#طفولة_ضائعة17
مر اسبوع والجو عادي: -
ريم:ناضت نزلت للمطبخ
رماح:حس بيها لما ناضت
ريم:مطولتش ركبت
رماح:وين كنتـي
ريم:ئءء كنت تحت درت عصير ليمون خاطري فيه
رماح:الفجر اذن ولا مزال
ريم:متخافش مزال تبي شي نديرلك شي
رماح:لالا نضت نتوضي مشفتكش بس
ريم:مزال ع الفجر عشر دقائق
رماح:تمام
ريم:بكرا فاطر برا صاح
رماح:اي ليش
ريم:عادي تأخذني لعيت عمو رايفت عليهم
رماح:ريمم وحياتي بكرا لا مره ثانيه بكرا عندي شغل تم
ريم:لوت بوزها وهزت راسها
رماح:حناخدك بس بكرا لا منقدرش
ريم:هزت راسها عادي 🥺
الكـَاتِبـه/ فـَافـيِ المنـصٌـوريِ 🕊️💙
________________________________
نور:ادير في عصيرر
ناديه: اخلطي حليب بالموز خاطري فيه لي يومين
نور:انتو يا خالتي من كثر لفلوس مش عارفين ما تجيبو من فواكه عندكم حجات عمري ما شفتهن
ناديه:عود الحسود فيها عود الله اكبررر 😂
منيا:يا ماما المغرب اكيد قربب
ناديه:مش عارفه مزال عليه ربع ساعه
ريم:رنت ع رماح مرتين ما ردش نزلت للفطور
ناديه:راجلك وين
ريم:فاطر برا
ناديه:اها
نور:وانتي خيرك ما تنزلي تعاوني ولا ع راسك ريشه
ريم:سمعت صوت صرصور🙂
نور:😠😠😠
منيا:فتحتلها الكرسي اقعدي حبيبتـي تعالي
ريم:قعدت جنبها شن اخبارك
منيا:كويسه وانتي شنو
ريم:بخير
منيا:خيرك امبارح تعبانه
ريم:مش عارفه ممكن تعبت من لصيام الله دايرين بسبوسه بالقشطة خاطري فيها
منيا:خوذي يا قلبي ❤️
________________________________
ود:يا اسلام يا بوي يلا المغرب أذن
زيدان:بسم الله صبيلي حليب يا بنيتي وعطيني 3 تمرات
ود:حاضر
حنان:الله يربحك
ود:ربي يخليكم لي
اسلام:عليك حببب ونا وين رحتتت ولدكم الوحيد
زيدان:بلا غيره انت راجل عاد
اسلام:مهما كان
حنان:وانت الله يربحك ويخليك
اسلام:القدر موش شحاته
حنان: 😂😂😂😂
________________________________
رانيا:مديلي بطاطا امبطان
هديل:خوذي كولي بالك تسمني شوي
رانيا:محلاني سولم يحبني هكك
هديل:والله البنت لمتقعد مليانه و معبيه مش حلوه تبقا كيف البوشماطة
هدي:وحياتك توا يبوها بيضاء ومليانه هكي مغرية
رانيا:بلا براده معش توسوسلي يا شياطين 😛
هديل:مجرد وجهه نظر
رانيا:خليها لعمرك
________________________________
ريم:دايخه وكبدي زاعمة بألإذن منكم راكبه لغرفتي
منيا:خيره وجك اصفر
ريم:تعبانة من لصيام
منيا:باه اركبي ارقدي وارتاحي نوضي ع السحور
ريم:ركبت دخلت للحمام تستفرغ وبعدها غسلت ولبست بيجامه ورقدت
رماح:الووو
ريم:بصوت تعبان، بس تحاول تبين انها كويسه اهلا رماح
رماح:لقيتك داقه علي تبي شي
ريم:لا بس كان خاطري في خوخ حامض وانت جاي جيبلي معاك
رماح:حاضر تبي شي تاني
ريم:لالا سلامتك انتبه ع روحك بس
رماح:تمام اوكي وسكر
ريم:رقدت طول لانها دايخه 🥺🥺❤️
