح البيت جيعان
سلطان: من عرفتك وانت جيعان
سعود : ايه يله فمان الله
وكلن راح بيته
......................
قبل العصر
طلع محمد يروح مع جده العزبه
محمد : السلام عليكم يجد
الجد عبد الله: وعليكم السلام يله مشينا
محمد: جدتي تمشي معنا؟
الجد عبد الله: ايوه تمشي يله الحين تجي
طلعو وراحو العزبه
وراح الجد ومحمد عند البل والجده عند الغنم لين م انتهاء الجد والجده وجلسو
الجد عبد الله : قوم يمحمد وسوي لنا شاهي
محمد: ابشر
قام وسوا الشاهي وجلس يصب لجده وجدته
..................................
عند سعود الي طلع من البيت وراح لسلطان دق الباب طلعت ام فارس تفتح
ام فارس: ياهلا والله بسعود حياك اقلط
سعود: الله يحيك وشلونك بعمه
ام فارس: بخير الحمد لله اقلط
سعود : لا والله يعمه ماني جاي بجلس بس ابي سلطان إذا موجود
ام فارس: ايه موجود الحين اناديه لك وراحت تناديه طلع سلطان
سعود: يله امش ابيك تروح معي
سلطان: وين؟
سعود: المستشفى
سلطان: يله
طلعو واتجهو للمستشفى
دخلو وجو بيسألو عن الدكتور الي كشف عليه بس طلع الدكتور وعرفهم
الدكتور: اهلين هاه وشلون رجلك الحين؟
سعود: كويس بس فيها وجع شوي
الدكتور: طيب ادخل عشان اغيرها لك ونسوي كشف دخلو وجلس سعود على السرير جاء الدكتور بيفحص رجله وناضر بالفه الي كلها كتابات ورسومات ناضر الدكتور بسعود وناضر برجله وقرا كلام سلطان ومسك الضحكه ابتسم سعود بحراج اما سلطان ماسك الضحكه
الدكتور: الحين بنفك الفه ونركب وحده جديد بس لا تكتب عليها شي عشان م تتلوث
سعود : ان شاء الله
فحص رجله وحط له لفه جديده
سلطان:  طيب وش باقي عشان يقدر يمشي بدون عكاز
الدكتور: يومين ثلاث وان شاء الله يمشي بدون عكاز لاكن لازم تحاول
تمشي عليها او احد يساعدك كتدريب
سعود : يعطيك العافيه
الدكتور : الله يعافيك
طلعو العيال واتجهو للحاره
................................
اما بالعزبه
الجد عبد الله: محمد
محمد: هلا يجد
الجد عبد الله : انت كم عمرك
محمد : ليه يجد
الجد عبد الله: افكر ازوجك
محمد : ليه يجد تبي فكه مني
الجد عبد الله : وش فكه انت بس اشوفك احسن من البقيه وعاقل قلت
ازوجك
محمد : لا يجدي بعدين ان شاء الله
الجد عبد الله: لا مو بعدين انا اشوف ابوك واكلمه وبعدين وش فيك انت
مو ناقصك شي
محمد : لا يجد الحين م افكر بالعرس
الجد عبد الله: فكر على مهلك
محمد: ان شاء الله لف وهو منقهر من سعود يحسب انه قايل له عن العرس
طلعو من العزبه ورجعو البيت
...............................
وقف الجد عبد الله الي شاف مازن رايح البيت
الجد  عبد الله : مازن يمازن
مازن لف: هلا
الجد عبد الله: تعال
جاء مازن: سم يجد
الجد عبد الله :روح ونادي سعد وفارس وتعالو
مازن: ابشر طلع ونادا العيال وجو
العيال: السلام عليكم
الجد عبد الله: عليكم السلام اجلسو عندي جاي ابو فلاح عندي شوي مازن روح لعمتك منيره وقول لها تسوي قهوه
مازن: ابشر
وراح مازن للعمه منيره وقال لها وشوي دخل ابو فلاح ومعه كم واحد من رجال الحاره
ابو فلاح : السلام عليكم
الجد عبد الله: عليكم السلام اقلطو حياكم
دخلو الرجال وجلسو واخذ فارس الدله وقهواهم
ابو سالم: وشلونك يابو عوض
الجد عبد الله: بخير ونعمه كيف حالكم انتم
الكل: بخير نحمد الله
ابو فلاح : يبو عوض وش صار معك قررت تشتري المزرعه ولا؟
الجد عبد الله : والله مدري اذا اشتريها ولا لا بس الوكاد ماني شاريها
بس اشوف والله ان زان الوضع شريتها
ابو فلاح: براحتك بس تراها مزرعت زينه م يحتاج
الجد عبد الله: الله كريم
طلع سعود متجهه بيت جده
وقف مازن بيروح البيت وجاء سعود بطريقه
مازن: وين رايح؟
سعود: عند جدي
مازن: م انصحك تروح
سعود: ليه؟
مازن: ابو صالح هناك
سعود : يالليل يذا النشبه ( سعود م يطيق ابو صالح من زمان لأن من وهو وصغير كل ماسوا شي راح وعلم عليه ابوه وابوه يهاوشه لين ماكبر وللحين ابو صالح كل ماسوا شي راح وقال لجده )
مازن: حرام عليك
سعود: حرمت عيشتك اقسم بالله انه يقهرني
