اسكريبت مقبرة الطفل الزهوري (مكتمل)

حياة طفلك مقابل المال، أمستعد لهذا؟

قبل ما تقرأ عايزاك تفهم إن ده اسكريبت مش رواية ولا حتى نوفيلا ده اسكريبت يعني صغير أوي هو الفصل ده و اللي بعدو وخلاص، وإن دي حاجة أنا كتبتها لإستعادة شغفي عشان أعرف أكمل روايتي الأصلية مش أكتر
_______________________
وبعد نقاش دام لساعة وقفت هي تتأفف من أفعاله قائلة:
_أعمل اللي أنت عايزو طول ما الموضوع بعيد عن ابني، بس أنا حذرتك.

فنظر لها قائلًا بثقة:

_أوعدك الموضوع مش هيمس ابننا خالص و إن دي آخر مقبرة خلاص هفتحها و هبطل، أنا خلاص كلمت الشيخ دشطوط هيجي يشوف الأرض و نخَلص الموضوع و خلاص توبة والله.

نظرت له بضجر و تركته ذاهبة يسبح في بحار ذنوبه فهي قد سئمت من تكرار هذه الأحاديث كل ليلة لإقناعه بأن الله حرم هذه الأشياء و أن كل من تعمق بهذه الأشياء نال رجزًا عظيمًا، بجانب محاولتها الشديدة في الحفاظ على ابنها منذ خمس سنوات من الشيوخ و الدجالين و أمثالهم لأنه كما قال لهم الشيخ من قبل أنه زوهري و يجب إخفائه قدر الإمكان.
___________
كان يقف الشيخ دشطوط بهيئته الغامضة،و ملابسه الفضفاضة البيضاء، رجل ذو لحية و شعر رأس أبيض، ممسكًا بيده السباحة مرددًا بعض الألفاظ الغريبة الغير مسموعة و هو مغمض العينين و كأنه يتأمل هذه الأرض و ما فيها أو مستمع لبعض الهمسات من أحدٍ ما.

نظر له رضوان في قلقٍ من أسفله لأعلاه من ثم القي نظرة على المكان بأكمله قائلًا:

_ها يا شيخ المقبرة دي محتاجة أيه؟، و هي في أنهي حتة في الأرض بالظبط؟.

تحدث الشيخ بنبرة هامسة بعد أن أقترب منه قليلًا:

_الأرض دي مش أي حد يعرف يفتحها لازم طف....

قطع حديثه بسرعة بعد أن أرتجف خوفًا من هذا الحديث فهو أيضًا يمتلك طفل ويعرف ما به و أيضًا لا يجهل ما يحدث في مثل هذه الأمور.

_لا لا ياشيخ من غير خطف ولا قتل ولا الحاجات دي، أنا مليش في الدم و مشيلش ذنب طفل.

رمقه دشطوط بنظرة خبيثة فهو على أتم أستعداد لفعل أي شيء لينال روح ابنه:

_دا هو جرح بسيط من أيده لحد ما نفتح المقبرة.

عقد حاجبيه في تسائل بعدما نظر في عينيه بتركيز:

_مش فاهم؟.

حاول الشيخ تبسيط الأمر حتى ينول مراده فحدثه بنبرة هادئة:

_كل الموضوع إننا محتاجين طفل زوهري و هناخد منه نقط دم من غير أذيته، ساعة زمن بس ناخده و هنرجعه لأهله زي ما أخدناه، كأنه كان تايه و جبناه.

حَضرت فكرة في بال رضوان ولكنه كان قلق بشأن ابنه و أن ليس من السهل إحضاره بهذه السهولة بعد إخفائه في البيت كل هذه المدة وبعد تفكير لحظات قرر التظاهر بالجهل مما يتعلق بالأمر: