اسفرت دنياي بعد جيت سحاب العمر

البارت الخامس

فتحت الباب سحاب والجود وبنو هم يطيحون من عند الباب
ناظرت فيهم بصدمه وقالت بحده : ! خير ان شاء الله!
بنو بتوتر: هو شوفي خليني احكي لكي ؟
الجود سحبته وهي تقول : ليشش انتي بارده معه كذا ؟؟؟
سحاب بهدوء : كيف تبوني ياشيخات ؟
بنو : احكي كلام رمنسي مثله شوفي وش جايب لكي وانتي كدا !!
الجود بحده :وبنو صادزه !!!!
سحاب بغرور ونرجسيه: وذا جايب لي كذاا انا استاهل اكثر واذا قصدكم على الهديه هاذي قليله بحقي والذهب انا ازهي به ونمر لو يمشي بيدينه ورجوله يبقى بعيوني البدوي الللي مستحيلللل احبه. !!
الجوده بصدمه ؛ بدويييي ؟؟. البدوي مايعيبه وبعدين مو انتي مشغلتنا ماتبين الا رجال وانتي تعرفين انن نمر عن الف رجال وميحتاج اقول اساس بس مدام ماتبيه ماقول الا الله يعينه عليتس انتي ونرجسيتس ذي التراب !!!
سحاب ناظرت فيهم بقهر وهي تدري ان كلامهم كله صحح
سحاب ؛ بروح البيت واساس ماعندنا اني ادخل عند الحريم !
بنو وجود بصدمه يناظرون فيها وكلامهم اللي توه
عند الرجال والعيال استلمو نمر طقطقه وضحكه عليه
ثنيان غمز له وقال : كيفف مزيونه ؟
نمر طارت عيونه وهو يرمي زبيريته ع ثنيان ومنفجرين يضحكون عليه
نمر بحده : اعقببب وانا حفيد مطلق محارمناااا!!!
فهد بضحكه : امدا صارو محارمك واللي تقول هاذي قليلة تربيه مادري وش ؟
نمر ابتسمت وسكت
نواف : مسكين من قد ابتلا بالهوى مسكينننن
نمر ضحك والعيال معه وهو يعترف اننهه طاح عند بنت المدن
انتهت ليلتهم بخيرها وشرها والكل نامو
جالسه بالحوش والليله قمراا اجواها وجوهااا
سحاب وهي تكلم نفسها : ياخيي هذا خريج سجون وكريه وماينبلع وغير كذاا كيف بتعامل معه مايجوز لي و الحسنه الوحيده فيه انه حلو شكل بس وغير كذا ابو غرور الله يسامحك يابوي بس
شربت من كاستها وهي تتامل القمرا
مشعل ضحك بخفه : لا مدام حلو اكيد عاجبك الوضع
قحت بصدمه وفشله من كلامها سحاب: ااءءء
مشعل بهدوء: وبعدين تقدرين عليها اعرفتس اعند منك مافيه وراستس يابس انتي يوم دخلني القانون ماشورتيني لا انا ولا امك وهاذي اول مره ماخذ شورك جت على اللي سويته فينا وتغربلك بنا ؟
وتران وصلني العلم انتس بعد شهر بتتطلقين لكن ياسحاب تسمعيني مدام مجاك شي من نمر مالتس رجعه عندي وانتي محاميه وتعرفين الحق مع نمر وخلي نرجسيتس ودلعك ذا لا يعرف فيه ابوي ومايحصل طيب !
سحاب : يابوي ماقلنا فيه شي ابو غرور لكن شايفه فرق العمر انت ؟ انا بعمر الزهور بعزز شبابي تبوني اتزوج الشايب ذا ؟ ولا غيرها مطلق وعنده بنت ماعندي مانع مع غرور لكن مابيه وتعرفني اذا حطيت براسي شي اسويه
مشعل بحده : وعشان كذا مارضى عليتس ليوم الدين اذا سويتي شي غلط ولا مع النمرر الا اذا كان غلطان عليتس
سحاب انصدمت من كلامه وهو يروح عنها يتوجه للمسجد لين تجي صلاة الفجر .....