مازن: تبي تروح ولا هونت
سعود: بهون اكيد تبيني اروح عنده والله لو يفتح فمه ليستلمني جدي
مازن: بكيفك بس الرجال مافيه شي
سعود: توكل بس بروح لسلطان اهون بس اسمع انتظرك هنا طيب
وجيب خالد وتعال بس قول لمه انه معي
مازن: وين بتروح
سعود: بيت عمي عوض
مازن: طيب
راح مازن ودق الباب
طلعت نوره تفتح
مازن: فيه احد
نوره: اي
مازن: طيب قولي لخالد يجي وقولي لمه انه مع سعود بيت عمي عوض
نوره: طيب
راحت نوره: منی
منى: هلا
نوره: سعود يبي خالد يروح معه بيت عمي عوض
منى: طيب بس تكفين خليه ينتبه له
نوره:ابشري
طلعت ومعها خالد
نوره: امه تقول انتبهو له زين
مازن: طيب
خالد: وين نروح عمو
مازن: تروح عند عمك سعود
ركض خالد لسعود
سعود : يله عمو تروح معي
خالد: وين
سعود: البقاله وبعدين نروح لسلطان
خالد بحماس: يبيله
طلعو واتجهو للبقاله وبعد ماحاسب طلعو ومشو وخالد يسولف لسعود
ولا هو فاهم بس يسلك له لين م وصلو بيت العم عوض
طق الباب وفتح سلطان
سلطان: هلا سعود وطلع خالد من ورا سعود الي متخبي
خالد: بوووه
سلطان الي سوا نفسه انخرش: خلودي خوفتني
ضحك خالد : انا خوفتك
سلطان ضحك: ادخلو ادخلو
دخلو وراح سلطان يجيب قهوه
سعود: وين فيصل
سلطان: جاي قلت ان سعود وخالد جو
دخل فيصل وراح يركض لسعود
سعود: خالد عطيه الكيس حقه
عطاه خالد الكيس
سعود: عطيني بوسه طيب
باسه وطلعو خالد وفيصل يلعبون
سعود: وينه محمد
سلطان: جوا جالس بس احس صاير شي
سعود : ليه وش فيه
سلطان: مافي شي بس اول م رجع من العزبه جالس وبس ساكت
سعود: شكل جدي قايل له شي ناده خله يجي
سلطان: طيب
طلع سلطان ينادي محمد
محمد : هاه وش تبي
سلطان: قم سعود يبيك
محمد: وش يبي
سلطان: وش الي وش يبي قم الرجال يبيك
قام محمد وهو وده يكفخ سعود
دخل وسلم وجلس
سعود : وش فيك يمحمد
محمد: مافيني شي
سعود الا وراك قالب كذا
محمد:مافيني شي بس يسعود انت قايل لجدي شي؟
سعود: مثل وشو
محمد : عن العرس او ملمح له عن عرسي
سعود : لا والله م قلت له شي
محمد : اجل من قايل له بالعزبه يقولي بزوجك فكر افكر بوشو احس موب جاهز ويقول لي انا بشاور ابوك
سعود : طيب وراك معصب هدي
محمد: مو معصب بس الواحد م ياخذ قراره بنفسه الا احد يتدخل انا
مابغا احد يدخل بعرسي وياخذ قرار عني
سلطان: وش فيك يمحمد محد ماخذ قرار عنك انت بس اهدا وجدي
مارح يجبرك تعرس دامك م تبي
محمد: ان شاء الله انا بروح عند جدي الحين تلقا ابوي عنده واكيد
بيقول له يله فمان الله
العيال: فمان الله
طلع ودخلو فيصل وخالد وجلسو بطفش
سعود: وش فيكم
خالد بصيغت طفل: طفش يعمو مافي احد يلعب معنا
سعود: ولا يهمك الا خلودي وفصول م يطفشون قومو احنا نلعبكم
سلطان: تعال فصولي نط على ضهري ركض فيصل ونط على ضهره
خالد: عمو حتا انا
سعود: ابشررر ونط خالد على ضهر سعود وبدو يلعبون معهم اما سلطان
الي شايل فيصل من رجله وراسه تحت ويضحك عليه
سعود : اقسم بالله موب صاحي فيه احد يشيل البزر كذا
سلطان: معليك ذيبان ذا
فيصل: والله اعلم بابا
سلطان:علمه احمد ربك بس اني العبك
سعود: امحق لعب والله
كملو لعب لاكن سعود يحاول يلعبهم بدون مايقربون من رجله
سلطان: اسمعو وقفو هنا ونسوي مسابقه مين يطيح الثاني
بدو يلعبون اما سلطان وسعود وكل واحد يعزز لولد اخوه
سعود: ایییییییوههه عموووو كفوو
سلطان: اييه عمو ايييه م عليك طيحه
جلسو يعززون اما خالد وفيصل يتضاربون لين م طاح خالد وقف سلطان يصفق له ويشيله فوق
خالد بزعل: هو غشاش
سعود: اوه يعمو كيف يغلبك
سلطان:ووالله كفو وانا عمك
سعود : والله رخوم ولا خلودي محد يغلبه يله عمو مشينا
وقفو سلطان وفيصل يطقطقو عليهم وسعود يتوعد طلعو وراح سعود البيت دخل خالد وراح لمه يركض
منى: هاه ماما وين رحت
خالد بصيغت طفل: رحنا عند سلطان وفيصل ولعبنا ورحنا بقاله
منى: حبيبي انت لفت على ساره والله ان سعود م يقصر كل م جينا
وداه البقاله ولعبه
ساره: يستاهل خلودي
منى: تسلمين والله وانتهاء اليوم والكل راح ينام
................................
