Mga Obra ni Elyas

1:4:02-14-23:"BILANGGO"

                           "BILANGGO"

sa tuwing naiisip ka, nagdudulot ng sakit at saya
saya, sapagkat naiisip ang mga masasayang ala-ala
saya na nagdulot ng pagpatak ng aking mga luha
hindi mapigilan, kusang pumapatak at gustong lumabas sa aking mga mata

simpleng tubig ang umaagos
napapaisip kung kailan ako makakaraos
kailan makakawala sa pag-ibig mo
hindi makalimot sa mga binitawan mong pangako

pangako mong napako
nagdulot ng sobrang sakit sa aking puso
nagmumuni-muni kung kailan nga ba ito matatapos
mga mata'y bumubugto, boses ay napapaos

nais kong ika'y kalimutan
kasabay ng paglimot ko sa ala-alang ako ay agad na iyong binitawan
nag-iisip, kailan ba 'ko makakalaya
sa sugat na iyong natamo, wala ng balak na umibig pa

ilang araw ang lumipas
binuhos ko sa paghahanap ng iba ang aking oras
ngunit hindi ko kayang magmahal ng iba bukod sa'yo
'pagkat bilanggo ako, bilanggo ako sa pag-ibig mo