للأسف خلص الويكند لكنهم حللوه
طلعوا يتحوّطون
راحوا اغلب الاماكن الحلوه فدبي
راحوا لدبي مول وحميد ما قصر ما خلا شي ما خذاه لمطر
ومطر مقهور منه
ويوم الاحد وهم طالعين اتضاربوا
---
الاحد الساعة 10:45 مساءً
مطر : حميد تراك والله مصختها مب كلشي على حسابك ومب كلشي انت تاخذلي اياه ويهي عورني يا حميد
حميد : عنبوه شبلاك ترا عادي الشي انت ربيعي نطلع مع بعض وآخذلك وجي
مطر : لو سمحت حميد انا جي مب مرتاح يعني منو اللي ياخذ حق ربيعه من لويس ومن كارتير
يا حميد بيرمس بس قاطعه مطر يكمل
مطر : الحين لوسمحت رجعني البيت ابغي اروح بيتنا وما بطلع معاك لين ما تقلع عنك هالشي
حميد : مطر لا تستهبل
مطر : ما استهبل ولا تخليني احلف الحين
حميد : اوكييي بس لا يكون بعد ما بتكلمني وبتسحب علي فالمدرسه والله ياويلك
مطر : لا لا بس ما بطلع معاك
حميد : غصبا عنك واصلا ادريبك ما تصبر عني
مطر : اقلك لا تصدق عمرك
حميد سكت شوي
شد يده على السكّان وقال : تراني ما اصبر عنك وما اقدر عزعلك
لف مطر راسه يطالع برع وابتسم شوي
وصلوا البيت وقبل ما ينزل مطر
حميد : على الاقل قول لي توصل بالسلامه وتصبح على خير يعني ناوي تكمل على زعلك
ضحك مطر وابتسم : توصل بالسلامه وتصبح على خير واجوفك باجر
حميد وهو مفهي : وانت من اهلي
بلّق عينه مطر وهو مصدون جان ينفجر من الضحك
حميد : اوووهه ههه قصدي وانت من اهل الخير
سكت مطر بس بعده فيه ضحكه : مع السلامه
وسكر الباب
