هاي سويتي اشلونكم اتمنه تكونون بخير اليوم بارت جديد و الي جديد بالقناة و مايعرف وين بداية الروايه يدخل على حسابي الثاني الي هوه هاذ 👈🏻Jiaalion
☆ استمتعوا ☆
ـــــــــــــــــــــــــــــــــــــــــــــــــــــــــــــــــــــــــــــ
بالمستشفى راح ياسر يجيب دكتور و كعد اسد و حارث يتناقشون و اسد طول النقاش صافن يفكر بليان لحد ما كسر صفنته ياسر الي جاب دكتور يعالجهم طلع الرصاصه خيط مكان الجرح و لفه بشاش و راح و بعد ربع ساعه طلعت الدكتوره من الغرفه الي جان بيها ليان اول ما شافها اسد كام و راح يمهه
اسد بلهفه: ها دكتوره اشلونه
الدكتوره: اهدء استاذ الطفل مابي شي ضمدناله جروحه وجان اكو جرح كبير خيطنا اله بس بقه الفحوصات راح ننقله لغير غرفه و اهناك تكدرون تشوفونه
اسد: اوكي شكرا
الدكتوره: عفوا...... و مشت و بعد اشويه نقلو ليان لغير غرفه و راحوله و شافو بس هوه جان نايم لان تأثير المخده بعده
طلع اسد لان الدكتور راده بمكتبه.دخل و يلم على الدكتور و كعد
اسد: ها دكتور كلي شنو بليان
الدكتور : استاذ اسد بعد نتائج الفحص شفت انو الولد عنده فقر دم حاد ونقص فيتئمينات اهواي وهاذ الشي يسببله الدوخه و الاغماء السريع و كذالك يعدم نمو جسمه
اسد: فهمت و على الموضوع اليكلتلك علي
الدكتور: هم فحصته و ما طلع علي اي علامات اغتصاب بس..... سكت الدكتور و القلق مله اسد بس حاول ميبين و كال
اسد: بس شنو؟
الدكتور: هوه للصراحه اءء ماعرف اشلون اكلك
اسد: كول الي تكوله دكتور
الدكتور بتوتر: للصراحه الولد عنده اعضاء انثويه
اسد بصدمه: شنووو
الدكتور: الي سمعته استاذ عنده الاعضاء التناسليه اعضاء انثويه
اسد بقه مصدوم و كام و طلع راح للغرفه الي بيها دخل و شاف حارث و ياسر نايمين كعد على الكرسي الي بصف سرير ليان و كعد يتأمله و يفكر بلموضوع الي شوش راسه لحد ما نام و هوه حاضن ايد ليان
صارت الساعه ب 8:15 بالليل كعد ليان من النوم لكه بصفه اسد نايم على الكرسي و كامش ايده دار وجهه للجهه الثانيه شاف حارث و ياسر نايمي على القنفه حارث نايم و هوه كاعد اما ياسر حاط راسه على فخذ حارث بقه يستوعب وين هوه و اسد ليش اهنا و اصار و حس بوجع براسه ون بخفه فجاة فز اسد و كام يفحص كل انش بوجه ليان و جسمه
