غاسق الضليم

part4

﴿وَلَا تَخَفْ إِنَّكَ مِنَ الْآمِنِينَ﴾
.
.
.
.
🦋🦋

:ماكو ابو حيدر الچلب چلب بل بنوه.

حچاهه وفاتوا البيتهُم والچلب وياهُم

ماعرفت اني راح يجي يوم وارجع لهاي المنطقه واني من أهلها......

"بعَد مرور 3سنوات"

روانا:ها ولكككك كراررر الكَو***اد تبوگ سراي أنه أعلمك اليوم انعل ابوك بگبره.

حچيتهه وهوَ نچلب عليه ويركض وراي وأنه افتر بين السيارات وهوَ وراي لحد ماشافنه ابو المرور ولزمنا.

رونا:يُمااااا عوفنييي عمو فدوههه ٱمي مريضه رايحه اركض له.

:تركضيلهه مو روانا اليوم احمسچ حمس هواي عبرتلچ سوالف ومخالفات.

أخذوا وكرار لازمه شرطي ثاني حطونه بسياره واخذونه للمركز وهاي مو اول مره بعد ما بلشت اشتغل مُنضفه سيارت وابيع كيك وعصير بل شوارع
مرَت هل ٣سنوات واني بل شارع انام اكل بل شارع.

تعرضت لهواي امور بهَل ٣سنوات

تحرُش...سرِقه...ضرب...اهانه...حوادث

تعلمت ع كلشي
صرت بنت شارع تعلمت لكل حيله ولكل نوع من البشر عرفت الدنيا شنو واني بعُمر١٥
تعلمت إلفاض المفروض اني أصلاً ماسامعه بيهه

وصلنا للمركز اني وكرار,كرار ولد بعُمري اول ما بلشت شغل هوَ موجود بل بدايه تعاركنه هواي ويكرهني لئن اني قللت عليه رزقه وهوَ يجمع لعلاج ٱمه بس بعدين صارلي اخ ونعم الاخ بس رغُم هذا مابطلنه عركنه الي اغلب جياتنه للمركز بسببه

نزلونا واخذونه للضابط باوعلي كرار وخزرني:بنت الكلب انوب تدخل مراكز

:اممم ابو القيره العراقي دنچب غير اجيت من وراك.

:انچعمي وسدي بوزچ وامشي هساع يعلگونا فلقه.

:انتوا عبالكُم فارغين الكُم؟اربعه وعشرين ساعه طلايب يوم فاشخين وأحد يوم كاسريلكُم سيارة واحد ونگول جهال وماعدهُم اليربيهُم ونعوفكُم بس اليوم اطلع اكبر گوا**د اذا ماطلعتكُم من هينا مگرمين!أنه الكُم طلع شويه ورجع وياه ضباط ٢واحد رجال ووحده مره بس عود شني الضابط كفخه يطيرني والمره بس تدحچني اموت قرب كرار رأسه يمي وهمس:هذا دحگتو تگرمت عجل اذا طگني شيصير بيه؟