صلب الضليـع

⚜️بارت اول⚜️

بقلمي :- فاطمة علي

بسم الله الرحمان الرحيم

اول بارت على بركة الله الرحمـٰن الرحيم

___________________

عائلتنا من ست افراد ثلاث بنات و ولد واحد
و ام و اب عشنا حياة صعبه و كلنا بغرفه وحده بس
ما فد يوم ابوي حسسنا بهذا الشي رغم الناس من تشوف امي مدرسه

و ابوي مهندس عبالهم حياتنه فد شي ما يدرون كاعدين بغرفه عمتي القديمه
و لملمنه فلس فلس و سووينا الهول الحمام ركن زغيير و ببطنه حمام تكرمون

و ما عدنه فلوس باب حمام حاطين مدري شيسمونه قبل نفس الستاره بلاستك
يعني نطبخ منا و ندخل منا استغفر الله بس مع ذلك ما فد يوم عفنه ربنا من
و احنه زغار نصل وبالعكس ما يسكت البيت من تلاوة بابا للقرآن بصوته العذب

و بالعكس نكول الحمد لله لكل شي يصير سواء سيء او جيد معودنه بابا انو يمكن نريد شي و يطلع شر النا و المؤمن مبتلى ربنا يختبر صبرنا
و إيمانه بيه..

و جنا معانى مع اهل ابونه اللي متخلص رغم سدينه تكعد بصف الحايطين
اللي بينه و بين مرت عمي و تحجي و تكول

- شنو خلصن الك.. السود و اختارو هذن و اخذ هههااي بنت ليلهه انوب ابنها الخايس طالللع على لييلهه

طبعًا ليلى هيه بيبيتي و يكرهون خالي علي كره لان ما قبل يتزوج عمتي نوشه هيه من تخرجت وره كم سنه صارت مو بوعيها كلش و هيه اساسًا اضخم من خالي و اطول طبعًا ما يقبل بيها

المهم مشت ايامنه طبيعيه و جنا باقل شغله نفرح و اصلًا كلام بيت اهل بابا
خلاوني لحد هسه كدام اي احد احس بالنقص لحد الآن..

صار عمري 12 و بلغت.. جنت طالعه على عماتي كلهم ضخام من عمر صغير يبلغون و اجسامهم ضخمه و للأسف عليهم و ما كلنا لابوي
عاداتهم و تقاليدهم بوكتها لازم تتحجب و ما تطلع و هوااي سوالف

ضمينه عن بابا و لحد ما حجبني باول متوسط رغم جنت سابقه سنه يعني المفروض سادس و حجبنيالله يهديني جنت دايم انزعه لان دايم

اشوف نفسي
قليله كدام الكل و انتقلنا بيت جديد ايجار بعد ما ضلت احلامي

من عمر 9 احلم بيها كلاب سود حمام اسود ثعابين سود تلتف عليه و شرط يركضون وراي الكلاب و يعضوني
لحد ما زاد اللوضع شلنا بمساعده من عمتي التكرهنا بس تريد بيتنا

اللي ما يعتبر بيت حته تسويه مخزن..

شلنا بسبب خوف بابا عليه جان خوش مكان و حالتنا تحسنت و بابا نقل مكان زين بشغله البيت صارو اهلي بغرفه و احنه بغرفه و مطبخ و
حمام و سطح و بيتونه و بالطابق الجوه ديوانيه زغنونه

جانو دايم يحبون عمي ياسر ابو زهراء يقدسونه تقديس رغم بابا اربعه و عشرين ساعه يشتغل عدهم و حته بيتهم هوه ينضفه لان الخواتين ما بيهن حيل