( بسم الله الرحمن الرحيم )
قلبي وقلبكِ والنوايا والقدر
مثل البحارِ
مع الغيومِ تبادلت
ما بينها رغم المسافاتِ المطر
تتغيّرُ الأشياءُ كلَّ دقيقةٍ
تزدادُ، تنقصُ،
تختفي، تُبقي أثر
إلّا الذي بيني وبينكِ ثابتٌ
مهما تقوّسَ سوفَ يكتمل القمر
_______________________
روز
كعدت من نومي على صوت صوت المنبه ساعه 3:02 كمت غسلت واسمع ابوي كاعد يقره القرآن الكريم صوته يرد روحي رحت يمه بست رأسه ورجعت لغرفتي كعدت سكر توضينه وكعدنه نقره قرآن أذن أذان الفجر
احلى شي من تكعدين من وكت حته بس تسمعين أذان الفجر صلينه اني وسكر كملنه هيه رجعت نامت واني نزلت يم عمي لأن هوه مربيني من جنت طفله ولحد الان أصيح له بابا كعدت يمه بعد ما كمل صلاة
_تقبل الله بابا.
منا ومنكم صالح الاعمال بنيتي
_بعد عيوني انتَ بويه.
_ بعد ساعتين نروح اني وسجاد نطلع الكربلاء المقدسه .
_ ان شاء الله تروحون وترجعون بسلامة.
_ أن شاء الله .
_ يله بابا اني رايحه اجهز نفسي عندي دوام رايد شي حبيبي.
_ لا بويه سلامتج
صعدت لغرفتي بديت اجهز نفسي لبسّي جان عبارة عن طقم ابيض ومكياج خفيف ورفعت شعريّ وكذالك لبست حذاء كعب اسود
وحقيبه سوده اخذت مفتاح سيارتي ونزلت لكيت زوجة عمي وعمي وعلاوي وشوق كاعدين يتريكو صبحت عليهم .
روز::- صباح الخير نبع الحنان والأمان .
ام مريم:- صباح النور بنتي.
روز :-: صباحو علاويتي
.
علي::-صباح الخير يا وجه الخير علينه .
روز::- فدوه اروح لوجهك اخويه
يله عيوني اني طالعه استوعتكم الله.
حمدان ::-بحفظ الرحمن بنتي.
صعدت بسيارة شغلتها وطلعت اتصلت بصديقتي وكلتلها يله اطلعي اني بالباب اجت هيه تركض
_على كيفج راح توكعين.
_ اويي شبيج روزي لا تخافين بس طلعت مستعجله عبالي تأخرت.
_تمام.
_روزي.
_ها حبي.
_طلعيلي اغاني تامر
_انجبي كلتلج اغاني ما اسمع الصبح.
_اهوو شكد معقده
_دروحي.
انزعجت لبست السماعة وما اعرف شنو شغلت بجهازها وتسمع غلست عنها وضليت منتبه للطريق بعد ربع
ساعه وصلت للمدرسة رحت الغرفه المدرسه ولكيت كل المدرسين والمدرسات لهناك سلمت وقعت على السجل
ودخلت اشوف الغرفه الاستراحه مال مدرسين طلعت دفتر الخطط مال تدريس واني مخليه اسئله بنص
أنت تقرأ
شــهبآر آلأســــود
Mystery / Thrillerمرأة قوية قادرة على تحدي ظروف الحياة القاسية، لتبقى صامدة طوال الوقت، فهي تصنع سعادتها بنفسها دون انتظار لأحد، لا تنتظر التقييم من أي شخص مهما كان، هي أقوى كائن على وجه الأرض ليست ناقصة كي يكملها الرجل، ولا عورة ليسترها، بل هي من تلد نصف المجتمع ون...
