أبن عمي الضابط 💔❤️

البارت 5

.
.
.Merna--99
صار يوم العقد مال زينب وانس رحنه جهزنه انفسنه بغرفه مريم ومنئ

علي //اني ماگدرت اطلب اجازه اتفقت ويه ولد صديقي يلزم امكاني لأن بس اليوم وباجر هي الأجازه
طلعت متأخر من الدوام كله خابرتني وين صرت استعجل وصلت لبيت خابرت مريم اتسويلي طريق حتئ اجهز نفسي
زهراء//بعد ماجهزنه كلشي نزنه بلستقبال ضيفنه المعازيم طبعأ اني لبست فستان كلش حلوو مستور وردي فاتح تور طويل مريم طلبت مني اصعد اجيب الكامره واني توني صعدت ونصدمت ابشخص كله هيبه وقوئ جسمه والعطر موضوع ثاني
علي //بعد من مريم سوتلي طريق رحت لغرفتي دخلت سبحت ولبست ملابسي لبست الدشداشه والشماغ يعني. اني الشيخ لبست ملابس العربيه التقليديه رتبت كلشي وكملت يعني طلعت اخبل 😉😉واني امشي البس بساعه مالتي وجاي انزل الدرج انصدمت بملاك نازل من السمه ماكو احد ابجماله رادت توكع ولزمته الي خلاني اروح ابغير عالم وعطره الي شلاني شل بقيت بس اباوع بعيونه الي مثل البحر جنت حاب اشوفه اليوم بلعقد اريد اشوفه بس الحمدالله شفته بس كلش عجبني فستانه ولوو طويل بس تور صدره كلش امبين

علي//زهراء انتي زينه
+
زهراء//هاا اي لحمدالله
بقيت اباوع بعيونه مااعرف شنو من شعور حسيته اتجاهه ماحسيت اله علئ صوته
علي//انتي هيج جنتي جوه
زهراء//ايي ليش
علي //روحي غيريه واشدعوه هلمكياج الي حاطته كلش عصبت منه مااريد احد ايشوفه ابودي اضمه عن العالم كله لأن هي ملكي ابنيتي الي ربيته علئ ايدي والي منعته من ولد عمي الي جانت تلعب وياهم مااريد احد تحلئ ابعينه اريده الي وبس
زهراء//من شفته كلش امعصب خفت وتوترت كلش بس مابينتله انو خايفه كوتله ليش اشبيه فستاني مابيه شي وبعدين بس نسوان وميدخلون الزلم
علي//اول مره اتحاجيني ابهاي الطريقه كلش ضجت منه مااتوقعيت منه هي جانت ابد ماااترادد ولا تحجي ابد كلش اتنرفزت منه كلتله ماشي بس من ايدخلون ايعقدون ادخلي جوه او اتلبسين صايه
زهراء//معليك بيه بعدين اني اعرف شنو اتصرف
علي//زهرااااء اشون معليه بيج لج انتيي
زهراء//اني اني شنو
علي //كافي لخاطر ربج اني رايح محتاجه شي خليت وطلعت مااعرف اذا ابقه شنو اسوي كلش عصبتني من تصرفه ويايي ابد مااتخيلت هيج اتسوي رحت لديوان انتضرنه العقد
زهراء //من حاجيت علي حسيت عليه عصب من تصرفي وياه بس اني مليت دائمأ يتصرف هيج ويايي من دون البنات لا تحجين ولا اتضحكين ويه ولدعمي بس اني اعتبرهم مثل اخواني صح قبل كله ويه علي الي جان دائمأ يحميني وكلما اوگع وانجرح هو الي يساعدني وماايخليني احس بلألم
تستمر القصة أدناه
اجت زينب من الصالون بدت الحفله واجه اليسد يعقد لزينب دخلنه كلناه بلغرفه وسيد سئل زينب
زينب //ابد ماامصدكه انو اني وانس راح انتزوج هو جان حبي الاول حب الطفوله جنت كلش امتانيه هاي الحضه سئلني السيد اذا اموافقه كتلهم اموافقه وسمعت الهلاهل جنت كلش خايفه ومتوتره وخجلانه
انس //اخيرأ اخذت زينب الي جانت حياتي ومستقبلي وماضيي الي كله مرتبط ابزينب سئلني السيد اوافقت وبعدين سئل زينب ومن كالت انو امافقه احس نفسي طرت لغير عالم كلش شعور حلو من انتختاو شريك حياتك وانته كلش اتحبه وكل هذا انو هو الشخص الصحيح والي راح اتعيش العمر كله وياه بدت الحفله ولازم البسه الذهب
انس //الف مبروك زنوبه بنتي اشهلجمال وين اضمج عنهم واخيرأ صرتي ملكي محد ياخذج مني
زينب //الله ايبارك بيك حبيبي وانته هم كلش حلوو
بعد لبسني الذهب كل قطعه ايلبسني يهمسلي ابكلماته الي اتخجلني والي احس اراح اوگع
زهراء //بدت الحفله وقدمنه اضيافه لضيوف كلش فرحت لزينب وانس كلش ايحبون بعض الله ايوفقهم وتكون السعاده مااتفارقم
ام حيدر //خيه ام علي منهي هاي البنيه الي اتقدم الضيافه
ام علي //هلا ام حيدر هاي زهراء بنت ابو ليث حماي
ام حيدر //مخطوبه البنيه
ام علي //لا خيه مامخطوبه
ام حيدر //اي لحمدالله
ام علي ليش
ام حيدر //والله انتي اتعرفين ابني حيدر توه تخرج ولحمدالله جاي يشتغل بشركه ويه اصدقائه ومتمكن وانه اشوف هاي البنيه مناسبه لحيدر
ام //ايي خيه صح كلامج حيدر ونعم منه بس لازم اسئل اهله وعمامه وان شالله خير
علي ///بعد ماكمل العقد باركنه اانس وخلصت الحفله وزلم كلهم راحو ودخلنه لبيت لكيتهم متجمعين ويه عمامي وبيبي
زهراء//بعد ماخلصت الحفله كمنه اني والبنات نضفنه البيت نص راحن لغرف رتبنه والصاله والستقبال وقسم راحن رتبن المطبخ والساحه كملنه كلشي بقت بس الساحه انضفه رحت اني انضفه
علي //دخلت يمهم بقو ايسولفون اشويه وحجت امي كالت بعد اذنكم اليوم ام حيدر جارتنه خطبت زهراء اني بقيت مصدوم شنو اسوي راح اتروح مني
علي//يمههه انتي اجاييي تحجييين
ام علي //يمه علي اشبيك عصبت
ابو علي وابوزهراء //ابني علي ائهدئ ماصار شي
بيبي ///علئ كيفكم لا تصيحون لازم انشوف موافقت زهراء
علي ///من شفتهم هيج خليت وطلعت توني طلعت واشوفه گدامي تغسل بساحه رافعه دشداشته ورجلين مثل الثلج وكله ماي رحت لزمته من ايده احسه انشلعت كلتله اسمي زهراء متصيرين لغيري افتهمتي ونزلي  دشداشتج ورحي غيريه كله ماي وجسمج كله امبين