شهاب والكافيه [+18] 🔥

الجزء 23

انا/ خلاص ي بنات ماهر وافق يبيع الكافيه بمليون وبكره الساعه 9 هروح امضي العقد ياخد نص المبلغ وبعدين نروح نسجله وياخد النص التاني ع طول
كرستين/ كويس جدا... بكره الصبح هروح البنك اجيبلك المبلغ كله... تاخد نصه وانت رايح وبعد كدا تاخد الباقي بعد التسجيل
انا/ هتجيبي المبلغ دا كله مره واحده ازاي
كرستين/ انا كلمت بابا وقولتله.. قالي هيكلم حد ف البنك يحضر المبلغ ف اي وقت واداني رقم الشخص اللي ف البنك اكلمه وقت م اعوز المبلغ
انا/ خلاص كلميه دلوقت قوليله يجهز المبلغ الصبح وانك هتروحيله ع 8 ونص يكون المبلغ جاهز
كرستين/ طب استني هكلمه حالا

خمس دقايق كانت كرستين كلمت الراجل دا واتفقت معاه يحضر المبلغ كله ع تروح تسحبه بكره الصبح.... اتفقت معاه هاخد 500 الف وانا رايح امضي العقد مع ماهر ولما نخلص تسجيل العقد هتستناني ف الكافيه ومعاها الباقي

دخلنا سينما كلنا وبعد كدا روحنا مطعم نتعشي وكنت مركز مع نرمين جدا شايف انها مبسوطه وفرحانه بطريقه طفوليه بقيت كل شويه اسألها محتاجه حاجه اعملها ليها و اي حاجه هي بتحتاجها كنت بنفذها ع طول... كملنا باقي اليوم نتمشي بالعربيه شويه و قعدنا ف كافيه ع النيل وكان جو جميل جدا ونرمين مبسوطه... وصلت الساعه ل 11 بليل كنا تقريبا عملنا كل حاجه وانبسطنا جدا خصوصا نرمين بقالها فتره مبتخرجش وكنا متفقين نسافر بس حصل وأخرنا السفر فكان لازم اعوضها بأي خروجه لحد ما نسافر

انا/ اظن كدا مبقاش ف حاجه تانيه تتعمل ولا مكان تقعدوا فيه.. انتو مسيبتوش مكان غير وعملتوا زياره له
نرمين/ بصراحه كانت خروجه جميله جدا
دينا/ كل دا عشانك انتي ي قمر.. كنتي وحشاني كتير
نرمين/ وانتي كمان ي دوندون كلكم ي بنات وحشتوني بجد.. امال هي اميره فين
دينا/ اميره سافرت بره لباباها ومش عارفه هتنزل امتي بس شكلها هتطول بره لانها بتحب تسافر لباباها اصلا
نرمين/ تيجي بالسلامه
كرستين/ المهم ي شهاب هتروح ل ماهر امتي
انا/ يعني عل 9 الصبح نمضي العقد وياخد نص الفلوس وبعد كدا لما نسجل يبقي ياخد النص التاني
كرستين/ يا مسهل بقي... هتغير حاجه ف الديكور طيب ولا هتسيبه زي ما هو كدا
انا/ هو الديكورات حلوه ف الكافيه وشكلها لسه جديده من فتره قليله يعني مش هتحتاج تغيير
دينا/ هتغير الناس طيب اللي شغاله دي ولا هتسيبهم
نرمين/ لا حرام تمشوا حد خليهم زي ما هما اكيد دول محتاجين فلوس ع كدا بيشتغلوا فخليهم ي شهاب معاك
انا/ ي باشا محدش هيمشي انا بس ناوي اغير نظام الشغل ف الكافيه شويه.. واضح انهم بيشتغلوا ورديه واحده بس يعني بيفتحوا بعد العصر لحد الصبح وبعد كدا بيقفلوا الكافيه... انا بقي هخلي حسام يمسك وردية الصبح مع الطقم اللي معاه دول يعني من 8 الصبح لحد 8 بليل وهجيب ناس تانيه تمسك من 8 بليل ل 8 الصبح ويبقي الكافيه مفتوح 24 ساعه
كرستين/ فكره حلوه جدا بس هتجيب مين يمسك وردية بليل وبعدين انت عايز حد كويس وتكون واثق فيه ويعرف يتعامل مع الناس لان معظم الشغل بليل
انا/ متقلقيش ف واحد موجود ومستني اكلمه ع ييجي يشتغل ع طول وانتو عارفينو
نرمين/ انت تقصد الشاب اللي كان معاك ف الكافيه القديم... صح؟
انا/ صح ي قمر.. اشرف اللي هييجي يمسك وردية الليل لانه متعلم مني كتير وفاهم نظامي ف الشغل
دينا/ اشرف كويس ي شهاب بس تفتكر هيسيب الكافيه بتاع احمد وييجي معاك؟
انا/ ي بنتي اشرف والطقم اللي معاه كله مستنيين اني اتصل بيهم اصلا لان احمد بقي بيعاملهم وحش وهما بس مستحملين لحد ما اخد الكافيه واكلمهم
كرستين/ انت عرفت كل دا منين؟
انا/ بتكلم مع اشرف باستمرار اصلا وهو مفهمني انهم مستنيين مكالمه مني والمفروض اني اكلمهم النهارده اعرفهم يجهزوا نفسهم ع يبقوا معايا
نهاد/ دا انا قولت انك مشيت من الكافيه ونسيت كل اللي فيه خلاص ومش هتكلم حد منهم
انا/ انا نسيت انك قاعده معانا هههه.. لا ي نهاد ف ناس منهم مينفعش انساهم لانهم كانوا كويسين معايا وهما محترمين بجد ولازم يبقوا معايا ف الكافيه الجديد
نرمين/ بصراحه الناس اللي كانت شغاله بليل معاك كلهم محترمين ومكنتش بسمع حد يشتكي منهم خصوصا اشرف دا كان لبق ف الكلام وبيضحك وكل حاجه
دينا/ لبق اي دا نيله خالص ههههه
انا/ نيله عشان انا كنت مسكته عنك وهو مبيرضاش يرد عليكي بسببي انا ي جزمه
كرستين/ طب هتكلمهم امتي؟
انا/ بفكر ارن عل اشرف دلوقت اشوفه
دينا/ كلمه دلوقت عرفه انه معاك ع يبقي جاهز