من بكرا
طلع سلطان وشاف سعد وراح له
سلطان: السلام
سعد: وعليكم السلام
سلطان: وين سعود
سعد: بالبيت
سلطان: طيب امش نروح له الدكتور قال لازم تدريب عشان يمشي على رجله
سعد: طيب
طلعو واتجهو للبيت وراح سعد ينادي سعود
طلع سعود : هاه وش فيه
سلطان يله نروح بيت جدي ونبي نسوي لك تدريب بالحوش
سعود: تدريب وشو انت
سلطان: الدكتور قال لازم تسوي تمارين
سعود : اقول توكل بس
سعد : وش فيك سعود سويها عشان تقدر تمشي ولا توجعك
سعود : يالليل النشبه يله جاي
طلعو وراح بيت جدهم وبدو يسوو تدريب له
سلطان: اسمع الحين مارح نمسكك ولا بنعطيك عكاز وحاول تمشي عليها
سعود: طيب
ترك سعود العكاز وحاول يمشي بس من اول خطوه حس بألم بركبته
وقف وقال: يعيال ركبتي توجع
سعد: حاول حاول
لف سعود يحاول يمشي والألم كل شوي يزيد عليه وقف وقال وجعع يعيال موب قادر
سعد: الدكتور قال نرجع له
سلطان: ايوه قال اذا سويت له تمارين ترجعو لي وقولي وش يحس فيه سعد : طيب عطيه العكاز وامشو السياره بنروح نشوف الدكتور وش يقول
طلعو واتجهو للمستشفى
دخل سعد وقال: وين الدكتور الي فحصك
سعود : ذاك الي واقف
اتجهه سعد الدكتور : السلام عليكم يادكتور
الدكتور: عليكم السلام  تفضل
سعد: انت فحصت سعود وقلت له سوو له تمارين وقولو لي وش يحس فيه
الدكتور: ايوه اهلين يسعود تفضل ادخل العياده الحين بجيك
دخلو العيال وجاء الدكتور لف وشاف سلطان جالس
الدكتور: ما شاء الله ذا اخوك واشر على سلطان
لف سعود وابتسم: ايوه اخوي
سعد: لا يادكتور ذا ولد عمه بس ليه تسأل
الدكتور : لا يعني ماشاء الله كل م جاء سعود يسوي فحص شفته معه لف سعد مبتسم وهو عارف غلات سلطان عند سعود والعكس
سعد : المهم يادكتور لما سوينا له تمارين يقول يحس بألم بركبته
دكتور: كويس بأذن الله يطيب
سلطان: كيف بيطيب وهو يقول يحس بألم
الدكتور : شي طبيعي كل الي يصير معهم كذا اخر شي توجعه رجله بس لا تخافون ذا اخر ألم بالرضه يكون بركبه الحين بفك الفه مايحتاجها بس بكتب له كم كريم ويطيب بأذن الله بس لا تنسا التمارين يسعود
سعود : ابشر يعطيك العافيه م قصرت والله
الدكتور : الله يعافيك
طلعو ولف سلطان على سعود وقال: والله التامرين بتسويها عند الغنم والبل
سعود : والله يوم قالها تذكرت جدي
سلطان: جدي ينتظرك تطيب بس
سعد: انتضروني بسياره اروح اجيب الكريمات واجيكم وشوي طلع ومعه كيس
سعد: اسمع يسعود ذا حق ألم الركبه ويأشر له وذا حق كذا كذا
بعد ماخلص طلعو لديره وكان الجو غيوم ويفتح النفس
سعود: الله يالجو شكلها بتمطر اليوم
سلطان: الله يالوناسه
وقفو العيال ونزلو ودخلو بيت جدهم
العمه منيره: وين كنتم
سعد: بالمستشفى نفحص رجل سعود
العمه منيره: وش قالو له؟
سعد: بيطيب ان شاء الله بس يبي له تمارين
العمه منيره: م يشوف شر ان شاء الله
.................................
العصر
رجع الجد من العزبه ودخل
سلطان: غريبه جدي جاي بدري اليوم
سعود: مدري قم خلينا نشوفه
سلطان: السلام عليكم يجد
الجد عبد الله: وعليكم السلام
سلطان: غريبه يجد جاي بدري اليوم
الجد عبد الله : شكلها بتمطر اليوم عشان كذا جيت
سعود: تكفى يجد خلينا اليوم نجلس بيت الشعر ونشب نار
الجد عبد الله : بكيفكم انا وعوض وتركي رايحن لأبو مساعد مسوين لنا
عزيمه ورايحين
سعود: طيب جدتي بتروح ولا لا
الجد عبد الله : ايوه بتروح هي ومنيره ومشاعل وأم فارس وأم سعد وام جود بس اسمعوني روحو وغطو الحطب عن المطر
العيال: سم يجد راحو وغطوه وبدو يضبطون بيت الشعر الي بطرف البيت واستغلو الوضع أن جدهم مارح يكون موجود وشوي كذا بدت تمطر وكل شوي تزيد والكل طالع بالحاره كبير وصغير الي يدعي والي يلعب
ركض مازن وطلع عند العيال وشوي طلع فارس ومعه فيصل
سعد: مازن تكفى روح بسرعه نادي خالد الحين تلقاه بيطلع بس خايف يجي
ركض مازن للبيت ودق الباب وطلعت ساره تفتح
مازن: بسرعه ساره نادي خالد يجي ابوه يبيه
راحت ساره: منى سعد يبي خالد مرسل مازن له
منی: ماما روح مع عمو لبابا بس ساره تكفين خليه ينتبه له ترا سعد بينشغل عنه وبيخاف
ساره: م عليك حتا لو مشغول سعود منتبه له
طلع خالد وركض برا مع مازن
والكل مستانس ب المطر بدت الأرض تسيل من المويه بس على
خفيف والكل يسكر دكاكينه وطلعو بالمطر
اما عند العيال كلهم متجمعين حول بعض سعود وسلطان ومازن
ومحمد وفارس وسعد وبنص خالد وفيصل
لف سعود على سلطان: سلطان تكفى شيلني على ضهرك
سلطان: موب صاحي تونا طالعين من المستشفى يقول سوي تمارين
وتبي تركب على ضهري
سعود : طيب هاذي التمارين تكفى يله
لف سلطان ونط سعود على ضهره
سلطان: يثقلكك ياساتر
سعود: سد فمك
سلطان: والله من الأكل الي تبلعه طول الوقت
سعود : خف علينا اقول
لف سلطان وبدأ يركض بس نزل سعود اول م جاء جده
الجد عبد الله: ماشاء الله تبارك الرحمن اللهم اجعلها أمطار خير وبركه
لف على سعود وسلطان الي واقفين: وش فيكم؟
سلطان: مافي شي
راح الجد عند ابو فالح وكملو العيال هبالهم
لف سلطان على سعود وشاله وجلس يدور فيه
سعود بضحك: دختتتت وقف
وقف سلطان الي حتا هو داخ
اما سعد مركب خالد على رقبته وينط فيه وخالد يضحك
لف سعود يناضر فيهم بضحك شوف الخبل نقول الابو عاقل طلع مافي اخبل منه
فارس: خله يصير خبل اهم شي ولده يستانس
جاء فيصل: بابا حتا انا ابغا زي خالد
فارس: ابشر يله اركب وركب فيصل وجلسو يلعبون مع عيالهم اما سعود وسلطان ومحمد ومازن جالسين يطقطقو عليهم
................................
