-أتعرفِ الشَمس؟
لا
-أتعرفِ القَمر؟
لا
في أي أرضٍ تَعيش انت؟
بينَ عينَيكِ أقيمُ ، و في قَلبُكِ مسكنيْ
فما حاجَتي لَهُما.
-رواية بـ قلم : @coffeayla
للاعب:زيدان إقبال
الرواية من وحي الخيال من أول حرف حتى أخر حرف.🤍
#زيدان_اقبال🥇
عَطيني وَعد إنك ماتروحي لو شو صار بيناتنا ، • رَح أوعدك بـِ شي تاني ، رَح أضل أرجعلك دائماً لو شو ما صار بيناتنا. #تَنفسني •محتوى الرواية كُلها من وحي الخيال فقط لا غير -حبايبي تابعوا الحساب علمود يوصللكم اشعار لمن ينزل بـارت وانطوني رآيكم بـ كُل بـارت واتمنى تحطون نجمة اذا عجبتكم الرواية🤍. ___________________________
٩:٠٠م البصرة📍 الثلاثاء
چنا طالعين سفرة عائلية ل بُستان ب أم قصر (منطقة بعيدة) وتونا رجعنا نزلنا من السيارة مال ابن خالتي -ماما خلي احمد يفتح الصندوگ سارة:احمد افتح الصندوگ مال السيارة احمد:حرك براسه وفتحه توجهت للصندوگ وبديت اطلع اغراضي وبس خلصت رحت يم الشباك الي أمي يمه -يلا مع السلامة سارة:تعاي وين رايحة خلي اسلم عليچ -ضحكت وبوستها -يلا باي الكل:الله وياچ -وخرت من السيارة شوي وضليت اباوعلهم وانا مبتسمة مشت السيارة وانا رحت للباب مال البيت وتمنيت مو ابوي الي يفتحلياه ومن اول دگه انفتح الباب باوعت لگيته ابوي وواضح من وجهه ضايج -ابتسمت بخفة مو من كل گلبي وگلت:ها هلو بابا علي: ما رد علي وعافني وراح -تنهدت ودخلت للبيت وسديت الباب وخليت الاغراض على الگاع وبديت انزع الحذاء نور:ابوچ ضايج -چنت منزله راسي وجاي انزع بالحذاء وسمعت صوت مرت ابوي باوعتلها بهدوء وحركت راسي بمعنى اي نور:تچتفت وگالت ليش تأخرتي هو مو گال بـ ٦ ترجعين؟ -شلت الحذاء مالتي وحطيته بالجزامة وببديت اشيل بالاغراض وگلتلها:عيب بنص ونستهم اگللهم رجعوني وانا هم مارايحة ويا غريب ويا امي واهلها نور:نفخت الهوى وضلت تباوعلي -باوعتلها وبديت امشي بأتجاه غرفتي بالطابق الفوگ ، دخلت للغرفة وتمددت على الچرباية مالتي ، صفنت على السگف شوي هنوب طلعت تليفوني من جيبي ودخلت على الانستا شفت هواي رسائل من صديقاتي بس تجاهلت وبديت انشر ستوري على السفرة وراها بشوي اجتني رسالة من صديقتي، -ليش ماتردين؟جاي تنشرين وماتشوفين الرسائل! گلبت عيوني وطفيت التليفون وأتجهت للكنتور ، طلعتلي بجامة :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبستها ورفعت شعري بالقراصة وشلت تليفوني وطلعت من الغرفة ورحت للمطبخ بالطابق الارضي وضليت ادور على معكرونة لأن ماأكل هواي گدام الناس استحي ، وأنا ادور سمعت صوت فززني علي:ماكو معكرونة -ها اي اوكي باوعتله شوي وضليت صافنة شسوي ورحت للمجمدة لگيت قطع دجاج وخبز صاج فـ قررت اسوي صاج دجاج وطلعتهن خليتهن على الكاونتر وبديت اللعب بتليفوني على مايجمدن دخلت على الانستا وهنوب على المسجات ، ضليت ارد عليهم دخلت على محادثتي أنا و رنيم لكيتها دازه هواي ريلزات ضليت اشوفهن وحده وحده وارد عليهن لحد ماوصلت لـ رنيم:ليش ماتردين ؟ جاي تنشرين وماتشوفين الرسالة! -گلبت عيوني وكتبت: چان الانستا معلگ وهستوهن وصلن الرسائل والستوريات بالگوه يلا نشرتهن هنوب طلعت من المحادثة وبديت اشوف ريلزات اجتني رسالة من رنيم ردت ادخل عليها وابوي دخل ضل يتحرك هواي وانا اباوعله چان واضح جاي يريد يسوي چاي ، صفن بوجهي شويه وگال علي:سويلي چاي -گال هيچ وگعد على الطاولة درت وضليت اسويله چاي علي:ليش ضايجة -چنت جاي اصب الچاي ، من سمعته هيچ يگول مااعرف ليش بس اجاني شعور اريد اكسر البيت كله ، بدون وعي مني ضليت اصب الچاي على ايدي ومن استوعبت ركضت للسنگ غسلت ايدي والدمعة وگفت بعيني ، كالعادة ابوي ضل يگلي ليش ماتنتبهين وشنو هالفهاوة وبكل برود صب چاي لنفسه وطلع من المطبخ ماتحملت وضليت ابچي بكل قوتي ، چنت احاول مااطلع صوت بالاخير غسلت وجهي ولاحظت انو قطع الدجاج وخبز الصاج ماعن فـ رحت لغرفتي جبت السماعات مالتي وحطيت اغنية وضليت اسوي الاكل.
