الساعه الثانيه فجرا
لم استطع النوم رغم انني متعبه جدا
نظرت الئ السقف تذكرت اشياءلا يمكنني نسيانها ابدا و هي تتعبني وترهقني كثيرا تحدثت مع ربي وشكيت له ثم بكيت بصوت كتوم لم يكن هناك من يوقفني من الحديث مع الله وبعدها جلست ع سجادتي وراودني سؤال لماذا في هذا الوقت. بالتحديد بكيت بشده
التعليق بين الفقرات والتصويت لطفا
لؤلؤه✨♥️
القصه بـ اللهجه العراقيه الاصيله
امشي سريع احاول اوصل قبل لا تروح مني الكيات
لان ماكو عبريه يم طريقنه بس وحده تقبط وتطلع
وصلت وجان اني اخر نفر
اخذت كرسي يم الشباك
طلعت عندي الف ملزوگ مال البارحه
عصرته حيل بيدي اخفف العصبيه والحزن
انطيته السايق بدون مااحجي
خليت راسي ع الجام ورحت بعالمي المر
اني اسمي براء اشتغل ع عائله كامله
عندي 3خوات اثنين مدرسه وحده كاعده بلبيت
وامي وابويه عايشين والحمدالله ابويه جان يشتغل عماله وكع من فوك ليجوه وصار شبهه معوق ميكدر يوكف وامي مره جبيره وفطيره من اهل الله
واختي سرور اختي وامي الثانيه العاقله الوحيده بلبيت تحب تطبخ تنظف تخيط كلشي سوي
وبعدين اجي اني براء الي مااعرف شي من حياتي لا عندي طموح ولا احلام مجرد اجيب خبزه حلال الاهلي
واختي الثالثه سلسبيل الكلش حلوه وجميله بشكل وماخذه انوثتنه كلنه وتحب الطلعه والملابس والفلوس بشكل مو طبيعي
ونجي الاخر وحده الي هيه ندئ بس ابد مو يم الاسم مسترجله وتحب الطوبه بشارع تحب ملابس ولد ماتحب الحجاب وفارضته عليه گوه
رجعت من تفكيري بطسه مال شارع شلعت معدتي وصلت يم الشارع الي اشتغل بيه وكفت الگيه وستحيت اگله ع الباقي خمسميه
براء ....بدون زحمه بس الباقي
السايق ...شكد بعدلج
براء...خمسميه
السايق..ماعندي خرده
براء..شون هسه
حجه واحد من العبريه ..هاج خويه. هاي خمسميه راح نتعطل وبعدين اخذهن من السايق
اخذتهن ومشيت
وصلت يم المحل وفتحته وبقيت انظف اشتغل بمحل مال حلاقه انظف مرات احف اسوي تنظيف بشره تعلمت من ام مصطفئ الي هيه مديره الصالون وياي ثنين حلاقات هم لان محل جبير وزبائن هواي خير من الله
شويه واجتي ام مصطفئ كملنه يومنه تعب بتعب
لليل شالت عشره وانطتني بسته وخليته ع گصتي
رجعت هم عبريه بالخمسميه البقت عندي
بلرجعه اشتريت بيض بـ الف وجبن بـ الف
بقن 8خليتهن بالجنطه
وصلت للبيت واسمع عياط تارس الدربونه رجليه بعد ماشيلني اول مااجه بالي ابويه بعدين امي نوب گلت احتركن البنات سرور من تخبز طگ التنور مليون فكره اجت بالي بقيت ارجف وامشي خطوات ثگيله
أنت تقرأ
الجنائز المؤجله
Mystery / Thrillerگبال المرايه أباوع بس أخاف وجه مال اكبار مو يم العمر وقفل الغرفه وحط راسي وأضيع أني أنام المغرب وأغفه الفجر
