بسم الله الرحمن الرحيم
بعد وفاه بيبيتي ومثل ما تعرفون تقبلت الامر و بعد سنه صار عمري 16 سنه تعرفت على وحده اسمه جمانه جانت سمعته مو شي لكن اني تغاضيت عنه وصارت صديقتي و للاسف جرتني لهواي امور غلط
و من خلال القصه رح تعرفون شنو الامور هاي
جمانه: فاطمه شوفي تعرفت على واحد اسمه محمد هوه مو من العراق من دوله ثانيه
فاطمه: انتي شلون تتعرفين على ولد حرام ميصير تحجين ويه غريب
جمانه: منو كال شنو دليلج هاي الناس المعقده هيج تكول بس الله ما كال انو العلاقات حرام
فاطمه: بس الي ميرضي الله مرح يرضيج جمانه اني دحجي المصلحتج
جمانه: هاي شبيج وين اكو هيج حجي جربي تعرفي على صديق محمد وشوفي والله ماكو هيج حجي
طبعا اني بالبدايه جنت رافضه هل شي لكن ب الاصرار قنعتني و دزت حسابي لهذه الشخص و اسمه رضا
رضا: مرحبا
فاطمه: مرحبا
رضا: شلونج
فاطمه: الحمدالله وانت
رضا: الحمدالله انتي صديقه جمانه؟
فاطمه: يي اني
رضا: تشرفت بمعرفتج عمرج شكد؟
فاطمه: 16 سنه وانت
رضا:عمري 23
فاطمه: العمر كله
رضا: اشكرج انتي هم حاجيه ويه ولد قبل؟
فاطمه: لا ابدا هاي اول مره بحياتي
رضا: شعجب
فاطمه؛ ماعرف بهاي السوالف اني بعيده عنه
رضا: اني احب هيج شخصيه
فاطمه: ليش؟
رضا: لانو من اكون الشخص الاول بحياته هنا رح اطمئن
فاطمه: بس انت شدعوه هلكد واثق انو ممكن ادخل بعلاقه وياك؟
رضا:ليش لا اني متفائل وياج
فاطمه؛ طيب خليني اروح هسه وبعدين نحجي
بصراحه و ما اخفي عليكم اني جنت مو مرتاحه ابدا جنت حاسه انو هذه غلط بس للاسف وجود جمانه محى هل احساس وبعد فتره قصيره جدا دخلت بعلاقه ويه رضا و دزيتله صوري وصار يبتزني بصوري وخفت ونهاريت جدا اخر شي توكلت على الله وتذكرت هاي الايه
﴿ وَما تَشاءونَ إِلَّا أَن يَشاءَ اللَّهُ إِنَّ اللَّهَ كانَ عَليمًا حَكيمًا ﴾
و توكلت على الله و نمت
وشفت رؤيا وجانت هيه الاشاره الي
شفت انو اني رايحه لامام الحسين عليه السلام ب الاربعين ودخلت للحرم و صار كله خضار و سماء صافيه و كدامي فاطمه الزهراء عليها السلام و الامام علي عليه السلام و الامام الحسين عليه السلام وشخص اخر ماعرفه وهمه حضنوني هنا أيقنت انو اني على طريق الصح وهوه ميكدر يسويلي شي و فعلا تركته وضل يهدد الى ان شاف ما مني فائده وعافني وراح وشكرت رب العالمين و استغفرت ربي و عفت جمانه و لانو هيه مو صديقه الصديق ما يوجهني على الغلط ويشجعني الصديق الي يقربني الى الله عز وجل
و انتو همين لا تثقون ب اي احد و لي يحاول يخليك تعصي الله اتركه لانو بعمره ما يحبك لي يحبك يقربك الى الله مو يبعدك
الى هنا انتهى البارت الثاني من الروايه
في امان الله
ملاك الخفاجي❤️
