نبدا الروايه عند عيال مصعب العصر على الغداء كانت لطيفه تجهز السفره
وهي تحط السفره لفت لي شذى كانت جالسه على الجوال
لطيفه : يعني لو سمحتي يعني قومي ساعديني
شذى : طيب
راحت المطبخ شالت السلطه ولفت على لطيفه الي كانت تحط الرز في صحن: لطيفه
لطيفه : نعم
شذى : متى تتزوجين
لطيفه : قولي تبين الفكه
شذى وهي تمشي : افهميها
لطيفه بصوت عالي: نشوف مين راح يبكي بعدين... كملت .... روحي صحي ابويا و العيال و البنات
راحت تصحيهم بعد ما خلصو غداء
المغرب كان جالسين يتقهون
فهد : ايوه متى بتمشون
ابو فهد : نمشي وين ؟
ام فهد : ابووووو نسيت ؟
ابو فهد بعدم فهم : وين الديره
كلهم مع بعض : لا
ابو فهد : افوا لا ماتشون اهلكم ( ماتبغون اهلكم )
جواهر : مو قصدنا بس مافي احد هناك
ام فهد : خل نروح الرياض عند اهلي احسن كلهم بي يجون حتى خواتك بي يروحون هناك
شذى : صدق ابويا خل نروح الرياض
ابو فهد كان يطالع التلفزيون ولا كانّه يسمعهم
ام فهد بصوت شوي عالي : مصعب
ابو فهد : هلا هلا
ام فهد : ها نقوم نجهز أغراضنا
ابو فهد بتنهيده : جهزو أغراضكم
شذى بصوت عالي : ياااااااااااسسس
ابو فهد : اي مستأنسه بتشوفين المهابل ذلك
شذى بضحك : ههههه وش دعوه اصلا ما أبيهم
ابو فهد : اجل اجلسي
شذى : اتغشمر
راحت شذى على طول دقت على اطياف سناب
في المكالمه :
اطياف : ماهو تشين (وش تبغين ) ياسيدي ماني فاضيه
شذى : اصه بس ترا بنجي عندكم بعد بكره
اطياف فزت : كذابه
شذى : ولله
اطياف بمزح : ماشاك ( ما أبغاك )
شذى : على أساس أنا أبغاك [ حركت شعرها بغرور ] ابي اكحل عيوني
اطياف : افووووو
شذى : دزي دزي.. كملت ... اخخخ اشتقتلك
اطياف : اشتقتيلي ولا اشتقتي له
شذى تغير الموضوع : وش صار لك مع متعب
اطياف ببتسامه : إذا جيتي اقول لك
وقفلت في وجها
شذى بصدمه : لحجيه قفلت في وجهي
وقامت تجهز أغراضها
_____________في بيت سعود و نوره ______
نوره نزلت فنجال القهوه ونطقت : وش رأيك يا سعود نروح لي الديره
سعود : لا نروح الرياض اهلي كلهم متجمعين هناك
نوره : خلاص انت روح الرياض وانا و عيالي لي الديره
سعود بتفكير : اممم أشوف
نوره : لا تقول أشوف عطني كلمه اي ولا لا
سعود : خلاص الله يستر عليكم
دخل سلطان الي توه جاي من الدوام نطق : سلام عليكم
ردو السلام
سلطان : ها وش قررتو الديره ولا الرياض
نوره : أنا وانت وأخوانك نروح الديره وأبوك بي يروح الرياض
سلطان : تم
نزلت شوق اول ما سمعتهم : لا امي خل نروح الرياض كلهم هناك
نوره : طيب متى آخر مره رحتو سلمتو على جدكم ؟
سكتت شوق كانت تبي تروح عند البنات بس استوعبت انه بتشوف عبدالعزيز ونطت بفرح : خلاص نروح الديره
سلطان : مالها ذي ... كمل ... ياسر مارح يروح معنا
نوره : إذا خلاص من الجامعه يقول بي يلحق
[ ياسر يدرس جامعه في الرياض]
اكتفى سلطان يهز راسه و قام طلع غرفته
___________في بيت الجدة عسله_________
جده عسله وهي تكلم جمانه الي جنبها : متى يجون عيالي وحشوني
جمانه : وحشوك كلهم ولا الخماسي المرح
ضحكت جده عسله : ههههه ولله هم الوحيدين الي يسعدون قلبي ياحبي لهم
جمانه : عاد الله يعينك على الازعاج
جده عسله : احلى ازعاج
جمانه وهي تطالع أمه قد ايش تحب احفاده وبذات الثلاثي المرح [ الي هم اطياف و شذى و بيادر اما شوق و حنين مو كثر يتلاقون ]
عسله لفت على جمانه : قومي يا بنتي وديني السوق
قامت جمانه لبست و شغلت السياره
__________في بيت مصعب و عبير ________
لطيفه وهي تكلم خطيبها
في المكالمه :
نايف : متى ناويه الزواج ترا طولنا
لطيفه : ياخي اصبر علي شوي
نايف: لطيفه يكفي صبرت اربع سنوات تبين انتظر زياده
لطيفه: خلاص بعد العيد
نايف : اكيد
لطيفه بضحك : هههه اكيد ان شاءالله
قفل الكالمه
وطلع لطيفه تقول لي امها
ام فهد : زين يابنتي بس وين راح يكون
لطيفه : مدري بعدين ناكد