سحاب شربت شاهيه ولا همها الوضع وحطته عناد براسها ياهي يانمر

الصباح ببيت مطلق الكلل مجتمعين للفطور
واللي كان اليوم ع ام سحاب وبناتها حطو الفطور وريحت خبز الصاج حق ام سحاب يعم البيت
دخلت سحاب بجلال وقميص احمر ومجدله شعرها : اخخخ يمه وش الريحه الزينه ذي ؟
ام سحاب بضحكه : الا انتي وش الزين ذا الثوب مطلعن زولتس
سحاب ضحكت وهي تدور فيه وتقول : شرايتس بس ؟
مشعل : لا لا زين صادزه امتس يهول عليتس
سحاب باست راسه وهي تهمس: حتااا كلامك يابوي مايرضي نرجسيتي!
مشعل سحبها مع اذنها وهو يقول : اعقبييي بس !
دخلو البندري والجود يضحكون على منظر سحاب وهي معلقه ومشعل ينصحها
بنو : بابا مشعل مافهمت حاجه من اللي تقول ؟
الجود انفجرت تضحك وهي تقول : اسكتي باينت الحجاز بس
بنو : انطمي عني
سحاب وهي تغمز: يابوي تدري ان كلامك دخل مع اذني ذي وطلع مع الثانيه ؟
مشعل وهو ينزل نعوله سحاب هجت وهي تضحك وتقول : يمههه بروح اشوف السفره واشوف مطلق وحرمه
مشعل ناظر البنات يضحكون ولف يعطيهم نظره
جود وهي تسحب الابريق وتمشي...
مشعل : الابريق فاضي ركزي
جود انكتمت من الضحك وبنو معها معاد يعرفون وش يقولون الجود: سم
بنو وبطنها يوجعها من الضحك : دحين بأخذ القرصان
مشعل : ايوهه خوذي القرصانن
ام سحاب ضحكت وقالت : علامك عليهم يامشعل ؟
مشعل ابتسم بحب : يعقب من يقول البيت بدون العيال شين بناتي ملو علي البيت وفوقها جتني بنت ماهي من دمي وصارت اغلا بناتي وش اقول عن البنات بكره سحاب تروح وتخلينا وبعدها بنو وبعدين الجود فضى البيت علينا يام سحاب
ام سحاب بحزن : فتحت جروحي يامشعل امس كانو يلعبون ويحوسون وسحاب تدخل علينا ضاربه واحد من بزارين الحاره وشفهم الحين كل وحده له اسمها ومنصبها فخوره فيهم بس مهما كبرو يبقون صغار بعيوني ولا بنو كانت تفزع لهم وجود تفضحهم عشان مايعطونها من اللي يسرقون ...
مشعل ضحك بحزن وهو يتقدم يضحك ام سحاب
درعمت بنو عليهم وهي تحط يدها ع عينها وهي تقول : افا مو كذا قدامنا طيب بريكات يابوي !
ام سحاب ابتسمت بخجل واحمرت ومشعل طلع وراها وبنو تركض وتضحك
صقعت بجود وهي تقول : فاتكي احسه رمنسيه بين ابوي وامي !!!
