قامت وراحت تتجهز على السريع للانها تبي تروح البقاله تجيب اغراض لسهرتها هي و غاده
خلصت ونزلت لسيارتها شغلتها وحركت قررت تشغل اغنيه
وصلت البقاله واشترت كندر وايس تي وبطاطسات وموسي و ريتا وخليط كوكيز وفشار خلصت وراحت تحاسب
ركبت سيارتها ودقت على غاده دانا : هااي غدوو غاده : هااي دنوو دانا : على وعدنا ؟ غاده : افكككورس دانا : يلا تمام على الظهر بمرك ونروح شقتي ونبدا فعاليات تم ؟ غاده : تمييين مو بس تم دانا: يلا باي غاده : بااي سكرت دانا الخط ووصلت شقتها جلست ترتب الصاله
وبعدها قررت تخبز كوكيز وراحت تجهز لها اوتفت
خلونا نشوف وجهه نظر احمد :
كنت جالس في غرفتي العب كود واسمع غاده تناديني قمت وراحت اشوف وش فيها طلعت تسوي حلى ومافي دريم ويب 😭😭 قلت لها شفيك ؟ غاده : مافي دريم ويب و فيصل التبن مو راضي يروح البقاله !! احمد : خلاص اهدي انا بروح اجيب غاده : ثاانكيو اهمووود وعطته بوسه بالهواء راح احمد البقاله ولقي دانا تشتري بس ما شافته اخذ احمد الدريم ويب ورجع البيت وطول الطريق كان يفكر فيها وكيف سرقت قلبه دخل البيت وعطى غاده الحلى وقال : ايووه لمين الحلى؟ غاده : شدخل.. اقصد لصحبتي احمد : مين صحبتك ؟ غاده : ابووك يالتحقيق وانا عندي صحبه غير دندونه ؟ يلا فارق لااشوفك بالمطبخ احمد : ابشري انتهت...
خلصت دانا ترتيب و تنظيف وراحت تصلي الضهر و تتجهز عشان تاخذ غاده من بيتهم
نزلت سيارتها وشغلت يمين الله حقه اصاله وحركت لبيت غاده صادف يوم وصلت فيصل واحمد راجعين لبيتهم بعد ما صلوا الظهر نزلت دانا شباك السياره ونادت فيصل : فصصصولي "تعتبره اخوها الصغير وهو كذلك" راح لها فيصل : هلا دانا : عادي تروح تقول لدانا اني برا ؟ فيصل : ياحبيبتي ترا تقدرين تدقين عليها من جوالك ! دانا : صار لي ساعه ادق ماترد وبعدين انت ما تعرف اختك ! فيصل : بروح بس بشرط دانا : وشو ؟ فيصل : تجيبين لي ست.. تنحنح احمد ونادا فيصل فيصل : خير ابي اكلم دانا انقلع عني ضحكت دانا ضحكه ناعمه وهنا احمد ذااب دانا : ايوه وش الشرط يابو شروط فيصل : تجيبين لي ستور للسوني دانا : من عيوني بس روح ناد غاده راح فيصل ينادي دانا وراح احمد عند دانا وسلم عليها وقال : تبين شيء منا مناك ترانا بالخدمه دانا : لا تسلم بس ابي غدو عشان نطلع احمد : طيب اعطيك رقمي عشان اذا احتجتي شيء ولا شي ؟ دانا : ما نقول لا احمد : طيب سجلي عندك ######053 دانا : خلاص يعطيك العافيه اذا احتجت شيء كلمتك ابتسم احمد : تمام ولف وراح بيتهم والابتسامه شاقه وجهه ولقى غاده طالعه قالت : ايووه احمد مبسسوط وش صاير ؟ احمد : وش صاير يعني صليت اكيد بكون مبسوط يلا انقلعي صحبتك تنتظرك برا غاده : من متى دانا تهمك 🤨🤨 احمد : مو شغلك ويلا انقلعي غاده : بروح ب.... قاطعها صوت بوري سياره دانا سحبت عليهم وراحت ركبت ولقت دانا مبتسمه وقالت :احمد مبسوط وانتي مبسوطه يعني ازغرط دانا : الله يشفيك فكيني منك مبسوطه لانك خرجتي بعد اعوام مديده غاده : اقوول امشي المول خل نروح نشتري بجامه حركت دانا ووصلو المول واختارو بجامه بنفسجيه