بيت ابو جود
طق الباب وطلعت ريم تفتح
صيته: السلام عليكم
ريم: عليكم السلام
صيته: وشلونك
ريم: بخير بس سلامات انتي تختفين ماتجيني؟
صيته: والله توني افضى بعدين انتي ليه ماتجيني انا الي دايما اجيك
ريم: حسستيني اني كل يوم اطلع واجي
صيته: والله من النفسيه وراك ماتطلعين
ريم: اروح عند مين؟
صيته: عندي وعندك بنات عمك تروحين ياكثرهم
ريم: ذا يوم كنا صغار نتجمع ونلعب الحين كل واحد مشغول بنفسه
صيته: عادي ترا تروحين عندهم وتسولفين معهم ولا للحين تستحين ماتسولفين
ريم: لا عادي اسولف بس مدري احس كل شي تغير
صيته: الا على طاري ايام كنتم صغار وكل شي تغير للحين تحبين الحنون سلطان ولا بعد كل شي تغير
ريم: اي كل شي تغير ذا زمان والحين كبرنا وأقدر أدافع عن نفسي
صيته بضحك: اييه بعد مامعطو شعرك
ريم: وشو الي معطو شعري كانو بس يستغلو ان ابوي يروح ويخربو علينا احنا والبنات
صيته: اييه تغيرو العيال الحين وكبرو وسلطان صار مزيون
ريم بدت تعصب: صيته غيري الموضوع خلاص
صيته بضحك: شكل مشاعرك تغيرت له هههههههههههههههه
ريم بحده: صيته توكلي بيتكم
صيته: يمه منك خلاص امزح معك شفيك
ريم: مزحك ثقيل ترا
صيته: اعرف
ريم: وتعترفي بعد
ضحكت صيته وكملو سوالف
........................................
بعد المغرب خف المطر وجلسو العيال بيت الشعر اما الجد عبد الله كلهم راحو بيت ابو مساعد والعيال جالسين وشابين النار ويتقهوو
سعد : يوه والله ودي اعيش بديره خاصتا وقت الشتاء
فارس: طيب ليه ماتجي
سعد : والله لو اقدر اجي جيت بس وظيفتي هناك ولو جيت هنا موب
لاقي شي اشتغل فيه زي شغلي هناك
سلطان: كل شتاء اخذ اجازه وتعال والله انك ونيس
سعد : الله يسعدك يسلطان هو فيه اجازه بشتاء بس سبع ايام
فارس: طيب كويس
سعد: عشان كذا مرتاح انا
.........................
عند البنات
نوره: منى ساره وش رايكم نتجمع دام الكل راح
منى: تم بس م ندري مين راح ومين جلس
نوره: معليك دلال موب رايحه وحتا مها ماتوقع تروح شفت فيصل قبل اشوي
منى: اجل يله نقوم نروح لهم
قامو لبسو عبيهم وراحو لبيت العم عوض وطقو الباب
قامت دلال بتفتح: مين
نوره: احنا افتحي
فتحت دلال الباب: ياهلاا والله بالبنات جيتو بوقتكم ادخلو
دخلو البنات سلمو على مها وجلسو
ساره: وين فيصل؟
مها: مع ابوه
نوره: ليه ما راحو مع جدي
مها: لا فارس قال جالسين بيت جدي موب رايحين
دلال: ياليت ريم معنا لو موجوده كان قلنا لها
نوره: م توقع راحت بس خلونا نشوفها شرايكم
ساره: طيب مين يناديها
دلال: انا اروح مين تجي معي
نوره: معك جايه
طلعو واتجهو لبيت العم تركي وطقو الباب
لفت ريم على طقت الباب منخرشه وراحت تشوف: مین
نوره: افتحي انا نوره ومعي دلال
فتحت ريم الباب: هلا والله بالبنات حياكم ادخلو
نوره: الله يحيك بس محنا جالسين نبيك تروحي معنا
ريم: وين؟
دلال: متجمعين احنا والبنات بيتنا ونبيك معنا
ريم: طيب بالبس عبايتي واجيكم
نوره: ننتظرك
طلعت ريم تلبس عبايتها وطلعو
بطريق
ريم: يوه الجو يجنن
دلال: اي والله حتا ريحت التراب بعد المطر يازينها
ريم: اي والله
دخلو البيت بس جاء سلطان ومعه فيصل وخالد ودخلو البنات جوا بسرعه
سلطان: ليه طالعين
دلال: رحنا نادي ريم متجمعين احنا والبنات
سلطان: ام خالد موجوده؟
دلال:  ايوه
سلطان: خذي ولدها رحت بيتهم مافي احد
دلال: ايوه موجوده
لف سلطان بيمشي بس وقفته دلال
دلال: سلطان سلطان
لف سلطان: وش تبين؟
دلال: تكفى روح البقاله
سلطان: يشيخه توكلي بس موب فاضي
دلال: ياخي تكفى روححح
سلطان: طيب بسرعه وش تبين
دلال:اصبر ثواني بقول للبنات
سلطان: بسرعه
دخلت دلال بسرعه وقفت: بناتتتت وش تبون من البقاله
مها: مين بيروح؟
دلال: سلطان بس بسرعه وش تبون جالس ينتضر عند الباب
لفت منى على شنطتها وطلعت فلوس وحتا مها قامت تجيب فلوس
لفت دلال على الفلوس
دلال: ماله داعي ترا مارح ياخذهم
منى: عطيه معليك انتي
اخذت دلال الفلوس ورجعت لسلطان
ومدت له الفلوس: خذ
سلطان: وش ذا
دلال: فلوس يعني وشو
سلطان: ادري فلوس بس ليه
دلال: عشان تشتري من البقاله
سلطان: رجعيهم مالهم داعي بس اخلصي وش تبون
دلال: خذهم البنات ترا مارح يوافقون ياخذون منك ولا ريال
سلطان: والله مارح اخذ ولا ريال منكم وش تبون
لفت دلال وقالت له وش يجيب ودخلت ومدت لهم الفلوس
منى: ليه م أخذهم
دلال: حلف م ياخذهم
مها : ليه يدلال كان غصبتيه ياخذهم
دلال: حبيبتي انا عارفه سلطان والله مارح ياخذهم
منى: الله يعطيه العافيه م يقصر والله
وجلسو يسولفو وشوي رجع سلطان ومعه الأكياس طلعت دلال تاخذ الكياس دلال: يعطيك العافيه يأحسن اخ بدنيا كلها
ضحك سلطان: خذي خذي بس عارفك عند المصلحه
دلال: مين قال لك عند المصلحه لو سمحت الا الغلط انت اخوي وانا احترمك ف احترمني مثل ما احترمك
ضربها سلطان بخفه: اقول توكلي بس طلع سلطان
ورجعت دلال ومعاها الأكياس وفتحتهم
دلال: الله بسكوتي المفضل جابه
لفت مها: ههههههه عاد ذا لو تاكل منه كرتون كامل م تشبع منه
ريم: الله تحبيه؟
دلال: ايه طعمه يجننن
ريم: نفسي ذا بسكوتي المفضل
دلال: خذي ترا جايب كميه كثيره
ريم: تسلمين والله بس مو مشتهيه
دلال: عادي خذيه معك البيت واذا اشتهيتي كليه
ريم: لا والله م يحتاج عندي منه بالبيت
دلال: لا خذيه عشان تتذكريني
ريم: ليه مين قال اني بنساك تعالو عندي انتو تراني اطفش لحالي
منى: يحبيبتي والله ابشري بنجيك
ريم: احلا من يجيني والله
البنات: تسلمين
نوره: ريم وين جود من زمان عنها
ريم: امي دقت عليها وقالت بذي الأسبوعين بيجو ان شاء الله
مها: يوه عاد والله حماس لو تجي خاصتا فيصل بيفرح ان محمد
بيجي
ريم: يروحي هو
وكملو سوالف وضحك
.......................
