#طفولة_ضائعة1
ريم:فتحت عيونها وتتذكر فطفولتها ...
عزت:لا انتي ام ولا انتي زوجه ولا انتي كنة انتي شنو تعبتيني حرام عليك يا شيخه
داليا:نا شنو نا محد قالك تاخذني
عزت:كنت اهبل ومسطول وقتها
ريم:هزت راسها تباعد في الافكار منة، ناضت تتكسل
عزت:صباح الخير يا اميرتي ❤️
ريم:ابتسمت صباح الورد يا احلي اب فالعالم كنت نا بنديرة لفطور ليش تسرق فدوري
عزت:بما ان اليوم اول يوم ليك فالجامعه قلت ندلعك
ريم:بابا إمبارح ضغطك ركب متأكلش مالح 🤦🏻♀️
عزت:تمام تمام اهدئ وانتي عصبيه 😂
________________________________
رانيا: توا عمري 22 سنة وقاعدة ساكتة وساتره مرت عمي لما كبرت عرفت فشن كانت ادير معاه ونشوفلهم بنظره حقيرة وواطيه دائما بس منقدرش نحكي لان نخاف بس وكلت عليهم ربي لانها تضحك ع راجلها الطيب وهو يستغل في برائة مراته 💔
هدي:يا بتت فشن سارحه انزلي الفطور جاهز
رانيا:ااءء اهو نازلة
هدي:بسرعه تأخرنا ع الجامعه 😒
رانيا:افففف منك نزلت
________________________________
ود:بعد قعد عمري19 سنة عمتي خفو طلعاتها وحتي لما تطلع معش تسكر زي زمان بس هي متعرفش إن نعرفها ونعرف انها تطلع كنت خايفه انها تعرف وتقتلني او تتبلي علي فقعدت ساكتة خوفا منها
حنان:يا بنيتي
ود:نعم ماما
حنان:تعالي ساعديني وساعدي اختك
ود:ابتسمت حاضر يلا نازله معاك ❤️
حنان:الله يخليك ويسعدك لين يرضيك
ود:امين.
________________________________
احمد:كان يشوف للوحش يلي رباه طول لسنين هذي كلها كان يشووف للوحش يلي خلاه يكبر وفرقة عن خوته وعامله دائما اقل منهم كان يشوفله بنظره اخيرة وكانه يطلب فيها المسامحه وفي اللحظه هذي سلم روحه للخالقها 💔
فدقائق انتصبو الخيام و جهز العشاء وكل شي جهز والناس التمت احمد مات احمد اكبر تاجر اسلحه في المدينه مات الكل انصدم 💔
________________________________
عزت:نزل ريم للجامعه لما تكملي رني علي
ريم: هزت راسها حاضر بابا انتبه ع روحك
عزت:تمام يا فصعونه انتي
ريم:شافت لبوها بحنيه وكانت فخورة فيه كيف متزوج كيف مدارت امها لما انفصلو كيف ملوحهاش قعد ورباها ودار باله عليها عشان متضيعش منه ❤️
عزت:شغل سيارته وطلع
ريم:خذت نفس ودخلت للجامعه بقلب متوتر وخايف وبريئ ❤️
رانيا:شكلك جديدة
ريم:هزت راسها بتوتر
رانيا:نا ثالث سنه تقنية ساهل بس متكونيش لقمة ساهلة
ريم:شكرا انا ريم وانتي
رانيا:اسم ع مسمي وانا رانيا
ريم:شكراً ❤️،عاشت الاسامي
رانيا:تسلمي شن رايك نعزمك ع الكافي ونتعرفو كويس 🥺
ريم:هزت راسها ولحقت رانيا
رانيا:طلبت قهوة شن بتخشي
ريم: مهندسة
رانيا:اها ربي يعاونك صعببب
ريم:إن شاء الله
رانيا: خيرك متحكيش، حسيتك زيي لما دخلت اول سنة خايفه وتلمسيني نموت بس بعدها تعودت حتتعودي متخافيش ❤️
ريم:مش عارفه امتا بتبدا اول مخاضرة
رانيا:مزال شي ربع ساعه
ريم:انتي شن اديري هني
رانيا:جايه مع اختي بتخش هندسة بس مش زيك خايفة بدت تتعرف حتي التعرف
ريم:ابتسمت
رانيا:اهلي قالو امشي معاها عشان متخافش وساعديها وعاونيها بس نا لنبي مساعدة
ريم:ربي يساعدك ❤️
رانيا:عندك خوات
ريم:معرفتش شن تجاوب قعدت ساكتة وخلاص 🥺🥺🥺🥺
رانيا:نستأذن منك نشوف اختي تشرفت بمعرفتك
ريم:قامت من ع الكرسي وسلامت عليها تسلمي شكرا ع القهوة
رانيا:العفوو
