الضياعً في الاعماق

part1

المَامِرتاح يم اهله
مَا يِرتَاح كُل عُمره

ــــــــــــــــــــــــــــــــــــــــــــــــــــــــــــــــــــــــــــــــــ                    
               ــــــــــــــــــــــــــــــــــــــــــــــ

گاعدة بالنادي واشرب الكوفي مالتي وصديقتي يمي تسولف

مرام: روز خلينة نطلع باچر نتونس والله ضوجة

روز: لا مرام ما اگدر والله وبعدين هواي عدنة محاضرت

مرام: أوف هوَ بس باچر يلا حبابة

روز: أوف منچ اذا لحيتي، اشوف اذا ما عندي شي نطلع

بقينة عَ هاي الحالة نسولف لحد ما خلص الدوام وطلعت اخذت تكسي وتوجهت للبيت...

اباوع للطرق واخذتني الصفنة لبعيد، افكر بحياتي افكر بمستقبلي افكر شنو اسوي من ارجع وشنو راح يصير وياي وهل راح تستمر معاناتي افكر بأبوية الي علاقتي ويا مو قوية مو مثل اي علاقة بين بنت وابوها صح هذة الشي يقهر بس بنفس الوقت ما اعترض ولا اصارحة بموضوع علاقتنة اخاف! اي اخاف اخسرة بس هوَ بقة الي ماريد اخسرة ماريد اجرب شعور الفراغ مرة ثانية ماريد اعيش وحيدة

ما احس غير صرت باب البيت نزلت من السيارة وانطيت الفلوس للسايق واتوجهت لداخل البيت كالعادة دخلت والبيت هدوء لا حس ولا نفس

رحت لغرفة بابا بس ما موجود اتصلت عليَ اكثر من مرة ومرتين بالثالثة رد

روز: بابا وينك ليش لهسه ما رجعت صاير شي وياك

: لا بابا ما صاير شي لا تنتظريني اليوم اتأخر ما ارجع عندي هواي شغل

روز: ماشي بابا انتبه عَ نفسك

: ماشي حبيبتي

غلقت المكالمة وصعدت لغرفتي دخلت سبحت وطلعت تعبانة وجوعانةة فكرت اطلب اكل لان تعبانة ماگدر اسوي

فجأة اذكرت فلم البارحة ما كملتة كلش حلو واكشن يميل لاحداث مافيا طبعاً اني من عشاق المافيا كلش هواي اميل لهيچ افلام او قصص

وصل الاكل وقررت اكل واشوف الفلم طلعت الفلم واني كلي حماس بعد ساعات خلصت الفلم والاكل والاحداث ناررر حرفياً احلى فلم اشوفة بحياتي

انتبهت للوقت شفته ما باقي شوي عَ الاذان رحت توضيت وگعدت اقرة قرأن علما يأذن قريت وحسيت بـ الاطمئنان والامان بسبب كلمات الله نزلت دمعتي واني اذكر امي ولا مرة شفتها بحياتي ماتت قبل لا اگول الها كلمة ماما راحت وما شميت ريحتها ولاحضنتها ولا غفيت عَ ايدها ولا كبرت يمها ماتت وهيَ تولد