ام فهد : الله يكتب ما فيه الخير
فهد دخل مسرع عليهم
ام فهد بفزع : مالك انت
فهد : اميييي
لطيفه: اخلص تكلم
فهد : تخيلي وش صار
ام فهد وهي ماسكه علبت المنديل : فهد تنطق ولا ذي في وجهك
فهد بحماس : بدررررررررررررراااااااااسسس
لطيفه : زين تريحنا من إزعجك
فهد وهو يأشر على لطيفه : امي امسكي بنتك
ام فهد : معليك منه زين انك حصلت لك شي تسويه
___________في بيت صالح و ساره _________
اطياف الي كانت تكلم متعب : مارح تجون الرياض ذي الاجازه
متعب : ولله مدري بس ما اضن
أطياف: كلمت بيادر تقول انكم بتجون
متعب : اي يمكن بس هي و امي و عبد الرحمن
أطياف: اهاا
متعب : تدرين اني احبك
اطياف بخجل : اففف ادري
متعب ببتسامه : يازين الي يستحون
فجاة دخل هتان عليه
هتان : افي مام [ اطياف حمام]
اطياف: حبيبي شوي واكلمك
متعب : انتبهي لنفسك
وقفل المكالمه
اطياف بعصبيه : مايجي شغلكم إلى وانا اكلم يعني امش قدامي
هتان وهو ماسك سرواله
خلصت اطياف من هتان وراحت تشرب مويه دخلت المطبخ
اطياف بصراخ : تراااااااااااااااااااااااف
انخرشت ترف من صوت اطياف
ام عبدالله طلعت بخوف : خير وش ذا الصراخ .. دخلت المطبخ وشافت المنظر شهقت .... ايش ذا
ترف الي كانت تلعب في البيض الي كسرت
اطياف بتحلطم : امي توي نظفت المطبخ توي
ام عبدالله: خلاص أنا بنظفه انتي روحي روشيها شوي ونطلع عند جدتك
بعد ما خلصو راحو لي بيت الجده عسله
جده وهي ترحب في احفاده : هلا ولله بي أحفادي
عبدالله بصوت عالي : ارررررحبي ياجده
جده : هلا ولله كيفك
عبدالله: الحمدلله بخير دامك بخير
جده : متى يجي اخوك ؟
عبدالله فهم انها قصده في فهد ضحك : اليوم الفجر بي يمشون
دخلت مسك اي توها جايه من الدوام رمت نفسها على الكنبه
عبدالله: ولله لو انك جايه من جيش ترا كله دوام
مسك : إذا داومت تعرف كيف
عبدالله: وين سيف ؟
ريم : مدري عنه
دخل سيف نطق : اررررررررحب
قام عبدالله وحضن سيف : وحشتني
اطياف : الي يشوفكم يقول لكم قرن مو شايفين بعض
سيف : وش تبغين انتي
عبدالله: غيرانه
سيف : الحين تجي زوجتك [ قصده شذى ]
أطياف: دز بس
عبدالله: حرام ولله مافي احترام لي الخال
سيف لف عليه : انت تحترمني ؟؟
عبدالله: لا
سيف : سد حلقك
عبدالله: ابشر
____________في اليوم الثاني ساعه ٨ الصباح ______
ابو فهد وهو يصحي عياله : يلا يا بنات يلا انتو الحين تجلسون ساعه عشان بس تتمططون
سيرين طلعت من الغرفه: ابويا ترا مسافرين مو رايحين شاليه
ابو فهد عطاها النظره : اقول اخلصي بس ... وكمل ... وبعدين وش ذي الشنط كلها بتنقلون عندهم ولا كيف
ام فهد وهي تمشي من عنده : صل على النبي يالله صباح خير
ابو فهد بصراخ : فهد عيسى قومو بسرعه نزلو العفش ذا
فهد بصدمه : ياساتر ذي يبيلها ونيت
ام فهد : تنكت
فهد : مرره كثير
ابو فهد : خلص نروح بسيارتين الله يعين نص الغراض عندك و الباقي عندي
فهد كان يبيها من الله : تم تم
ام فهد : ولله اني عارفه تبي تروح بسيارتك
بعد ما جهزو وخلصو نزل السياره وكان ابو فهد معصب على الأغراض كثييره
ابو فهد بعصبيه : الحين هاذي بس اغراض الروحه الرجعه بتكون دبل
شذى بهمس لي سيرين ال بجنبها : وشبه أبوك معصب مره كنها اول مره يشوف العفش ذا
سيرين بنفس الهمس : الحين يركب السياره تنقلب حاله
فجأة بدون سابق إنذار فهد ضرب شذى على كتفها بقوه
شذى بصراخ : وجع يوجعك ان شاءالله ياكلب
وركبو السياره
الترتيب
ام فهد و ابو فهد
لطيفه و سيرين و جواهر
عيسى و شذى
السياره الثانيه فيها فهد بس
في الطريق ابو فهد شغل اغنية و قام يهز كتفه بخفه
سيرين : مو ذا الي كان منفس قبل شوي
لطيفه: ابو فهد في شي جديد
عند شذى الي فجاء جتها أضافه في السناب وكان ........
___________________________
[ يا كثر الشوق بس وحشتووووني ، إن شاءالله ما أخيب ضنكم في ذي الروايه ، لا تنسون النجمه ✨]
