____رانـسي حسيـن____
_______ألرِجس||11🌀________
﷽
⊱هيمان⊰
_شكو شبيج اجت أسينات؟
_لا عوفينيي .
_ولجج شكو .
وخرت الغطه عن وجهه عيونها مغورگه بلدموع وجها احمر
_شبيج؟؟
مسحت خشمها بردنها وگالت وهي تناشغ
_أطلعي بره .
_هاي شبيج ليش عود أني دا أواسيج .
_اطلعييييي شگد تحجين .
_لا لا ولله بعد ما أحجي .
_أي عفيه ولا اريد اسمع الج صوت ولا أريد احس بيج موجود .
سكتت مجاوبتها درت وجهي للجهه الثانيه لمده صار عندي فضول أسألها منو التاهو درت عليها شفتها حاطه وجهها بلمخده وتبجي أنقهرت عليها سألتها
_شبيج ليش تبجين .
فزت وبدون أي كلام
اخذت مخدتها وطلعت
من الغرفه گلت
_بس لا زعلت لأن حجيت .
رجعت لفيت نفسي بلغطه وبقيت صافنه بلفراغ شوي وغمضت عيوني گلت بلكت أنام بس صرت أتخيل شغلات حسيت جني وراي ويريد يشيل الغطه گلت لازم اشرد أنفتح الباب عبالي روناء گلت واني أوخر الغطه
_همزين أجيتي اختنگتت وصرت اهلوس .
باوعت ع جهة الباب ما إكو أحد باوعت وراي هم ما أكو أحد جسمي صار يرجف لما حسيت أنفاس أحد يم رگبتي بقيت بمكاني حسيت رجلي نملن قويت لزمتي ع للغطه فتحت عيوني ع وسعهم ما أبيدي شي أسوي حسيت نفسي مشلوله وأحد مقيدني ابأيديه دقائق ع هذا ألحال بعد مده أنفتح باب الغرفه دخلت روناء وأسينات شافتني هيج روناء طلعت ركض من الغرفه وهي تعيط بفزع
_ ممسووووووسه .
أجه همام ركض ع اعياطها
بس دخل وشافني حسيته
خاف وتردد يدخل أكثر لاكن
سرعان ما جان يريد يبتعد
دفعته روناء وگع بلگاع وأني
ع نفس وضعي گام بسرعه
أجه ولزمني من أكتافي
وصار يهزني بقوه حسيت
مخي أنرج من قوة الهزه
وراسي صار ثگيل سندني
ع المخده وراح جاب مي
غسل بي وجهي نطقت بصعوبه
_بسم الله .
إنرسمت أبتسامه خفيفه
ع ثغره وصار يردد بسم الله
ويمسح ع وجهي حسيت
بأمان غمضت عيوني وغفيت
گعدت ثاني يوم ع صوت
روناء وأني الدوخه ساطرتني
عيطت عليها
_نصي صوتج انطرشتت .
أنت تقرأ
◞روناء الأرجُس◜
Romanceفتحت عيوني ورجعت غمضتهم ألغرفه ضلمه واحس نܴفسي ضاق گمت أتلمس الجربايه وجوه المُخده لگـيت بخاخ الربو حطيته ع حلگي وتنفست منه وخرته بَعـد ما حسيت نفـسي انتضـم باوعت داير مدايري ضـلمه هندس خفت كلش اني عندي فوبيـا من الضلام فَـ من أنـام اخلي ضوه خفيف...
