كأنه كُتب علينا العيش
هكذا
مُعلقين
في مُنتصف
الأشياء كُلها
لا نُحب ما يَحدث
ولا يَحدث ما نحبه.
ــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــ
دخلو المُلثمين وتقربو علينة سحبو زينب وتقرب الثاني سحبني من ايدي والثالث راح لمريم
ربطوا عيونة بقماشة وطلعونة من الغرفة الخوف تملكني وين راح ياخذونة!! سمعت زينب تصرخ وتتوسل يعوفونها خفت عليها لا يسون بيها شي واسمع بس صوت زينب وهيَ تصرخ وتتوسل
وگفو بمكان وفتحو القماشة شفنة غرفة بيها
بنات!!! دخلونة اباوع عَ البنات ولحالتهن اجت زينب وگفت يمي ولازمة مريم بيدها ساعدتها عن لا توگع مريم اخذتها وگعدنة، انتبهت لزينب خايفة وترجف
روز: حبيبتي زينب لا تخافين ماكو شي تمام اكيد راح ينتهي هذة كله ماشي وراح نطلع منا وترجعين لعائلتچ وياچ مريم وتكملن حياتچن صيري قوية هسه مريم محتاجتچ لا تخافين ماشي!؟
زينب: ماشي بس حيل خايفة لا يصير شي عَ مريم
روز: لا تخافين ربِ العالمين ويانة وان شاء الله ماكو شي تمام
زينب: ان شاء الله
شفتها شوي ارتاحت وهيَ تباوع لمريم وتحاول وياها بس مريم فاقدة لا تحچي ولا تباوع حتى، اجت بنية يمنة گعدت باوعتلها
: هلاو اني جوري، مُمكن اعرف اسمائچن
استغربت ليش احنة بوضع نتعارف هسه مخطوفين وما نعرف شنو مُمكن يصير وهاي تريد تتعرف، استغفرت وما حبيت افشلها
روز: اسمي روز وهاي زينب وهاي مريم
جوري: وااو اسمائچن كلش حلوة
روز: حبيبتي شكراً
راحت وحسيت تريد تگول شي بس ما گالت راحت يم بنات وبقن يسولفن ويضحكن وكأن الوضع عادي عدهن استغربت كلش رجعت انتباهي لزينب ومريم حاولت زينب تحچي ويَ مريم بس البنت كلش متأذية خفت عليها لا يصير بيها شي
أنت تقرأ
الضياعً في الاعماق
General Fictionاتسائلُ .. كيف سيكون شعور النهاية السعيدة لشخص أعتاد أن يخُذلهُ الطريقُ؟ كيف هّي العلاقات الآمنه بالنسبة لأنسانٍ قضى عُمره دوم يرتجف ؟ كيف هو النوم بلا مُحاربة الارق وكيف هو اليوم بدون رعشة اليدين اود أن اعيش هذه اللحظة عندما تعطينا الحياة فُرصة ل...