اما عند العيال
سعود : يعيال جيعان خلونا نسوي لنا اكل
محمد:  وش نسوي
سلطان: كبسه دجاج
سعود : اوههه قدام والله
سلطان: م يقول لا
لفو يضحكون عليه
سعد: خلاص سعود وسلطان تعالو معي نسوي الكبسه
سعود: تم
راحو العيال واتجهو للمطبخ
سعد: سعود قطع بصل وسلطان قطع الطماط
وانا بقطع الدجاج
وكلن راح يقطع الي عليه اما سعود عيونه كلها دموع من البصل لف
عليهم: يعيال عيوني
لف سلطان عليه: بسم الله عليك عورتك
ضربه سعود : سد فمك اقول
سلطان: اييه اكرف زين لك كم يوم مو مكروف
سعود: اقولكم ذا ينتظرني اطيب بس
سلطان: اخلص بس
جهزو الكشنه وسووها وبداء يطبخ سعد
سعد : سعود جهز أرز
طلعو وجلس سعود يغسل الرز وكل مايبي يكب المويه ينكب الرز بعد م خلص رجع عند العيال وبدت السوالف
اما عند البنات جلسو يخططون لجمعه لهم
ساره: يبنات احس ارحم مزنه بس هي مدري كيف شخصيتها
نوره: وع صدق
دلال: ياخي كل م اشوفها تلوع كبدي
منى: احس مدري انتو ليه تكرهونها احسها مسكنيه
نوره: والله انتي المسكينه
منى: مو لذي الدرجه عاد
ريم: مدري احس حتا وانا م اعرفها مره الا انها رفعت ضغطي
نوره: حتا ريم اعترفت باقي انتي يمنى
دلال: هههههههههههه منى تنتضر تقلب عليها وبعدين بتكرها
لفو البنات بضحك وكملو سوالف
اما عند العيال قام سعد بيحط الرز ولفو العيال على صراخ سعد
سعد: سعوووووددد
قام سعود وراح عنده ولحقوه العيال
سعود: وش فيك تصارخ
سعد:قوول انك م تعرف تسوي شي كاب نص الرز تستهبلل انت
سعود: وشو
مسك راسه سعد ولفه: ناضر ناضر نصه مكبوب
سعود: بسيطه
لفو العيال يناضرو الرز المكبوب
محمد : والله صدق يسعود سلامات كاب نص الرز
سعود: ياخي وش فيكم انا بس غسلت الرز ماعجبكم بطقاق
محمد: لاعاد تغسل الرز
سعد : يفارس زيد الرز
طلعو اما سعد وفارس هم الي طبخوا العشاء
بعد م جهز العشاء
فارس: مازن يمممازن
جاء مازن: هاه
فارس: ود السفره
اخذ السفره ونشرها وحطو العيال العشاء ووداه وجلسو ياكلو
انتهو العيال من الأكل وجلسو حوالين النار والمطر يرش خفيف
ويشربون شاهي وسوالف وضحك الين م انتهاء اليوم ورجع الجد عبد الله وكلن راح ينام وصوت المطر پرش
.............................
اليوم الثاني
قام الجد عبد الله يتوضأ لصلاة الفجر ويناضر بالحوش الي كله مويه ناقعه من المطر توضأ واتجه للمسجد وشوي امتلأ المسجد بناس
ودخل سعد ومعه خالد وبدأ يصلون بعد م انتهو لف سعد يدور خالد مالقاه بالمسجد
سعد: سعود شفت خالد
سعود : لا يمكن طلع برا
وقف سعود يدوره برا وطاحت عينه عليه وهو جالس يلعب بوسط المويه الناقعه ركض له ومسكه من ثوبه ورفعه
سعود: قمم قم مالقيت تلعب الا هنا
جاء سعد : ليه يا بابا تسوي كذا
ضحك خالد وهو ملابسه متعدمه من المويه والتراب أخذه خالد ورجعه
البيت
سعد: منى يامنى
طلعت منى: هلا وشهقت ليه يماما تسوي كذا وش ذا؟ ياسعد ليه ملابسه معدمه
سعد: كنا نصلي وطلع برا ودورناه ولقاه سعود يلعب بالمويه الي
بالارض
منى: الله يصلحك كان انتبهت له
سعد: ماصار شي غيري ملابسه
راحت منى تبدل ملابس خالد ودخل سعود وزياد وجلسو عند امهم
ام سعد: ساره روحي سوي الفطور وقولي لنوره تساعدك
ساره: ابشري
راحت ساره ودخلت منى بس متغطيه
منی: السلام عليكم
سعود ومازن: وعليكم السلام
سعود: سعد متا بترجع الشرقيه
سعد : بكرا بأذن الله
مازن: والله ماودنا تروح
سعد: حتا انا والله ماودي بس مجبور ارجع
دخلت ساره ودلال وافطرو
.........................
