كل غريب له نصيب /. الكاتبه : جوري الحربي
————————————————————————————————————————————-
البنات كانو متجمعين في كوفي و يسولفون طبيعي
ريماس بحماس : بنات شرايكم نكشت
ردت عليها وتين : قدااام بس نبي مديره ل الرحله
التفت جود و قالت : افاا مديره ل الرحله و أنا موجوده
طقتها أسيل قالت : انثبري بس انا الي استحقها
نوف بدلع : منجدكم تبون نكشت اجلس ببيت ماما احلى
قالت ريماس : اووو يمامي انتي اول وحده بتركبين بالسياره
نوف تنهدت وقالت : بشرط لازم كل شي يتوفر لي
قالت جود : فاضين لك حنا .. المهم بنات والله صدق خلونا نكشت
ملاحظه ترا اول مره يكشتون مع بعض
و جت وتين و قالت : يلا يلا امشو خلونا نجهز الاشياء
راحو و جهزو كل شي
——————————————————————————————————————————-
اليوم الثاني
دقت اسيل على البنات و قالت: لهم يلا الجو حلو خلونا نمشي
قالت نوف : اصبرو للحين م حطيت ميكب
ردت وتين عليها : ذي بتجلطني ترا بر خلا م فيه لا انس ولا جن بالله من بيشوفك عاد
ردت نوف : وانتي شدخلك فيني
جود تفلت عليهم ب سماعه الجوال و قالت : اصص انتي و ياها فاضيين حنا لكم و ل مشاكلكم
وجت ريماس وقالت خلصتو يلا كل وحده تطلع من بيتها و بنمشي
ركبو السياره و جالسين يمشون طبعاً ريماس جالسه تسوق ومنفسه من جود لانها حاطه أغنيتها المفضله و منطربه و نوف جلسوها ورا عشان تسوي مكياجها و وتين و اسيل جالسين يتهابدون بالنص
طبعاً هم يبون المكان مرره بعيد عشان ياخذون راحتهم و تكون كشته كويسه
وتين جالسه تعض اسيل و اسيل بكل برود قالت : كم بنجلس يوم
ردت عليها جود وهي منطربه : خمس ايام حلووه
وتين : بشتاق ل اهلي
ريماس بنبره قويه وهي منفسه من جود : عساس تحبينهم يعيني انتي
وتين : ياقلبي حافظتني بس ي دجاجه تراني اقصد امي و ابي
اسيل : خلصتو ابي اهبد وتين
طبعاً الي يسألون عن نوف نوف نايمه ورا
ريماس ضغطت بوري و قالت : بناتتتت !! نسيت الفرشه
جود صكت راسها : ننساك ولا ننسى الفرشه شوفي نوف نايمها عليها
والحين و صلو ل رحلتهم و اخيرا
اول م جو ضبطو المكان و طبقوها نومه إلا نوف
جالسه تفكر و تفكر كيف بتقعد خمس ايام ببر
و إلا تقاطعها ريماس و تقول ورا م نمتي ي سوسه هاه ؟
نوف قالت م فيني نوم ي بسبوسه انتي
قالت : تمام بس نامي ترا في حشرات هنا
و نوف نقزت و قالت : صدق فيه حشرات
قالت ريماس بضحك : اي واذا مو مصدقه شوفي الي على كتفك
و إلا تلف راسه وتشوف خنفس وتصارخ ب اقوا شي عندها و قالت : تكفين ريماس شيليهااا
وقالت ريماس بضحك هستيري : من عمتك ؟؟
وقالت نوف ب عصبيه : مو وقتك يا ريماس
وشالتها و راحو و نامو
طبعاً خلص البارت الاول ادري انه قصير بس بعوضكم في البارتات الجايه
