رحت اسوي روحي نايمه واجتي امي تبجي ودكول حتروحين فصليه كعدت وسويت روحي ابجي اخلي اصبعي بحلكي واخلي بعيني عود ع اساس بجيت وفتحت حلكي ع اساس مصدومه
كتلها شلون يمه ليش شسويت
بدريه : خاب كومي تحضري حياخذونج ام النعالات
زربه : يمه منو ذولي الي اجونه بعدهم خلي اروح اشوفهم
بدريه : خاب دكعدي جنج جلب تحضري هسه يلا كومي
اني كيفت ورحت سبحت وخليت مكياج اجتي بيبيتي تعيط
خنفوسه : خايبه الباسي ماهوا هذا اللونه اسود وابيض وجوزي وبنفسجي واصفر واحمر و وردي ورصاصي وخرطي وبرطي وودي و جيبي ماكو
ولج هذا هديه من المرحوم اليوم اموت اذا ما الكاه
زربه : يمه بيبي ع كيف يا اللباس مادري اني اسألي امي راحت سألتها وتعيط خطيه متدري اني جنت لابسته وجان امي دكول يلا البسي عبايه وروحي اني كيفت كلت الخاطر شيخي كلشي اسوي وضليت اتخيل هوا شلونه
وكلت هسه يطلع ميشيل مورني واتخيله يمي ونسافر اني ويا بعد متخليت محسيت غير زربه اجتي بكصتي محجيت شي لان جنت دا اتأمل ميشيل مورني المهم لبست العبايه ورحت اغني بصوت عالي
ضوء لمع وسط المدينة
رسم نداءاً لمنادينا
حينا يبدو ويختفي حينا
تلك اشارة باتمان
جنت مكيفه دكيت الباب طلعت الحجيه هاا بواكت النعالات
بستها كلتلها شلونج خاله
جزعة :خلخاله تخلخلج ان شاء الله
زربه : اوووي شبيج
جزعة :يلا ولي الغرفتج ومن تخلصين تعالي ساعديني بالبيت
زربه : احجي وياها واتخيل هسه ميشيل مورني يطب ويضل يباوع جان طبيت بالغرفه لبست سيت مال نوم بي جلد النمر عبالك صاير جلد المطي مو نمر المهم انتضرته احر من الجمر
انفتح الباب غمضت عيني عود ع اساس مستحيه عابتلي يي والله
اجه ضربني راشدي جان يكولي هاي انتِ جان افتح والصدمه
يتبع......
