- أقتصاص المُهاب.
#مريم المُحمدي
#لا تنسون التصويت +التعليق بين الفقرات+ومتابعة حسابي
*التعليق الي اغلبهن ايموجي تأثر ع القصه.
*****************
فتحت عيوني أحاول استذكر الي صار
تذكرت تفصيل الحادث واهلي
كمت مفزوعه اريد اشوفهم خفت انو صايرلهم شي ليان رجعتني تطمن بيه
فرح:أهلي ليان أهلي بيهم شي احجي لا تضمين عليه أحجي
ليان:مابيهم شي وداعت غلاتج بگلبي مجرد كسور بسيطه واني داويتهم شنو ماكو ثقه بيه؟
فرح:لا شلون ماكو ثقه جنت كلش خايفه انو يكون صايرلهم شي
حضنتني وانطتني مهدء حتى انام
نمت ومن كعدت لكيت اهلي يمي وبابا وليان يضحكون
بابا اردف بإبتسامه.
أحمد: كعدت فرحتي.
فرح:شلونكم خوما صار بيكم شي؟!
أحمد:كلنه زينين مثل مدا تشوفين هاي سمسمه جنها گمره ومسره فوك الغيم واني هاي اني حيل زين بس انتِ ضليتي نايمه وعفتينه لا تعيديها
"انه حتى بنومتج اشتاقلج"
دمعت وبجيت على حنان بابا
فرح :بابا احبك ماكو بحنانك انتَ.
تقدم بابا وحضني
وبعدها طلعنه من المستشفى بعد ماودعت ليان
اخذت اجازه 4 ايام حتى ارتاح
***********************
مسره:يلا اني رايحه استلم النتيجه واجيكم حضروا جُكليت الفرحح يُبا.
سَما:ديلا روحي وتلكيني متانيتج والله.
فوراً بوست ماما وطلعت للمدرسه دا امشي
ومرت من يمي سياره وبيها شباب ومشغلين اغنيه
"الحلوه اجت ، اجت
من بيتهم اجت، بشارعنه
اجت، اجت تمشي مشي"
وطلع شاب يكول نوصل الحلوه
مسره:شوف لك تره افنيك فني ابو حلك دمشي ولي اعوج
الشاب:بيكيسي مو لساان.
وصلت للمدرسه والشباب راحوا.
دخلت استلمت الشهاده وطلعت 98 طلعت الأولى فرحانه وصلت للبيت واغني
مسره:يلا يبو فاضل خلي نسمع الهلهوله
هلهوله للعباس هلهوله للعباس
يمااا طلعت الاولى يمااا
اجتي ماما فرحانه وطش جُكليت.
سَما:بنيتي الحلوه الي ماتخيب ضني
