الرياش نهج مغاير

بارت 22

#بارت٢٢

﷽

ما متعود اكضي
ايامَي من دُونك
خل يطفالَي كلشي
ولا ضُوة عيونك .

ريان : حــي الله علي الآكبر رجــع الصنديد الاسكندر ..

حجاها بجيت وبقيت اشوف بالفديو واحجي برجف
_ هذا الفديو علي الآكبر دزه ؟
_ اي هذا هو رقمه هو مصور هاي صورته .
_ وين صورته ؟
اخذه يريد يشوفني الصورة ظل
صافن بالتلفون بلع ريگ ويحجي متعجب
_ اختفت الصورة .
انور : يا صورة .
فر التلفون فتح انور عيونه مصدوم
_ حظر بلوك هذا يسوي صدّك يحجي .

اتصل مايتصل خابر على رقم مايرن
ريان : ليش حظرني علي الآكبر اخذ الملفات وحضررررني .
انور : سحبهن كلهن ؟
ريان : اي ولك اخذهن كلهن وحذفهن مني وحظرني .

انور : وانت بلغته تنتظر رسالة منه حتى نرجع ؟
طلع ريان الرسالة قراها انور بصوت عالي
" علي الآكبر نفذ بيهم وانتظر منك رسالة حتى نرجع للعراق "

كعد ريان على تخم كُل فرحتنا اختفت بهل دقايق
يهز برجله ولازم رأسه وبضياع يحجي
_ شنو قصده ؟
انور : قصده واضح وكلكم فهمتوا .
دُر : لا والله عقلي قفل فهموني الله يخليكم .
انور : وصل الكم رسالة هو انتقم منهم لان هو يريد ينتقم
انتوا مو مهمين رجعتكم هو مايدخل بيها واحتمال جبير
ما يريدكم ترجعون ، اخذ الملفات وراح بعد قطع التواصل وياكم  .

خليت ايدي على شفايفي اكتم صوتي صعقه ونزلت على راسي
وريان تربطت ايده يريد يحجي مايكدر وانور يصيح
_ مو حجيت ونصحتك لا تقدمها كلهااااا لعلي الآكبر
هذا طگه ونص على اي دقيقة يسحب ايده .
ريان : هذا صاحبي بعمره ما غدرني بس اطلبه مايقصر
غدرني هل اول مرة يغدرني ما اتوقعها من علي الآكبر .

حرة : يعني ماراح نرجع للعراق ؟
انور : محبوسين بهل نعاااااااااااال نرجع شلووووون نررررجع .
حرة : لااا كافي صبرنا خمس اشهر شوكت نرجع .
انور : اذا نقرر نرجع عمامچ العارية ينتظرونه باب المطار يصكوكم .

هز ريان راسه داخل بدوامة صدمات عاف كلشي ودخل غرفته
وقفلها مانسمع شي منه وانور يسب بعلي الآكبر لان غدرهم
وحرة تاكل أظافرها من القلق والتفكير تريد بس ترجع
واني يا حيرتي ويا مصيبتي ويا خوفي فسرت وعرفت
تفكير علي الآكبر بنفس الدقيقة ، كشفت علي الآكبر
سكت الفترة الفاتت كلها بس هسة راح ينفذ تهديده
راح ينتقم راح يلچم كلبي ، كرهني يمكن كرهني
قبل غبت ايام معدودة وعاتبني بـ
" داويت حرگ ايدچ وانا ياهو يداوي جرح كلبي " .

بهل غيبة ينهيني اخاف ينهيني علي الآكبر من حياته
انا والله مكسورة مثلك ، ومهدود حيلي مثلك
شلون أوصل وافهمك واخليك تشوف حالي
لا تلفوني موجود ولا رقمك اعرفه ولا اي تلفون مسموح اخذ .