بيت ابو فارس
بعد ماافطر سلطان طلع واتجه لبيت سعود ودق الباب
وطلع مازن يفتح
سلطان: السلام عليكم
مازن: عليكم السلام بدون م تقول بناديه
ضحك سلطان: يله بسرعه
طلع سعود: هاه وش تبي
سلطان: امش معي بقول فكره
سعود: أفكارك م تخلص؟
سلطان: ما تخلص بش مشينا يله
طلعو وجلسو تحت الشجره
سعود: وش تبغا؟
سلطان: وش رايك نقول لجدي نروح كلنا بالعزبه يعني نتجمع احنا
وعمامي واهلهم وننام هناك من زمان مانمنا
سعود: والله فكره زينه واصلا سعد بكرا رايح الشرقيه خلينا نتونس قبل يروح
سلطان: اجل قم يله مشينا
اتجهو للبيت جدهم دخلو وشافو العمه منيره تنضف بالمطبخ
سعود: صباح الخير يأحلا عمه بدنيا كلها
العمه منيره: صباح النور تسلمون والله
سلطان: خبارك يعمه
العمه منيره: بخير بس اني زعلانه منكم
سعود: افا والله ليه
العمه منيره: ليه تحوسون المطبخ البارح؟
لف سلطان: والله العذر والسموحه يعمه بس ذا سعود وأخوه
لف سعود يناضر فيه بطرف عين: خيرر والله يعمه كان معي وبعدين
هو حاس المواعين كلها على تقطيع طماط
العمه منيره: اقول توكلو اصلا وش جابكم
سلطان: ماتبينا نجي يعني
العمه منيره: لا تعالو بس وش جايبكم بذا الوقت
سلطان: اسمعي يعمه بنقول لك فكره وقولي رايك
العمه منيره: وشو
سلطان : قلنا لو العصر نروح العزبه ونتجمع كلنا هناك ونمرح
العمه منيره: فكره زينه خلاص قولو لبوي وشوفوه
سعود: تمم بس وينه جدي م شفته
العمه منيره: عازمه ابو صالح للفطور
لف سعود: من وين له هالكرم
العمه منيره: والله ابو صالح مسيكين بس مدري انت ليه كارهه
سعود: والله يعمه انتي المسكينه
ضحكت العمه: الله يصلحك
سلطان: اقول امش فيصل يسأل عنك
طلعو واتجهو لبيت فارس وطقو الباب
طلع فارس يفتح: هلا والله بالعيال اقلطو حياكم
سعود: الله يحيك محنا بجالسين بس نبي فيصل
فارس: ليه
سعود: بنروح مشوار قريب
فارس: طيب وراح ينادي فيصل وطلع يركض لهم
فارس: سلطان انتبه له
سلطان: ولا يهمك
طلعو واتجهو للبيت واخذو خالد وراحو
خالد: وين رايحن يعمو
سعود: بنروح الجبل ذاك ويأشر له
خالد وفيصل بحماس: يبيله
وطلعو للجبل وكل واحد ماسك ولد اخوه
خالد: تعبت يعمو
سعود يله باقي شوي ونوصل
سلطان: خلك قوي مثل فيصل م يتعب لاكن سكت لما جلس فيصل بتعب
فيصل: تعبت
ضحك سعود وخالد: اجل ما يتعب هاه
سلطان: طفل اكيد بيتعب
سعود: اقول امش بس
وكملو لين ما طلعو فوق وجلسو وكان الجو للحين مغيم وجلسو يراقبو الحاره من فوق وبشوي جلست ترشرش
...........................
بيت ابو جود
طلعت ريم من المطبخ ومعها القهوه وجلست بصاله تقهوي امها وابوها
ومدت الفنجال لبوها
العم تركي : يبوي ريم
ريم: سم يبه
العم تركي: خاطرك بشي يبه تبي شي
ريم: لا يبه تسلم
العم تركي: وانتي يأم جود تحتاجين شي
ام جود: لا يابو جود ماحتاج شي
قاطع كلامه دق الباب وقامت ريم تفتح
جود: السلام عليكم
ريم: جوووووددد هلااا والله
دخلت جود تحضن ريم
جود: وشلونك والله زمان عنكم
ريم: الحمد لله وشلونك انتي
جود: بخير الحمد لله
وجاء حمودي
حمودي: خالتو ريم وحضنها
ريم: هلا والله بحمودييي ادخلي ادخلي ابوي وامي جوا
دخلت جود تسلم وريم شايله حمودي
ام جود: هلا والله ببنيتي ادخلي حياك
ابو جود: وشلونك يا بنتي
جود: بخير الحمد لله وشلونكم انتو
الكل: بخير الحمد لله
ابو جود: وين سلمان ماجاء؟ (سلمان زوج جود )
جود: برا ينزل الاغراض
طلع ابو جود يسلم عليه وجلسو بالمجلس
اما عند سعود وسلطان وخالد وفيصل جالسين وكل شوي يزيد المطر اكثر
سلطان: سعود زاد المطر الحين كيف بننزل؟!
سعود : ما عليك بيخف
سلطان: ماضنتي شوف كل شوي يزيد اكثر
خالد: عمو خايف
سعود: لا تخاف وانا عمك تعال وجلس خالد بحضن سعود
وفيصل جنب سلطان
وكل شوي يزيد المطر اكثر والعيال حسو انهم انتشبو فوق الجبل
...........................
