المهم الكل اتفق انو الشباب ولد العيلة كلهم يرحون من الصبح، اما احنة البنات فَ نروح الضهر لان الحفلة تبلش الساعة 4 فَ احنة نروح قبل ساعتين لان همة بعيدين، فَ اني ادري كل الولد مشوو، ما بقة بس عمي واحد الي هوة ابو خالد
فَ اني طلعت برة بالحديقة ما ادري شنو جنت اريد بس طلعت،
جان باب الاستقبال مال النسوان انسد، اني اريد اطب جوة فَ دكيت الباب محد فتح لان الكل جان جاي يبدل،
فَ اني كلت خلي اطب من باب الاستقبال مال رجال لان الجووو جان حارر
اني عبالي محد موجود فَ طبيت
الصدمة منو لكيت،
لكيت خالد كاعد ولابس القاط مالتة الصراحه جان طالع كلش حلو بيني وبين نفسي اكول لو هذا يحبني بس...
اني من الصدمة ضليت واكفة بمكاني ما كدرت اتحرك ولا احجي ولا كلمة ضليت واكفة
اني اتوقع عرفني لان بس اني شعري طويل
فَ اتوقع عرفني
جان يكوم يوكف وكام يمشي الى ناحيتي، اني بس مصدومة وارجع الى ورة
جان يكلي كل هذا الجمال موجود بعيلتنة
جان اكلة خالد وخر
جان يكلي تعرفيني،
كتلة اي اعرفك لان انتَ الوحيد الي كسرت قلبي محد كسرة غيرك
جان يكلي هذا صار ماضي
كتلة لا مو ماضي من كسرت قلبي وعفتني ورحت ولحد هاي اللحظة الجرح موجود بكلبي ما انشفه هذا مو ماضي
جان اكلة خالد وخرة
جان يوخر
، جان يكلي ملك اني من كال اسمي مدري شنو صار بية عبالك اول مرة احب،ولا جن هذا كسر قلبي
جان اكلةهااا
جان يكلي احبج
جان اني اصد علي واكوم اضحك
جان يكلي شبيج
جان اكلة تحبني،الله عليك هذا حب اسكت
انتَ اخر شخص يحجي على الحب
جان اعوفة واطلع
حسيت بهاي اللحظة انو خالد ما يستاهل كل هذا الحب ، الي حبيتة الة
لان هوة قبل ما جان حابني لان اني جنت مو حلوة
وهسه هوة حبني لان اني صرت جميلة
هوة ما حابني لان روحي جميلة هوة حابني لان شكلي جميل
نصيحة: لا تحب شخص عمود شكلة، لان هذا يعتبر مو حب، يعتبر نزهة كم يوم وتتركه لان راح تلكة شخص احلا منة،
حب الشخص عمود روحة مو عمود شكله
اذا انتَ تحب شخص عمود جميل فَ اكو هواي اشخاص جميلين
واذا تحب الشخص عمود محترم فَ اكو هواي اشخاص محترمين
اذا يجي احد ويسئلك انتَ ليش تحب هذا الشخص وانتَ تكله عمود هوة جميل او محترم او رشيق
صدكني هذا يعتبر مو حب،
لان هذا السوال مالة جواب
واذا احد يجاوبك على هذة السوال فَ هذا مو حب
لان انت تحب هذا الشخص هذا بعيوبة وتفاصيلة وجمالة
الحب مسالة،القلب ينبض ويحدد اختيارة
العقل ما يفكر القلب هوة وحدة يحدد الاختيار
