مـصـيـرنـا المـزدوج

pert 1

ملاحظة:: من احط { } يعني معناها الشخصية دا تگول الكلام بگلبهة

-ريماس:-جنت صافنه وافكر معقولة تجي الاسئلة صعبة؟!! لا ريماس انتِ گدها لازم تنجحين وتجيبين معدل هذا اختبار مصيري وظليت خايفة وافكر لحد ما وزعوا النه الاسئلة ترددت اديرها واشوفها بس تشجعت وطلعت صعبة بس ما اهتميت وگلت خل احل وبلگت يطلع صح

ريماس::{لحضةة هذا السؤال ما موجود عدنه شلون راح احله؟!} ونوب اخذت حسرة وگلت {اسأل المراقبة؟!} بس ترددت اسألها وبالاخير ما سألتها { هسة هي متجي يمي} ونوب كملت حل واني ساكتة

بجهة ثانية

عذراء::{اوفف شو الاسئلة صعبة نوب المراقبات شگد يسولفن حرامات ما تجي وحدة تساعدني،،، خل اشوف شچاي يسولفن}

وره شوية گلت خل اكمل حل وظليت احل واني اردد {اتمنى من الرب انو يطلع الحل مالتي صح}

عند انجيلا

انجيلا::اجت الاسئلة وبديت احل.. الاسئلة من صدگ صعبة لذلك نص حلي ممتأكدة منه بس بعدين باوعت بالاسئلة نص الكتابة ما مبينه وماكو شي واضح{هذوله شبيهم حتى طباعة ميعرفون يطبعون؟!} ونوب كملت حل طبيعي

انجيلا:: طلعت وره ما خلصت حل وبالصدفة لگيت ريماس وعذراء ورحت الهن بسرعة

انجيلا:: شلونها الاسئلة وياجن

عذراء:: صعبةة يمةة ظليت افر باذني

ريماس:: صعبة ردت اسأل المراقبة بس هي حايرة بالسوالف فااا مگدرت،، عذراء انتِ تظلين تگولين هيج وبالاخير تطلعين اعلى وحدة

عذراء:: لا يابةة ترا صدگ صعبة واذا طلعت ماخذه اعلى من 60 اقص ايدي

انجيلا:: اني لحد هسه ممتاكدة من نص اجوبتي وما اريد اگولها خاف تطلع غلط

عذراء:: بنات اني شوي وراجعة،، رحت ركض علمود اجيبلي بطل مي وبالغلط طخيت ببنية

شمس:: خيرر شنو متشوفين عميه؟!!

عذراء:: احترمي نفسج

شمس:: لا يابة،، گالت باستهزاء ونوب رجعت كملت،، انتِ الي لازم تحترمين نفسج قندرة

عذراء:: لحد هسة اني ساكتة ومتحملتج فـاسكتي احسلج

شمس:: شكلج تردين نتعارك مو؟!!

بعدين اجن انجيلا وريماس واول ما شافن شمس عرفن انو هي تريد تتعارك لذلك راحن لعذراء واخذنها وياهن على صفحة وگالت الهة ريماس:: عذراء شوفي مو هسة وهمين نتانيا تنتظرنا لازم نروح تمام

عذراء:: بس.......

ريماس:: يلا عود نتفاهم وياها بعدين هسة خل نروح

اقنتعت عذراء ونوب رادن يرحن فوگفتهن شمس وگالت:: هااا شنو خفتن؟!

عذراء:: اني اعلمج....