في حي من احياء العراق "النجف الاشرف" (2023) (1/11)
اني بالسيارة صافنه بالشارع من الجامه ومتحمسه لان واخيرا صرت طالبة اول متوسط وبالمدرسه الي ماما تتمناها (مدرسة اختي القديمة) وصلت للمدرسه واخيرا......
مريم: يلا بيباي ماما
ازهار: في امان الله حبيبتي.
نزلت من السيارة واشوفها تبتعد، هنا اني لزمتني متلازمه ام الركب اخذت نفس.....
-ياعلييي
وطبيت للمدرسه شايله ملفي مال الانتقال ومع الافس اني متاخره يوم لان ملفي صار بيه خلل طبيت للادراة...
مريم: السلام عليكم
المعاونه: وعليكم السلام؟
مريم: اني مريم احمد عبد العالي اني-
المعاونه: انتِ مريممم احمددد اخت فاطمه؟؟؟؟
مريم بكلبها:(اهووووو بدت رحمه الله)
(هسه انتوا تكولون يااا واذا يمعوده المفروض تكونين فخوره باختج لان مشهوره وشاطره هسه اني ماكلت شي بس حرفياا!!!) يمكن اني سامعه "انتِ اخت فاطمه احمد عبدالعالي؟" اكثر من سمعت اسمي!)
ـــــــــــــــــــــــــــــــــــــــــــــــــــــ
مريم: اي اي اني اختها هذا ملفي اني الطالبه الي متاخره يوم.
المعاونه: هلاو بيج حبيبتي شاطره مثل اختج موو؟
مريم: اي طبعا راح تشوفوني ان شاء الله
المعاونه: حبيبتي بالفرصه بعد درسين تعالي انطيني ملفج وصدك انتِ بشعبه -د-
مريم: تمام ست، شكرا
رحت اسال وين الشعبه ولكيتها يم مكتب المعلمات طبيت للصف لكيت البنات كاعدات ودا يحجن واكو هم بنات واكفات وكلهن كاعدات بمكانهن اني هنا توترت
مريم:(لا يالله بس لا راح اكعد بالاخير)
الا فجاه يقاطع تفكيري صوت بنيه لابسه نظارات كاعده بالرحله الثالثه جانت كاعده وحدهي.....
-يبنيه يبنيه تعالي كعدي يمي
مريم: اوه شكرااااا
(هسه صح هذا الي حجيته بس الي بعقلي:)
-(ههيهيهيهيهيااااييييي اعرف اعرف شكرا شكرا اعرف اني مبين وحده محبوبه ومشهوره وجميله ولطيفه وشاطره ومدبه وافضل وحده بالصف)
كعدت بالرحله بهدوء وضليت صافنه ولفت انتباهي بنيات كاعدات كدامي ودا يحجن بكل حماس وكل وحده سالفتها اقوى من الثانيه ابتسمت وطلعت دفتري وكعدت ارسم فجاه البنيه الي يمي گالتلي:
-هلاو اني فاطمه وانتِ؟
-اني؟ اني اسمي مريم
ابتسمتلي ورديت الابتسامه الا فجاه تطب مُدرسة كالتلنا هيه مُدرسة الكيمياء وهمين الدرس الواره اجت مُدرسة الاحياء وهن دا يحجن، اني صافنه كلشي ما اعرف شدايحجن لان كلتلكم اني متاخره يوم.
مُدرسة الاحياء: يلا راح اكول اسماء الحضور الي اكول اسمها ترفع ايدها
گالت اسماء البنات وخلصت
-بنات منو ما گلت اسمها؟
-ست اني
جانت البنية الگاعده يمي
-اءءء فاطمه فلان فلان؟ انتِ بشعبة-ب-
-اوه... تمام ست
شالت غراضها وتريد تگوم گلت بگلبي
(ازرب بحظي وبحظ المشهورة هسه اضل گاعده وحدي جني مطـ/ـي دخلي اسوي شي)
-بيباي فطومه
باوعتلي باستغراب وبعدين ضحكت
-بيباي
راحت واني گلت بعقلي
(ولو دگيت ميانه بسرعه بس يلا علاقل بالفرصه اعرف ويامن اسولف)
دگ الجرس ورحت للادارة وكملوا ملفي
رحت اريد اتمشى دا اشوف البنات يتمشن سوية وصديقات واول مرة احس روحي وحيدة... جنت بالابتدائي اشهر بنية بالمدرسة بس هسه تغير كلشي رحت اريد امشي واحس راح ابجي فجاة بنية وراي گلتلي
-مريم؟؟!!
باوعت وراي واشوف.....
