المهم اني انصدمت
فَ اني طبيت للغرفة وسويت اكل واكلت وحور هم اكلت وخلصنة وحجينة على العرس والعروس
المهم حجي هواي
بعد ما خلصنة
اني دكيت على امي وسئلت راح يجون ز
هاي الليلة لو لا
جاوبتني وكالت لا ما راح نجي ديري بالج على نفسج
كلت تمام
اني ضليت افكر بكلام خالد، لان حرفيا اني ممصدكة هذا هوة هيج يحجي
المهم حور كالت اني ما راح انام يمج مرت عمي الي هية مرت خالهة تصيحلهة تجي تنام يمهة يعني تخاف اني كلت عادي
فَ من طلعت حور من يمي ورة نص ساعه
كبل انفتح الباب علية اني انصدمت منو هذا واني ما متغطية ولابسة بجامة نص
انصدمت
اشوف هذا منو يطلع خالد، انصدمت حرفيا
ملك: خالد اطلع برة
خالد: ملك اريد احجي شي
ملك: بكل عصبية خالد اطلع برة
خالد: لا ما اطلع اريد احجي شي وراهة اطلع
حجة خالد الي يريدة
ملك اني احبج واموت عليج، اكو سبب خلاني اعوفج
وانتي ما تعرفين هذا السبب
اني احبج من جنة صغار، وانتي من جيت اعترفتي الي اني جنت احبج حيل بس ما كدرت اكول
لان اكو شي خلاني ما احجي
ملك: شنو هذا الشي الي خلاك ما تعترف الي شنو كول، انتَ لو صدك تحبني ما جان عفتني لو مية سبب مو سبب واحد
خالد: انتي كلشي ما تعرفين
ملك: خالد اطلع برة الغرفة
خالد ما قبل يطلع ظل يحجي كلام هواي
اني كمت وطرتة برة الغرفة هوة ظل يدك بالباب ويكول اريد احجي بعدني ما كملت
خالد روح
خالد راح
واني ضليت ابجي اكول ليش هيج يصير وياي
اني گوة طلعتك من بالي ليش ترجع
المهم ضليت ابجي واجت حور وحجيت شنو صار
حور: يمكن صدك اكو شي خلا بسوي هيج
ملك: ما اكو اي عذر عمود يسوي هيج ويعوفني
حور: الصراحة ما اعرف شنو اكول
المهم بعد اسبوع من هاي السالفة
يامن واخيرا خطب حور
چان البيت حرفيا فرحان
واكثر شي حور ويامن چانو كلش فرحانين
