#في_عمق_الجحيم
البارت 7
صباح الخير 🦋💙
#في_عمق_الجحيم
..................................................................
طلع هين فرآگي وآنّسي بـ سرعه
بـ سوك عيونهم مآ كَلفت دمعه !
ضآگوا طيبتي وگآلوا شهر ويعود ..
وآنه عنودي وعفت خط روحه مو رجعه !!
............................................................
شدن::ل8 وماكو سنطه بس مرة مازن كلساع كاتله جهالها وصريخهم واصل ليمي شكد اكرهه
سلطان شكد اتصلت عليه ميجاوب. ندك الباب وصوت انتصار
فتحته رافعتلها حاجبي بدلي اكطعها
جهالها واحد منا واحد منا
اكلج عوفيهم يممج. مازن راح يجي ياخذني للمستشفى
بدون ماجاوبها دارت وجها ومشت صحت عليهاا تعالي تعاالي
التفتتلي وتحجي بخشمهاا
.نعم
.الله ينعم عليج اخذي جهالج لا اشمرهم بشارع
.بت ابوج وشمريهم
صيحت عليهم امشوووو منااا ضلو يصرخون وهيه
رجعت تشمي سريع وتغلط..
بيت عمهم غصبا عليج يضلون يمج
وبيت عمهم شنو اني فاتحته حضااانه ياهو الاجت وشمرت جهالها خذيهم اوولي منا يله يله راويني عرض جتافج
.انعل ابوج لابو الخلفج والله يبقون غصبا عليج
جاي اسد الباب بوجهه خلت ايدها وجرتني من دشادشتي
ضربتني راشدي وتصيح اليوم اربيج. هاكد ماكمت اعارك صرت جني مهموشه محد تكدرلي
كعدت فوكها هيه مغمضه عيونها وتضرب عمياوي خاف الضرب الضربته الها ميبين خرمشتها ومحد يمنا يفرغها من ايدي
وخرت منها من شفت جهالها غصو بلبجي
كامت ولسانها يرررش بلغلط ولا اثرت بيها ضربه لا عضه لاصخام
درت عليهم. صرخت اشششش واسمع صوت رويده تبجي درت اريد اروحلها افتح الباب ماينفتح
وهيه فتحت الدشداشه من يم صدرها وتصيح حووووبتي حوووبتيي تعثر
تخبلت اريد افتح الباب ماكو. وجهال قدس من سمعو رويده تبجي احجي ويااهم اريدهم يفتحوللي الباب من جوا ماكو. كلبي دكااته سريعه ولخوف اخذ روحي
وانتصار وراي تلغي حييل وحييل حوبتي وشعبالج. اني كلبي خلص من الخوف ع رويده وهاي تلغي درت عليها يمي ماسحه سحبتها اريد افلتها وكتلها اراويج الحوبه شتسوي بعدني افلت بيها وهيه شردت وتضحك بشماته واكفه اباب بيتهم وتغلط علي
