الرَسامُ ذُو القُبعة.

بَارت ؛ ٧

فَوت وَ كَومنت😞🌷 .

نبدأ؟.

يوم السبت ، الساعة 6:10 صباحاً .

جانت ساعة بالستة من صباحيات الله، وجان علي وزيد نايمين ، بس إبراهيم كَاعد ، جان حاضن علي ونايم على جتفه ويصفن بلا سبب ، تنهد وقرب رأسه وحطاه بركَبة علي ، شم ريحته وضل حاط رأسه بركَبة علي ، يستنشق العبير الطيب لجسم علي ،

لحد ما حس بيد علي تلتف حول جسمه وتحضنه وعلي يحط راسه على رأس ابراهيم وهو يهمهم براحة ، أبتسم إبراهيم وكَال بصوت اجش من النوم واقرب للهمس

-كَاعد؟

همهم علي وهز رأسه ، والنوب همهم إبراهيم وكَال

-اريد اروح اطلع شوية اتمشى واتريكَ برة ، عود ارجع بالتسعة لو بالعشرة ، محتاج شي؟

أبتسم علي وباس فك إبراهيم وضرب على ظهره بخفة وفتح حضنه حتى يكوم إبراهيم، وكَال بصوت اجش من النوم

-دكوم لعد حتى ترجع من وكت

ضحك إبراهيم وكَام بشويش حتى لا يزعج علي الي رجع نام ، إبراهيم صارله فترة طويلة ماشاف علي ينام براحة ، لأن علي شخص وسواسي حيل وأربعة وعشرين ساعة دماغة يشتغل للتفكير ، علي يعاني من التفكير المفرط لدرجة مايقدر ينام براحة الا اذا تعب يوم كامل راح ينام نوم عميق بحيث مايحس ولا يحلم ، وحب إبراهيم مايزعجه

راح إبراهيم سوة روتينه اليومي وسبح وبدل ملابسه ولبس قميص سمائي ويه بنطلون تشارلز نيلي وكالة بيضة،ورش عطره وطلع بعد ما أخذ نسخة مفتاح للشقة ،

جان ابراهيم يتمشى بشوارع بغداد حتى يروح لكافيه يتريكَ ، على الرغم انها ساعة بالستة وأربعين دقيقة بس الشوارع بيها سيارات وناس ، هاي بغداد بعد ، جان حاط سماعاته ويسمع اغنية هادئة سمعها من زيد واخذها

( Diet mountain- Lana Del Ray)

ويهز رأسه ويه نغمة الأغنية، وصل لكافيه هادئ وصغير وبطراز حلو ، دخل وجان بي ناس ، الي جاي هو وصديقه ، والي جاي هو وحبيبته ، والي جاي وحده ، والي جاي ويه جماعته ، والي جاية هي وصديقاتها أو صديقته ، ما اهتم وراح حتى يطلب ويروح يكَعد ينتظر الاكل يجيه ، طفى الأغنية وضل يكَلب بالسوشال ميديا