وصلو البيت ورتبتها دانا وصورت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وبعدها جلسو يسولفون طلبو حلى وسوو لهم قهوه
11:00اليل دانا : نشغل الفيلم الحين ؟ غاده : اي دانا : غمضي عيونك بدخل حسابي ب نتفليكس غمضت غاده ودخلت دانا حسابها وجو بيختارون فيلم
جهزو البنات وراحو بيت اهل احمد عشان دانا تساعد اهل احمد "سنعه بنيتي" دخلو البيت فاطمه : ياهلا والله بدندونه ومرت وليدي دانا : هلا فيك خالتي فاطمه : شلونس ؟ دانا : الحمدلله تمام وانتي فاطمه : دامس بخير انا بخير غاده : يمه روحي اجهزي وانا ودانا بنجهز الضيافه فاطمه : زين زين ولا خلصتي تعالي سوي لي مكياج زي حق عرس بنت خالتس غاده : ابشري يمه من عيوني راحت فاطمه وبقي البنات نزل فيصل من غرفته يبي يشرب مويه ولقى دانا قال : ها وين الستور ؟ دانا : لا خلص العيد حقكم اباخذك لجرير وخذ الي تبي فيصل : تممام غاده : شعندك نازل ؟ فيصل : ابي اشرب مويه غاده : طيب انقلع اشرب فيصل : هي هي حدك لا تسبين ضحكت دانا ضحكه خفيفه وقالت : ماعليك فيها روح انت اشرب وانا اهاوشها تخصرت غاده وقالت : عشششتو انا تهاوشيني علشان ذا البزر !! فيصل : انا بزر يا عجوز وبعدين متى تتزوجين ونفتك منك ! صرخت غاده بصوت عالي وقالت : فيصصصصلل انقللع من وجهي لا اقوم عليك فيصل : بروح بروح اهدي لا يجيك الضغط ونشتغل بك بالمستشفى وهرب غاده : بيموتني ذا الولد التبن دانا : اقول امشي نجهز الضيافه الحين يجون خالاتك وحنا ما سوينا شيء غاده : شرايك نستنى رهف ؟ (رهف اخت احمد الكبيره عمرها ٣٢ عندها بنت اسمها لجين عمرها ١٢وولد اسمه هتان عمره ٨) دانا : لا لا مابنقدر نسوي شيء من هتان غاده : انقلعي انتي سوي الضيافه انا بستنى رهوفه دانا : احسن لي من الزحمه بالمطبخ
راحت دانا المطبخ وفيصل كان طالع بعد ماشرب مويه وقالت له دانا : شربت مويه ؟ فيصل : اي دانا : تمام راحت تفتح الثلاجه مالقت مويه بارده وفتحت الفريزر ومالقت مويه برضو راحت تعبي وهي تغني للحب عيد وانتي ياحبي العيد الله كتب لي هالسنه عيدي وياك الاقدار ساقتنا لحلو المواعيد لاقك قلبي قبل ما العين تلقاك بعدها راحت تعبي الغلايه مويه عشان فاطمه تسوي القهوه والشاي بعدها رتبت الحلا في صواني كشخه وصار كل شيء جاهز خلصت وما لقت غاده بالصاله قالت اكيد جالسه تسوي ميكب لخالتي فاطمه ما اهتمت وجلست تتابع جوالها وحست ان غاده طولت قررت تطلع تشوف لهم طلعت الدرج وبالغلط دخلت غرفه....... ____________________________________ والى هناا خلص بارتنا اتمنى انه عجبكم واسفه على السحبه لا اقوول وداها ولاكن الى القاء في باارت اخر 🌸🌸
