بعد ما ركبنة بالسيارة
خالد هوة الي يسوق بينة، وضل يشغل اغاني يعرف اني احبهة
وما اتحمل اذا ما اغني،
فَ اني ما اتحملت وغنيت وية الاغنيه وخالد بس يطالع علية، ويضحك
حور: ملك شوفي خالد يطالع علية
ملك: اي ادري
حور: اي يجوز صدك هذا يحبج
ملك: هههه، ماريد هذا حبة،
حور: ليش
ملك: مادري، بس ما اريدة هسة لان من جنت اريدة ما انطاني هذا الحب، حور سكري الموضوع لان حرفيا يضوجني
المهم بعد ما وصلنة العرس
محد عرفني الكل مستغرب منو هاي
واني حرفيا ضوجة، وملل
بعد ما خلص العرس
امي وخالاتي راح يحضرون الزفة واني ما اريد احضر
اريد ارجع للبيت
فَ رحت على عمي الي هوة ابو خالد
فَ كالت اني اذا تروح للبيت اروح وياك
كال اني راح اروح الساعة ب8اطلع
كالت خوش اني راح اروح وياك اني وحور
كال تمام
اني كلت لحور انو راح اروح وية عمي ابو خالد كالت اني هم اروح وياج كلت تمام
صارت الساعة ب 8
رحت على عمي ولكيتة جاي ينتضر بينة
بس الصدمة انو خالد ويامن هم يرحون ويانة
اني ما هامني بس حور طايرة من الفرحة لان يامن موجود اني بس اضحك عليهة
حور: الله زمن الي انتي تضحكين بي علية
ملك: هههه، اي والله زمن
حور: اني الي جنت اضحك عليج، هسة انتي
المهم السيارة ما تكفي
فَ اني وحور راح نصعد بالدبة
ترة الدبة تكفي يعني جبيرة
فَ صعدنة واني كبل اخذتهة نومة نمت نومة حلوة
اني من نمت نزعت النقاب مالتي
فَ شعري كلة باين
ما حسيت الا من حور تكلي اكعدي وصلنة
اني نزلت
كالتلي حور اكو شي صار،
كلت شنوو
كالت مو هسة
كلت تمام
طبينة بالبيت
خالد: ملك اريد اكلج شي
ملك: شنو
خالد: مو هنا
ملك: تريد احجي، ما تريد عوفني
جان اعوفة وامشي
دخلت الي داخل البيت
سبحت وجنت حيل جوعانة،
فَ قررت اروح للمحل، واخذت حور وياي
احد هسه حور ما كالتلي شنو صار من جنت اني نايمة بالسيارة