بيت ام سعد
منی: سعد وين خالد؟
سعد : أخذه سعود معه
منى: شوفه طول ترا وبرا المطر يزيد وتعرف خالد يخاف من المطر
سعد: معليك انتي بطلع اشوفه
طلع سعد وراح بيت جده يدورهم بس ما لقاهم حتا فارس طلع يسأل عن فيصل
طلع محمد برا يشوف المطر بس ناضر بسعد الي كنه يدور شي
راح لهم: سعد وش فيك؟
سعد: ماشفت خالد وفيصل
محمد : لا والله ليه وينهم
سعد: سعود وسلطان جو اخذوهم بس مدري للحين ماجو والمطر جالس يزيد
محمد: دامهم مع العيال موب صاير معهم شي
سعد: موب صاير شي بس وينهم ما لقيتهم لا بيت جدي ولا بيتنا ولا بيتكم حتا دقيت على سعود مايرد
جاء فارس: هاه م لقيتهم
سعد: لا
محمد: يا عيال ما عليكم دامهم مع سعود وسلطان موب صاير شي لهم فارس: ادري بس طولو وأم فيصل خايفه عليه
محمد: تعالو بيت جدي يجو بعد شوي راحو عند جدهم
اما عند سعود وسلطان الي ندمو انهم طلعو فيصل وخالد الجبل اما فيصل وخالد بردو حتا ملابسهم خفيف مو ثقيله وهنا ابتلشو سعود وسلطان معهم ولا حتا قادرين ينزلو والمطر قوي
خالد: يعمو بردد
حضنه سعود يدفيه وسلطان كذالك
سعود : مافي الا ننزل ما نقدر نجلس هنا ما تشوف الجبل بدأ يسيل
سلطان: صاحي انت ننزل بالبزران
سعود: وش نسوي اجل ما تشوف الجبل يسيل والمطر يقوي ننزل
احسن لنا وانا بحضن خالد على ما ننزل وانت سوي نفس الشي
سلطان: والله خايف عليهم
سعود: ما بيصير لهم شي بأذن الله
وبدو يشيلو خالد وفيصل وحاولوا ينزلون وكان صعب جدا عليهم
الجبل بدأ يسيل مويه والمطر قوي
فيصل: عموو خايف
سلطان: لاتخاف وانا عمك
وكملو وكل واحد يمسك بطرف كل حجر جنبه
طلع مازن مستانس بالمطر وقف يتامل الجو لاكن لمح شي ابيض بالجبل ودقق بالأبيض الا وثنين بالجبل وراح بيت جده وقابل محمد بوجه
محمد: وش فيك؟
مازن: فيه ثنين بالجبل
محمد: وين؟
مازن: تعال وأشر له إلا صدق ثنين بالجبل
ركض محمد لسعد وفارس يقول لهم طلعو يناضرو وهم مخروشين ليكون سعود وسلطان ومعهم خالد وفيصل
سعد: يارب مو هم يارب
ركض فارس للجبل ينادي لاكن من قو المطر ما يسمعون وركضو عند
الجبل ينتضروهم
اما سلطان الي مانتبه للحجر وتزحلق بس ماطاح وحك ضهره بقوه بالحجر
الكبير الي وراه
سلطان اححححح ضهريييي
لف سعود : بسم بالله وش فيك
سلطان: ضهري ضهري يسعود
سعود: نزل فيصل نزله
سلطان: ما عليك وكمل سلطان وهو مو متحمل ضهره
نزلو وركض سعد وفارس لفيصل وخالد اما سلطان نزل فيصل وجلس
من قو الألم وركض له محمد يشوفه وش فيه
سعد الي كان معصب: وش مطلعكم فوق صاحين انتو ليه تاخذو
البزران معكم وانتو تشوفو الجو كذا ما حسبتو حساب ان الجو بيمطر
ولا حساب البزران الي معكم
سعود: خلاص ماصار شي
فارس: كيف ماصار شي منت شايف كل ملابسهم مويه بكرا تلقاهم
مرضانين وذا يأشر على سلطان وش فيه بعد الا وتطلعون فوق اطلعو
لحالكم بس البزران لا تاخذوهم معكم
سعود : خلاص يعني وش صار هذول عيالكم موجودين بس جدي
لا يدري والله لا يستلمنا
فارس: لو بكيفي قلت له بس اعرف جدي زين اخذ سعد خالد ورجع للبيت وفارس رجع وهو معصب
اما محمد جلس يشوف ضهر سلطان الي كله خدوش وقالب على أحمر
محمد: انت مخدوش بوشو كله خدشات وقالب احمر
سعود: تزحلق وما انتبه للحجر اليي وراه وخدش فيها
محمد : قم قم امش البيت
اما عند منى الي انصدمت من شكل خالد الي كله مويه ويرجف من
البرد
منى: يمممه حبيبي وش فيك سعد وش فييه ليه هو كذا؟؟!!
سعد : مافي شي بس سعود طلعه معه الجبل وزاد المطر عليهم ونزلو
منى: ياربي ليه ياخذه معه يا حبيبي يماما بردان؟امش تعال أخذته معه تبدل ملابسه وتدفيه وكذالك مها معصبه منهم رجعو العيال بيت ابو فارس
محمد: ضهرك يوجعك مره
سلطان: ايييه
سعود : شوف له دهون ( كريم ) او اي شي نحطه على الخدوش ذي
طلع محمد يدور كريم
ام فارس: وش الدور يمه؟
محمد: مافي دهون او اي شي
ام فارس: ليه
محمد: نبي نحطه على ضهر سلطان
ام فارس: بسم الله عليه وش فيه ضهره
محمد: مخدوش بس
ام فارس: ليه من وشو مخدوش
محمد : يمه بعدين اقول لك بس فيه دهون شي ولا؟
ام فارس: والله مدري وانا امك بس بشوف لك راحت ام فارس تدور ورجع محمد له
سعود: وش صار
محمد راحت امي تدور
بشوي جت ام فارس ومعها كريم
ام فارس: خذ يمه مالقيت الا ذا حق ابوك
محمد اشوف وقرا وكان الكريم كويس لذي الأشياء
محمد : لف يسلطان خليني احط لك الكريم وانت يسعود ارفع فنيلته فوق وبدأ يحطو له من الكريم ويدهن ضهره بعد ماخلصو
سعود : اهم شي جدي لا يدري والله لو يدري ليسفل فينا
مازن: مارح يدري اذا محد قال له بس قولو للعيال لاحد يقول
سعود: ايوه المهم سلطان بروح وبرجع لك العصر
سلطان: طيب
طلعو مازن وسعود ورجعو البيت
سعود : يمه وين سعد
ام سعد: دخل جوا
سعود: سعد ياسعد
طلع سعد: وش تبي
سعود: وراك معصب
سعد : ولدي ماتبي اعصب عشانه
سعود: خلاص ماصار شي وراح يبوس راسه
سعد: ماله داعي والله تاخذونهم بذا الجو
سعود: العذر والسموحه بس اسمع جدي لا تقول له شي والله اذا درا رح يسفل فينا
سعد : محد قايل له شي
سعود : والله انك كفو
سعد: وش صار على سلطان
سعود  مافي شي بس ضهره فيه خدوش
سعد : كيف خدش ضهره
جلس سعود يقول له
...........................
