َ اني بدلت اني وحور فَ قررنة نروح للمحل
الساعة كانت ب10بليل
فَ بعد ما بدلتة جينة نطلع جان نشوف خالد برة جاي يغسل بالسيارة
خالد: وين رايحين
حور: للمحل، راح نشتري ونرجع
ملك: اني جنت حيل ضايجة
(تدرون اني كل ما اشوف خالد، احس بداخلي اشياء غريبة بس اني اكتم هاي الاشياء واكول هذا ما يحبج
بس مادري، بس يمكن اني رجعت احبة، هسة تضحكون علية بس والله اني ولا يوم نسيتة الحب بعد شنو اسوي)
خالد: اني اروح وياكم، ويباوع علية
ملك: مالك دخل، احنة نروح وحدنة
خالد: ما عدنة بنات يطلعون الساعة ب12بليل
ملك: شنو انتَ عندك حول ترة الساعة ب10
حتة لو الساعة ب12عادي هم نروح انتَ مالك دخل
قابل منو انتَ ابوي اخوي زوجي
خالد: اني كلت ماكو طلعه، تردين ما تردين بكيفج،
اي اني زوجج عندج مانع
ملك: هههههه ضحكتني، زوجي تصدك كلش جنت اريد اضحك شكرا، لو تبقى اخر واحد ما اقبل بيك
خالد: نشوف مني الي ما تقبل،
ملك: اخذت حور ورحت للمحل،
يمة هذا شبي ليش هيج بكل عصبية
حور: شبيج هدي
ملك: ما شفتي انتي
حور: لا شفت، بس الصراحة شكلكم كلش يضحك،
صدك عبالك مزوحين
ملك: حور عادي تسكتين، لان حرفيا مو طايقتة
خالد: اوكفوووو، اكفوووو اجيت
ملك: انداريت وشفت خالد، ردت اموت لان ما اريدة يجي
المهم اني وحور نمشي وهوة يمشي ورانة
بعد ما وصلنة الى المحل،
اني اخذت الاشياء الي اريدهة وحور وهم
وخالد طاير ورانة وين ما نروح يروح
بعد مل خلصنة جيت احاسب جان يطلع خالد محاسب
اني ما قبلت انو خالد يحاسب عني
المهم ما حبيت اناقش يم المحل من طلعنة وصلنة الى البيت
جان اكلة هذا الحساب هوة ما قبل ياخذ جان اكلة
اخذ، اني ما اقبل احد يحاسب عني
خالد: اعتبري هدية
ملك: هديه منك ماتراد
خالد: انصدم مبين على وجهة الصدمة
ملك: ذبيت الفلوس بوجهة ومشيت
خالد سكت ما سوة اي رد فعل
هسة اهم شي هوة الي صار بالسيارة
اني مو كلت اني جنت نايمه ونازعة النقاب وشعري طايح على وجهي فَ خالد من اجة يصحينة اني وحور شافني بدون اي شي
فَ حور جانت كاعده ما نايمة
فَ سمعتة من يحجي هذا الكلام ويمسح على وجهي
الكلام هوة
اني حيل احبج يا ملك من احنة اطفال
وذكرياتنة كلهن اعرف ما ناسيهن بس اني اسوي نفسي ناسي ولا اكدر انسى منهم اي شي غير هاي الذكريات اعز ما املك
بس اكو شي خلاني اعوفج وما اقرب عليج تعرفينة بعدين
واعترف هوة يحبني من جنة صغار بس
من جيت واني اعترف الة جان اكو شي خلا يرفضني
تعرفونة بعدين
المهم من كالت حور هذا الكلام اني انصدمت
لان من سابع المستحيلات هذا يحبني
بس اني ما صدكت، لان ماكو سبب يخلي يرفضني
لان هوة اذا يحبني ما يعوفني
شنو راح يصير ترقبووو