جود تربعت وهي تقول : وش السالفههه امداني اروح ؟؟؟
بنو تضحك وتتكلم جود شالت شرشف من عليها : ابوه تكلمي
( طبعن البندري ماتتغطى بس لابسته عشان محترمه اهل سحاب والجود )
قالت له كل شي وجود طاحت تضحك عليهممم: خربتي عليهمم ماهو وقتس ابدن
بنو : الوضع مخل للآدب
جود انكتمت من الضحك وراحت المغسله وبنو قامت تزين الشرشف على شعرها وتسوي لثمه فيه على وجها وتوجهت تركض ل سحاب
فجاه وهي تصدم بواحد
البندري : اعوذ بالله بسم الله وش ذا
فهد بحده : شايفه جني انتي ؟
البندري زينت جلالها وهي ماتعرف تمشي بالقميص وماهي متعوده
: انت ماتشوف اللي قدامك ؟
فهد : وبعدين خير طالعه كذاا ؟ وليش مامشيتي ماعندتس اهل تروحين لهم بس مقابله وجيهنا اهلتس ماعرفو يربونك الظاهر  !!!!
البندري انصدمت من كلامه وهي اول مره احد يقول له كذا عطته كف وهي تناظر فيه ودموعها بعيونها : مو انت اللي تتكلم زي كدااا عن اهلي حقيررر وحاجه تانيه انت اللي مو متربي يوم تقول كلام زي كدا
طلعت الحوش وهي تشوفهم متجمعين على السفره
وفهد طلع لدوامه
عندهم وهم يفطرون كلهمممم البنات جه والعيال جهه ثانيه
والجده بينهم ومطلق بينهم من جهه ثانيه
ريان بهمس العيال : يعيال اول مره نمر يفطر معنا
غمز له ثنيان : عشان الحب ماهو حبن فينا
نمر ناظر فيهم بحده وقال : كل انت وياه بدون صوت ! 
مطلق بحده : اقطعو الصوت انت وياه ويالله حي بنت الحجاز البندري
بنو بصوت مكتوم : الله يحييك ياعمو
العيال انصدمو من كلامها والجادل ضحكت بسخريه
سحاب ؛ بنو وش فيتس ؟
البندري وهي تحس بكتمه: سحاب تكفين خل نقوم !؟
سحاب سحبتها وهي تقول : بالعافيه عليكم
الكل : الله يعافيكم
راحو بحوش الرجال بما انهم يفطرون بحوش الحريم
نزلت لثمتها سحاب وهي تجلسها وتعطيها ماء : يمه بندري وش بتس ؟
البندري انهارت وهي تقول : شفتي اللي حكيت لك عنه انتي والجود امس اللي اتوقع اسموه فهد مادري ايش
سحاب : ايوه فهد وش فيه ؟
البندري وهي تبكي ودموعها تحرقها من حزنها : تخيلي انا كنت رايحه لكي وضربت فيها وقعد يقول انتي ماعندك اهل يربونكي وليش مامشيتي سحاب مكتومه اول مره احد يقول لي شي كذا وكل الناس تعرف اني تربيت بدون ابو وام وتعرف اني حساسه بالموضوع ذا سحاب اذا مايبوني اهلتس قولي لي سحاب انهارت تبكي وهي ماتعرف وش تقول تحس انها ثقيله وماهي طايقه نفسها من كلامهم عنها وزارت عليها ضحكت الجادل وكلامهم عنها ويشكون فيها وو...
انصدمت سحاب من كلامها وقالت بحده : ياخذه ربي اللي يقول عنكككك كذااا !!!! وبعدين ليش ماقلتي لي من اولل ماخبرتس ضعيفه كذاا وانا ابيك وطول ماحنا موجودين عين لك فراش وعين لك غطاء وبعدين وش ماعندتس ام واب ابوي وامي وينهممم ؟؟ انتي اختي ماعليتس منهممم وحوسيهم اريني بضهرك سند وعزوه وطول مانتي اختييي معاش من يمس لك بكلمه امشي ماعليتس منهم !!!
راحت بنو تغسل وجها وسحاب معها
انصدم وهو يسمع الكلام وهو كان راجع ياخذ اوراق ناسيها
لعن نفسه مليون مره وع تفكيره فيها كذاا حس نفسه حقير اخذ اغراضه وهو يتوجه لدوامه يفكر فيها وبمنظرها ودموعها قدامه وهو السببب فيها ....