تسواهن: يمةةة ولكم عايش غالب عايش والله
حسيتة تحرك
بس كملت كلامها لتمو الدكاترة علية بين فحص وجيكوا وضعة طلع صدگ بي نبض
عاد نقلوا للانعاش اوفف بوقتها شگد فرحنة
يعني معجزة وصارت ويانة منو لنسولف الة
يتعجب ، عاد وراهة ابوي بعد ماراح لايعتبر
معوق لان متاذي
احمد: اي خطية بابا اصابعة مگصصة
_اي صح من ورة الحرب لماحصلنة منها بس الدمار الله لايرجع ذيچ الايام يارب،
وهسة يلة كلمن لفراشة لعمود انام شوية
ونگعد ندرس
للعصر گاعدين بالهول امي وابوي يشربون چاي
واخواني يلعبون واني واخواتي كلمن لازمة كتاب ندگ علينة الباب طلع حمودي يركض
شوية ورجع يصيح اجة مأمون اجة مأمون
طلع ابوي يدخلة للصالة واني رحت بأشارة
من الوالدة اغير ملابسي لان مو لائقة
رتبت نفسي واخذت الضيافة ودخلت سلمت
رد عليه السلام وابوي طلع بَعد مِاأستأذن مِن
مأمون گعدت على القنفة بعيد علية
باوعلي ماعاجبة واجة گعد يمي مسك أيدي
وگال
مأمون: تدرين كلما اشوف عيونچ أحس نفسي
محظوظ بيهن لان صرت أنضر الهن براحة
من غير خوف لان حلالي صارن
_تدري ماأعرف أرد على كلامك لان دوم تسبقني بكلام حلو أول مرة اسمعة
مأمون: ماأريد تردين اريد بس تسمعين وتخلين عينچ بعيني لاتنزلين راسچ اريد أشبع
من عدهن
_حسيت نفسي صخنت من الخجل أيدي ترجف دنگت راسي ومارديت
مأمون: ههههه اروح فدوة لليخجل صرتِ
طماطة يمعودة بعد مااتغزل بيج شدعوة
_لاعليك الله كافي ترة والله أستحي من هالكلام
مأمون: هذا هو مااحچي بعد تجيين يمي ويصير خير، هسة خلينة بالمهم شنو رأيچ
نقدم موعد العرس ترة مااتحمل أني
_لاعفية خليها على اتفاقنة قبل موگلت بالعطلةيعني مابقى شي كلها كم شهر
مأمون: أوفف والله هواي بس هذا هو مااكسر
كلامچ بالعطلة ننتضر شعدنة قابل.
_أبتسمت بوجهة ودنگت بقينة نسولف بمواضيع عامة قبل المغرب ترخص وراح
دخلت جوة بين الصلاة وتحضير العشاء ولدراسة خلص اليوم ..
بيوم طالعة من المدرسة خواتي وياي
ونتمشى سوى قبل لاندُخل شارعنة
سمعت صوت ينادي بأسمي،
ألتفتت شفتة دكتور زيد تعجبت
شجابة هذا ؟!شنو ليريدة؟
ضغطت على ايد اختي من التوتر وأني اشوفة
يتقدم علينة، وصل قريب ألنة وگال
زيد: ليشش؟
_شنو ليش دكتور؟
زيد: ليش رفضتوني موأني تقدمت قبلة
شنو لبي احسن مني ليش فضلتوا عليةةةة
احچي احچي لاتسكتينن
_حسيت صوتة حيل صار عالي واحنة بنص الشارع والعالم تباوع علينة وخواتي وياي
مااعرف شسوي بمثل هيچ موقف وهو يحچي
بحرگة گلب شجعت نفسي وحچيت
_دكتور عيب هالكلام اني ممواعدتك بشيء
حتى جاي تعاتبني وبعدين اني هسة
على ذمة رجال وگفتي وياك غلط من رخصتك
اخذت خواتي ومشيت بدون مااسمع جوابة
سرعت مشيتي حتى اوصل بسرعة اخاف
لايلحگني خواتي يحچن وياي وبالي مو يمهن
اصلاً نشف دمي لما وصلت البيت
غيدة راحت تركض وتصيح يوم
معرفتي شصار،
ركضت وراها امنعها تحچي شي
بس نزعت حذائب ودخلت
الصالة لگيت فطومة بت عمتي
عدنة وغيدة واگفة تسولف الصار كُلة
احس دخنت من العصبية واني اشوف نضرات
التوعد بعيون امي ونضرة الفضول بعيون
فطومة ماتحملت رحت سحبتها من ايدها
وطلعتها ودخلتها للغرفة
_دتعالي شبيج انتِ زعطوطة ماتستحين
شنو كلشي يصير ترحين تنقلي گدام الخطار
مو عيب شوكت تكبرين وتبطلين خفةة؟
غيدة: هاي شبيج تنسيم هو منو موجود
بس فطومة مو غريبة
_حتى لو اصلاً شكو تحچين تعالي شوفي
امي شلون راح تموتني بالملامة عبالك
اني مكيفة بالوضع
غيدة: اوي عفية كافي شگد تكبرين المواضيع
اروح ابدل احسلي
_الكلام وياچ عبثث
ماهتمت وطلعت وعافتني
بعدني ابدل ودخلت امي مثل الاعصار
مسكتني من ايدي وتحچي بعصبية
تسواهن: ولچ صحيح الكلام لگالتة غيدة
زيد حاچي وياچ ولچ تردين تفضحينة
_شبيچ يوم قابل اني مواعدتة هو اجة من كيفة بعدين ليش افضحكم شمسوية ها؟!
تسواهن: ولچ انتِ متعرفين فطيم شراح تسوي، راح تروح تخليها بحلگ مأمون وتسويلچ مشاكل هاي اذا متزيد من عدها
كلام
_لايوم لا متسويها فطومة صديقتي هاي متضرني أبد
تسواهن: اويلي لشوكت تبقين فطيرة انتِ،
اروح اكمل الغدة احسلي لاابوچ يخبصنة وانتِ كملي ولحگيني
_طلعت امي بعد محاظرتها الي واني كملت
تبديل وغسلت وصليت ورحت وراها اساعدها
گاعدين نتغدة كُلنة ونسمع الباب مو يندگ
لاأتكسر ركض ابوي واخواني يشوفون منو
وامي وراهم واحنة نباوع من شباك المطبخ
واشوف مأمون دخل عبارة عن كتلة من الاعصاب، و ابوي ماسك أيدة ويحچي وياه
واني حيل مضل بية اكيد فطيم خبرتة بالاكلام لسمعتة لاياربِ بس لا أبوي يعرف والله يموتني
فرح: ولچ تنسيم شبي مأمون متسودن معقولة عرف؟!
_ سألي اختچ الحقيرة لواگفة يمچ وانتِ تعرفين
بعدني احجي وية فرح وسمعت امي تنادي علية،. طلعت اقدم رجل واخر رجل واني اشوفة يروح ويرجع بالگراج وابوي واخواني يباوعون عليه شافتني امي وگالت وهية تخزرني
تسواهن: اخذي رجلج ودخلي للديوانية وشوفي شبي يلة واحنة جوة
