بسم اللّه الرحمن الرحيم
بقلم: رســل الــعلــي♕
زهــراء الــفهــد♕
رواية: ريـاح الفــردوس
هَلي وناسي وحِزن كلبي
وموَايلي وشعر شعَبي
ورصاص أحَمر تَرس
كلبي
بديَت اكره منايركُم
ولا احَبكم غريبه بعَيني
اساميكَم..
«سجئ»
_ فجاء سمعت صرخه حنين فزيت رحت للباب اركض
_شبيجج حنين ليشش تصرخين رديي
جانت صرخاته ترن بذني تعبت واني ادك بالباب
_بس احجي ريحي كليبي
حطيت ضهري علئ الباب ابجي شويه واختفاء الصراخ نفتح الباب ابتعدت دخل ابوي وهوه نار
لزمني من ايدي
_لكك عوفني الله ياخذك عوفنييي
اندار عليه وهوه اعصابه ترجف لزمني من ركبتي
_اختاري لو تضحين بنفسج لو باختج
وخر ايده طحت بالكاع الكط الهواء كوه رفعت راسي اباوعله بعتاب
_تعرف نقطه ضعفي وتستغلني
_شوفي المطبخ
باوعت وياريت انعميت ولا شفت هل منظر شفت حنين طايحه باب المطبخ مشوه من الدم وملابسه متروسه دم قبضت ايدي وعيوني عليها كمت علئ حيلي وهجمت علي ابوي
_لككك بناتك احنه بناتككك ليش شسويتلكك لك حيوان انتَ حيوان الله ياخذك
جنت ما اشوف كبالي رحت جبت كرك وضربته علئ راسه طاح يرفس ويه روحه اترجفت ليورئ
_لكك كح** اني اعلمجج تضربين...
وبعده طاح مغمي.
ركضت الحنين ارجف
_ها يبعدي رحتي مني حاجيني ليش عفتيني طلعت للشارع اركض ما شفت غير سياره سوده رحت اركض دكيت الجامه كل حيلي نفتحت الجامه وطلع شخص بس عيونه
_اختي حباب اختي راح تموت الله يخليك
هز راسه وسد الجامه
_ليشش كلكم
حيوانات ليش الله ياخذكم
رحت للبيت حطيت راس حنين علئ رجلي
_عفتيني يبعد عيوناتي اخيتج ما تكدر تنقذج اختج ضعيفه
ضربت علئ وجهي من قهري
_كومي يبعد حيلي ابوس ايدج الترفه كومي رجعيلي حيلي يبعد عيناتي
جنت احجي بغصه ملينه كلبي شويه وشمعت صوت اسعاف وخرت راسه طلعت اركض للشارع شفت سياره الاسعاف تمشي بتجاهي وكفت السياره نزلو الممرضين فتحت الباب
_اختي والله ما عندي غيره
شالو اختي وا شالو ابوي كل واحد بسياره رحت وياه اختي مسحت الدم من وجه الترف
_اغديلج تراب اني يبعد عيوني شعندي غيرج كومي سنديني انتِ اقوه مني اني ضعيفه اخيتج تعبانه وداعت عيونج
جنت احجي بهمس شويه وكفت السياره المستشفئ نزلو حنين واني امشي وياهم دخلو حنين الغرفه خاصه رحو الدكاتره يتراكضون عليها كعدت علئ كرسي جسمي يرجف رفعت ايدي
_يارب تعبت هواي تعبت الحَمل تعبني لا تكسرني يالله.
دنكت راسي ابجي شويه وحسيت بشخص كعد بصفي رفعت راسي شفت حجيه وجه سبحان الله بي راحه ونور
_لا تبجين صيري قويه الضعيف ينوكل ربج يكسر ويجبر وعن موساه ربج بسم الله
(لَا تَحْزَنْ إِنَّ اللَّهَ مَعَنَا) انتي مو وحدج
جنت محتاجه هيج كلام اتنهدت ودنكت راسي
_شكرا
أنت تقرأ
رياح "الفردوس"
Random"في الظلام ألدامَس وا فيَ غموض شاَسع حَين يَكون الطَريق متعَثر لا يوَجد شَي فيَ امل انهَو طريق مخيف وتحَديات وموجهاتَ غامضه مع(المَضّلومات) هل ينتهيَ هذه العَذاب ام لا....
