رهّـيِّنِتٌـيِّ بًيِّنِ قُبًضًـتٌـيِّ
بًقُلَمًيِّ:: وٌطِنِ
:: صّـوٌتٌـوٌ أّحًبً أّشُـوٌفُـ مًنِوٌ أّلَيِّقُرأ
:: عٌلَقُوٌ أّحًبً تٌـعٌلَيِّقُأّتٌـکْمً
ــــــــــــــــــــــــــــــــــــــــــــــــــــ،
شروق... كملو كلشي كمل ركصنه شوي وصبو ما لحكنه نتغده خلصنه تعزيل وصبينه جاي صعدنه نبدل ودلهام صعد يبدل نزل وراحو وتلكينا بالهوسات ومشو ياخذون العروس من الصالون محد راح بس امي وعماتي والزلم
يازدان... بدت بالمكياج وتسريحه كملنه وهم دز رساله حتى تطلع خاله تاخذ لاكل جابته وكعدنه ناكل جابت الموضفه البدله ودخلت البسها خيال بس ما فرحت بيها من الغصه التارسه روحي حلم كل بنيه بهيج يوم تفرح وتعيش كل دقيقه ومتفوتها وي لانسان اليحبها بس اني وحده منهن النسلب مني كلشي عل حساب سعادته وجبروته خنكتني العبره لبست وتعطرت وخاله حصنتني بأيات وطتني المسكه وياها قرأن دز رساله كال جاي حتى نروح نصور تقربت علي لونار حضنتني وتبجي
لونار... حبيبتي يزو صيري قويه لتسمحيلهم يأذونج واذا حجه وياج ردي علي لا تخافين منه
يازدان... تمام بس لا تبجين راح تبجيني
لونار... ربي يحفضج شكد جنت اتمنه اشوفج بهاي البدله عل لانسان التحبي ويحبج ويقدرج
يازدان... دمعت عيوني
الدنيا صارت اقوه من عدنه وجبرتنه عل اشياء احنه منريدها
لونار.... اففف اني مراح اكدر اروح وياج وراح ارجع وي زيد للبيت تعرفين مستحيل ادخل بيتهم بحفض الرحمن
احبج
يازدان... وحده حاضنه الثانيه ونبجي
اجتنه خاله وتهدي بينه
نوال... لا تبجن خاله موزين البجي كافي امسحن دموعجن
يازدان... هدينه اجو زيد وماما اجت ويا وهو هم اجه صعدني بالسياره وماما وخاله والبنات راحن وي زيد جانت السيارات كومه انمله المكان صعد وجان مشغل اغنيه حسام الرسام
دلهام... ارفعي اشوف
يازدان... رفعت الطرحه شوي
كاشخ الستره ضابه عل جسمه لحيته مرتبه وشعره مرفوع خفيف وعطره تارس السياره ترس
دلهام... شكد ما اوصف جمالها بذاك اليوم ما يكفي
... اللهم صلِّ على محمد
يازدان... نزلت راسي
لزم ايدي باسها بحنيه
دلهام... الحمدلله اجه اليوم الاشوفج يمي وكبال عيني وداعت عيونج الما احلف بيهن جذب لأن ماكو اغلى منهن لعوضج عل كل لحضه عشتي بيها بخوف بسببي لعوضج واطيج عمري بدل كل لحضه راحت من عمرج
يازدان... سكتت حركنه والهدوء عم بالمكان بس صوت الغنيه نزلنه صورنه وزفونه جانت كلش حلوه يركصون ويسون مسابقات وطبعاً غلبهم هو وصار كدامهم وتكابلو وهو واخو يطكون اصبع اول مره اشوف ضحكته صدك طلعت حلوه حتى طكه اصبعه بنزاكه وحلوه من شافني منتبه علي ابتسملي رديتله لابتسامه صار عل جهة وبقيت السيارات بجهة يعني شايفين المكان ليصير بين سياره وسياره ما نحس اله دراجه بيها ولد يسوق ولد ورا ملثمين وجه سلاحه علينه بالتحديد عل دلهام لان جان من جهتة وجانت الجامه مفتوحه صرخت دلهام داس بريك وكفت لسياره ونركع كل وجهي بالدشبل ما اسمع اله الرمي رمه واني غمضت عيوني كلت اجت بيا لو بي ضليت عل وضعيتي ما اسمع اله صوت الهوسة
أنت تقرأ
رهينتي بين قبضتي
Mystery / Thrillerانه الواضح والمبين ولا خاف وانه الما رجفن اجتافي ولا خاف انه الما نكص وزني ولا خاف خفيت وخفت خف وزن العليه
