الساعه 4:45 مساءً
دخل البيت وهو هلكان لاعت جبده منهم كل ما زانت اليلسه يو يتضاربون معاه وهو ما يردهم لانهم يتمون يلعوزونه ويقولوله ضعيف وتتهرب
قاطعة تفكيرة العاملة وهي تنحني له :
good afternoon mr, do you want us to prepare the lunch for you
رد عليها :
no thanks
وراح فوق
اول ما دخل الحجرة حط شنطته عالصوفا اللي فغرفته ودخل الحمام يجهز له فالبانيو ماي حار وحط معاه بعض الاعشاب عشان تهديه
بعد ما جهز الماي وفضخ ملابس دخل داخل البانيو وسند راسه وغمض عينه يبغي يسترخي
بعد ساعة طلع ولبس البوكسر والشورت وسكر الليتات ودخل تحت لحافه يرقد
...
الساعة 8:15 مساءً
نش على صوت حد يدق باب غرفته الا العاملة تقول له انه ابوه يترياه على الطاولة
يالله يالله قام وشل عمره من الشبريه غسل ويهه وهو يحس انه جسمه تكسر من الضرب ولبس قميص ونزل تحت
راح عند ابوه وباس راسه : السلام عليكم ابويه
ورد عليه السلام
يلس على صوبه اليسار وبدأ يتعشا مع انه ابدا مب مشتهي بس شو يسوي
طالعه ابوه
حميد انته متى بتترك عنك هالسوالف ومتى بتركز عل دراستك تراك تعّبتنا :
حميد تم ساكت وما عرف شو يرد
غانم : سنتين ضيعتها من حياتك تتضارب مع عيال الشوارع وطول يومك رقاد هذا اللي فالح فيه
وينه حميد وينه اللي كان يطلع الأول على دفعته
سكت شوي وكمل:
الأيام تمشي يا ولدي وانا بكبر وبحتاج حد يسندني ويعاوني وما لي غيرك
رد عليه حميد : سامحني ابويه وان شاء الله بحاول اشد حيلي
: دوم هذا كلامك بس يارب
سكتوا وكملوا اكلهم وبعد ما خلصوا سلم على ابوه وراح فوق لغرفته
....
اليوم الثاني الساعه 6:00 الصبح
دخل غانم غرفة حميد عشان يوعييه حق دوام المدرسه لانه اليوم اول يوم يبغي يحرص انه يوصل من وقت وينصحه شوي عسى نصايحه تأثر فيه
بعد ما تجهزوا ومن يومه حميد يروح المدرسه من دون ما يتريق
وصلوا على الساعه 7 وربع وراح غانم يسلم على المدير وحميد راح صوب صفه
دخل الصف بكل هدوء وما كان فالصف الا 3 طلاب
راح خذ له آخر كرسي صوب اليدار وحط راسه يرقد
يتبع...
:تعريف للشخصيات
حميد : عمره 20 وطوله 176ملامحه حاده وارثنها من ابوه, فالصف الثاني عشر عايد السنه مرتين والسبب لما توفت امه اهمل كلشي كان وايد قريب من امه ويحبها ويهتم فالدراسه لعيونها.
غانم : رجل اعمال غني عمره 43 وطوله 175 كان وايد يحب زوجته ولما توفت انكسر شي فيه لكنه ما اظهر ضعفه لولده عشان يقويه ويساعده يبني له مستقبل يفتخر فيه مثل ما كانت حبيبة قلبه تقول
