فصليةة

البـارت الاول

انا رغد عايشه وي امي وابوي وانا جنت وحيدتهم،والدي و والدتي جانوا موضفين ودللوني وتعبوا عليه كلش،استمريت ادرس لحد ما وصلت الاعدادية وبدو يجوني عرسان بس انا دائما جنت ارفض ودائما اكول لامي وابوي انا ماريد اتزوج
رغم بعض العرسان اهلي جانو مقتنعين بيهم بس اني جنت رافضه
وبيومها اجاني عريس فعلااً جان ممتاز وما بي أي عيب و والدي ضل اسبوع يقنع بيه خاطر اقبل وكالي بلعباره
(بنتي ولد الحلال صارو قليلين واني اريد أطمن عليج)
بس انا رافضه، رافضه الفكره بدون سبب بس جنت حابه ابقه يم اهلي
امي وابوي وصلو لدرجه من يجي عريس يخطبني يرفضون من يمهم بدون ما ينطوني أي خبر لان يعرفون راح ارفض
كملت الاعدادية وقدمت على الجامعه
وداومت المرحله الاوله
وبلشت تصير عندي علاقات بنات وشباب من طلاب قسمي وطبعاً مثل أي بنت جنت انعجب بس من بعيد ومااا جنت ابداً ابادر ولا انطي وجه لاحد جنت كلش حابه الحياة الجامعية والدراسة الى ان كملت المرحله الاولة وعطلت

(اسوء عطلةة بحياتي)

اجه والدي فد يوم واخذ والدتي بسيارته  وراح لـغير محافظة حتى يأدي واجب عزاء لاحد من گرايبنه
بـذام اليوم طلعوا من الصبح واني جنت نايمه وما كعدت للعصر لان جنت سهرانه بليلتها لان عطله وماعندي شي فـ جنت دائما اسهر،
كعدت العصر من النوم وامي وابوي ما راجعين للبيت

اتصلت على امي ما حصلتها اتصلت على ابوي هم ما حصلته
كلت يمكن جايين بطريق والطريق الي جايين منه صحراوي وما بي شبكه،
صار المغرب وهمه بعدهم ما جايين واني كاعده انتضهرهم اتصلت عليهم مره ثانيه هم ماكو شوي واجاني اتصال من عمي وجاوبته وكال

_ بنتي انا بلباب تعالي اطلعيلي

فطلعتله، هلا عمو شلونك
_هلا بنتي الحمدلله بنتي ادخلي البسي وتعالي

_عمو وين نروح

_لبيتي

_ ليش عمو

_تعاي هسه وبعدين افهمج

بده گلبي ينعصر وما ارتاحين لا لكلامه ولا لملامح وجهه

_عمو الله يخليك كولي شصاير امي وابوي بيهم شي تراا طلعوا من الصبح ولحد هسه ما راجعين

_لا بنتي ماكو شي امج وابوج يمي بلبيت
البسي وتعاي يمي لبيت بسرعه

_دخلت لبيت وانا جنت البس ملابس وانا ميته خوف
وبداخلي جنت اكول ليش عمي اجه ياخذني يمه لبيت وليش هيج وجهه مخطوف وذا امي وابوي يمه بلبيت ليش تلفوناتهم مغلقه وليش ما اجوي لبيت همه ياخذوني ليش اجه عمي
طلعع واني ارتجف وكتله عمو الله يخليك كولي شصاير وهوه جان لونه مخطوف ويكولي

_ بابه لتخافين كلشي ماكو

_بلحضتها اني اتاكدت انو اكو شي بس جنت بداخلي احاول اغالط نفسي وطول الطريق السيارة تمشي بينه وعمي ساكت ما يحجي وياي ولا كلمه واني بديت اتوتر
ولما وصلنه يم البيت كالي انزلي فوتي لبيت وانا راح اروح هنا اكضي شغله واجي بلحضتها اني نزلت وخطواتي صارت ثگيله وجنت خايفه ادخل لبيت ولما دخلت لعتبه الباب لكيت بنت عمي (نور) تبجي واجتي ركض عليه وحضنتني
هنا اتأكدت ميه بلميه اهلي بيهن شي
كتلها شكو!!!

_نور :  امج وابوج سوو حادث وتوفو ثنينهم
ومن كالت هلجمله انصدمت
وكعدت بلكاع وصرت اصيح بحيث بيومها  الجيران كلهم طلعو بكد ما انهاريت وصيحت شلوووون هيج بيوم وليلة افقدهم ما ضلي احد بهلدينا..

خسرت امي وخسرت ابوي...
حسيت كلشي انطفى بداخلي

رنت قصيده براسي...
ورن صوت باسم وهَو يقول:
محَله الأبو لو مر على بنيتة...