في الرياض
نجد كانت متوتره عشان ابوها
قعدت حوالي سبع ساعات وهي جالسه بالممر شو الا الجد سالم ومعه خالد وسلطان طالعين من الممر
سلمت على ابوها وضمته : الحمدلله على السلامه يابوي خوفتني عليك والله
الجد : الله يسلمك انا اخوف بنيتي لا والله
ابتسمت جاء خالد وسلم على ابوه
عقبه (بعده) جاء سلطان وسلم عليه
راحت نجد لغرفة ابوها ولمت ( جمعت )
اغراضها واغراض ابوها وراحت للسياره وركبت مع خالد وسلطان وابوها وحركو على الديره
في الديره (بيت الجده نوره)
جالسين يفطرون
نوره : يمه
مرام : لبيه
نوره ابتسمت : باقي على المدرسه اسبوعين
ابي اروح انا وخواتي للسوق نتقضى (نشتري)
غراض للمدرسه
مرام : ابشري
نوره عاينت (ناظرت) خلود ومنيره
وابتسمت ناظروه وابتسمو لان خطتهم نجحت
قبل شوي في غرفة البنات
خلود :بنات
منيره : شو بدك
خلود : تكلمي زين
نوره : خلود يعني انتي ماتعرفين منوو
مثل خاله بينو يتكلمون لهجات كثير
خلود : المهم
ناظروها البنات
خلود: المدرسه مابقاء عليها شي نبي نشتري غراض للمدرسه
منيره وخلود بنفس الوقت ناظرو نوره
نوره انخرشت : وشو
منيره: انتي اخر العنقود وكل طلباتك اوامر
نبي..
قاطعتها نوره : نبيك تقولين لامي وابوي
عارفه وش بتقولين
خلود : شطوره بيبي
نوره باست خد خلود : ليش احس انك امي
لاني اختك الكبيره يامفهيهه
مثل سعد انتي
منيره فزت : ماشفتهم اليوم
نوره : اي سمعتهم يتحلطمون وابوي يقول لهم روحو للنياق
خلود ناظرت فيها : صدقق
نوره : والله
منيره ضربت راسها
ناظرتهم نوره : وش فيكم
خلود ومنيره بنفس الوقت حاطين فساتين حفلة جدي في الخياط
فزت نوره : صدقق ياغبيات الخياط يسكر بدري واخوانكم المهبل ماراح يجون الا على ٩ ١٠ بالليل
نقزت منيره : تكفيننن نونييي قولي لابوي الله يوفقك تكفيننن
خلود : اييي تكفينن تكفيننن
نوره : اوكيه اوكيه بس بشرط
منيره وخلود بنفس الوقت وش قولي
نوره: اليوم تدلعوني
خلود : ابشري
منيره : لا والله ياحبيبتشي
خلود مسكت راسها : حولت على مصر
نوره ضحكت : مالي دخل
منيره بعد اصرار من خلود انها توافق : خلاص وافقت
نوره ناظرت فيه شطورينن بناتيي وارسلت لها بوسه في الهواء
على المغرب وصلو الجد سالم
وسلطان ونجد وخالد
دخلت نجد البيت شافت قدامها نوره والبنات تقدمت تحضنهم لانها ماشافتهم
لها ثلاث شهور ضمت البنات ورجعت تضم نوره لانها قريبه منها كثير حست بدموع على كتفها لفت
نجد : لا لا لا نوره مو منجدك تبكين
نوره وهي ضامه نجد : اشتقت لك عمه
نجد ضربتها على كتفها بخفه وضحكت تقول : كم مره قلت لك لاتقولين لي عمه
توني صغيره عمري ١٩
نوره وهي تضحك وسط الدموع
نجد : ايوا كذا اضحكي
خلود ومنيره : نجد
ناظرتهم نجد
وكملو : وين خالي سلطان
نجد برا مع عمكم خالد وابوي
طلعو البنات وبقو نجد وبيان يناظرت بعض
لفت نجد وجهها يمين يسار ثم ناظرت في بيان وفتحت يدينها بيان ركضت وضمتها
نجد ضحكت : مو منجدكم تبكين انتي بعد
بيان ضربتها بخفه : ماتستاهلين احد يشتاق لك
ضحكت نجد : وهه يازين الي يشتاقون
ضحكت بيان ومشو داخل
عند البنات
نوره انا اول وحده تضم جدي منيره
سحبتها من وراء وهم يركضون : لا يحبيبتي انا اول وحده
خلود : هيي انتي وهي انا اول وحده
وهم يركضون ما انتبهو للمويه الي على الارض
زلقت منيره وطاحت عليها خلود ونوره ضربت كتفها بالجدار وطاحت عليهم
وصادف وقت طيحتهم دخول سيف وسعد
سيف ماقدر يمسك نفسه وانفجر ضحك
سعد انسدح على الارض وهو يضحك
وكلهم قامو يضحكون دخل الجد عبدالله وشافه طايحين على بعض قام يضحك وضرب سعد بعصاته
قامو البنات وملابسهم كلها مويه
سيف رحمهم وراح يجيب بطاطين لهم
تلحفو بالبطاطين ودخلو داخل لبسو البنات ونزلو سلمو على الجد وعمهم خالد وخالهم سلطان وعلمهم سعد عن الي صار وقامو يضحكون على البنات
عند قسم الحريم كانو الجدات يطبخون العشاء وبحكم ان ساره حامل ماقدرت تساعدهم وكان في حفله على سلامة الجد سالم
بيان ونجد وهم يقطعون البصل ودموعهم تنزل ونوره تضحك عليهم
والجده سوير جالسه على كرسي تحرك اللحم والجده نوره جالسه على الارض وتسولف على الجده سوير ويشربون شاهي
ضحكت الجده نوره على نجد وبيان : وراكم تباكون
نجد : يمه تكفين ماني قادرهه اكمل بجرح يدي
بيان : خاله شوفي عيني تحرقنيي
ونوره جالسه تطقطق عليهم
ومنيره وخلود راحو مع سعد للخياط
في الطريق
سعد طفش من سوالفهم
وقام يحرك السياره يسار ويمين
شافهم ماعبرو قام يفحط فيهم منيره وهي شوي وتبكي : تكفىى سعد خلاصص
خلود مستانسه على الوضع وتعزز لسعد : ايوا سعوددديي ايوااا لفف لفف
سعد استانس انه اخذ خلود معه وقام يفحط اكثر منيره اخذت جوالها وحطت رقم
ابوها ناظر سعد في الرقم ووقف السياره بسرعه : لا لا منورتيي لا لاتتصلين كنت امزح معكم شفيك لا تتصلين تكفين
منيره :اجل يالله امش زين
خلود ناظرت في منيره : ليش منيررره
والله الجو الا بطل
منيره ناظرت فيهم : هيه انتي يالكبيره
يالعاقله هاذي حركات وحده كبيره
خلود ناظرت فيها :والله فله
سعد : خليها ماتعرف الفله
منيره : سعدوووهه ترا لحد الحين الرقم مكتوب
سعد بسرعه : لا خلاص خلاص اسف