بيت ابو جود
ركض حمودي لأمه
حمودي: ماما ابغا اروح بقاله
جود: طيب قول لبابا
حمودي:  بابا راح
جود: غريبه وین راح
ريم: اوديك انا البقاله
حمودي: اييه
جود: طيب وديه بس انتبهي له
ريم: من عيوني
راحت ريم تلبس عبايتها وأخذته وراحت وجلس يسولف لها على
ما يوصلون ودخلت البقاله وراح حمودي يشتري وبعد ما حاسبت طلعت
اما سعود طلع وراح لجده وبنص الطريق شاف حمودي وعرفه
سعود: محمد
لفت ريم على الصوت وشافت سعود: حمودي شوف ذاك يناديك
لف حمودي وركض لسعود وحضنه: انت سلطان صح؟
سعود :لا انا سعود وينك يحمودي ما نشوفك
حمودي بصيغت طفل: بابا بدوام وما يجي هنا وانا ابغا اجي بس بابا ما يوافق
ضحك سعود : هاذا انت جيت بس انتبه سعود للبنت الي واقفه يله روح وبعدين بجيب لك خالد وفيصل يلعبون معك
حمودي: طيب وركض لريم الي واقفه تنتضره
ريم: من هذا سلطان ولا سعود
حمودي: لا هاذا سعود
ريم: وش يبي؟
حمودي: ما يبي شي بس يسأل عني
ريم: يله تعال
اما سعود كمل وراح عند جده واول مادخل من الباب طلع بوجه ابو
صالح
ابو صالح : هلا يسعود الحمد لله على السلامه
ناضره سعود بستغراب: الله يسلمك
وراح ابو صالح ودخل سعود عند جده
سعود: اسلام عليكم
الجد عبد الله: عليكم السلام ادخل يسعود ابغاك
جلس سعود: سم يجد
الجد عبد الله: وينه سلطان؟
سعود: بالبيت
الجد عبد الله: وش مسوين انتم
سعود: مو مسوين شي
الجد عبد الله: رح نادي سلطان وتجي بسرعه هالحين
قام سعود وهو قامط ام العافيه حس ان جده درا راح لبيت ابو فارس ودق الباب
وطلعت دلال تفتح
دلال: مين
سعود : انا سعود اذا سلطان موجود ابيه
دلال: موجود بفتح الباب وادخل تلقاه بالمجلس
دخلت دلال بسرعه ودخل سعود المجلس
سلطان: هلا سعود ادخل
سعود : اسمع جدي يبينا والله حس انه درا
سلطان: وش قال؟
سعود: بس قال وش مسوين انتم وقال نادي سلطان
سلطان: لا ان شاء الله مادرا مشينا طلعو ودخلو عند الجد عبد الله
الجد عبد الله: وش مسوين انتم
العيال: مو مسوين شي
الجد عبد الله: انتم متا تعقلون مطلعين الوراعين الجبل وبذا الجو ما تستحون انتم مطلعينهم ليييه؟ وش مطلعكم فوق الجبل لو احد صار له شي وش بتسوون هاه وش بتسوون ردو علي
ناضرو العيال بعض وقال سعود: ماصار شي يجد
الجد عبد الله: كيف ماصار شي وانت وراه ضهرك كمان والله لو
ما تعقلون انت وياه لا تشوفون شي ما يعجبكم تسمعون
العيال: ابشر يجد
قامو العيال وطلعو
سعود: والله ما فيه غيره هو الي علم
سلطان: مين؟
سعود: من غيره نقال العلوم ابو صالح يذا الأدمي م يخلي شي ما يقوله
سلطان: حرام يمكن موهو
سعود: والله هو
سلطان: وش الي يخليك متأكد كذا
سعود: يوم جيت عند جدي طلع بوجهي وقال لي الحمد لله على
السلامه والله هو ما في غيره
سلطان: يذا الشايب الي ما يسكت عن شي وبعدين شدراه
سعود : مدري بس والله لوريه زي ما علم والله لردها له
سلطان: وش بتسوي
سعود: بعدين اقول لك بروح البيت مع إسلامه
سلطان: مع اسلامه
وكلن راح بيت
..........................
المغرب
طلع سعود متجهه لبيت سلطان ودق الباب
وطلع محمد: هلا سعود
سعود: ناد سلطان بسرعه
محمد: ليه وش فيه؟
سعود: بسرعه ابيه
رجع محمد ينادي سلطان
وطلع: هلا
سعود: امش يله
سلطان: وين؟
سعود: امش بقول لك بطريق
طلع سلطان وسعود وركبو السياره واتجهو لجهت البر
سلطان: وين رايح
سعود: عزبت ابو صالح
سلطان: وش بتسوي
سعود: بتشوف
سلطان: لا يسعود حرام عليك
سعود : والله محد قال له يعلم
سلطان: شايب عطه على قد عقله
سعود: طيب هاذا انا معطيه على قد عقله
سلطان: مافيك طب
اتجهو للعزبه وقف سعود ونزل من السياره واتجه لشبك البل
اما سلطان جلس يراقب وش يسوي
راح سعود وفتح شبك البل وخلا البل تطلع وسكر الشبك ورجع السياره
سلطان: ياخبل ليه تسوي كذا حرام عليك
سعود: لو بيدي سويت اكثر
سلطان: والله انك مو صاحي
رجع سعود للحاره ورجع البيت
دخل وجلس
سعد: وين كنت؟
سعود: عند سلطان
سعد: طيب وش صار على طلعت العزبه
سعود: يعني بتحسب جدي بيوافق بعد الي صار
سعد:ليه جدي درا؟
سعود: ايوه
سعد: شعرفه؟
سعود: مين غيره نقال العلوم ابو صالح
سعد: يذا الشايب
سعود: ما تفوته فايته المهم متا يجهز العشاء لأني ميت جوع
سعد: خلاص شوي ويجهز
وشوي جاء العشاء وبدو ياكلو بعد مانتهو الكل راح ينام بعد يوم تعب
وكل الحاره طفت اضوائها وأعلن وقت النوم
وانتهاء ذا اليوم
............................
التكمله البارت 4.🤍