بسم الله الرحمن الرحيم
نخلي المعاريس شوي على صوب لانه عيب وقله الادب نتجسس عليهم 🫣....
( عند واحد اول مره نجيه )
كان قاعد وناطر اخته شيخه من زمان عنها ومشتاق لها على الرغم ان هي معه بالبيت وكل شي بس مايقعد معها بسبب عمله لانه ( يشتغل بشركة ابوه، نفس الوقت يشتغل كابتن طيار ) يعني مايشوف اهله ولا خواته إلا بالأعياد والمناسبات وياترى هل بتغيره الايام ؟ المهم ونطق : ياهلا بشيخه قلبي ياهلا بعيوني وروحي
شيخه الي استحت : هلا بنصوري
ناصر : شلونج يعيوني انتِ شخبارج ياقلبي ؟
شيخه : بخير يعيوني انت، انت شلونك ياخوي شخبارك يانصوري اشتقت لك
ناصر : بخير يعيون ابوي انتِ إلا شلون ابوي ؟
جابر : ياهلا بعيالي شلونكم شلونك يانويصر؟
ناصر : بخير
جابر: يالله تعالوا خن نقعد منزمان عنكم
قعدوا يسولفون مع بعض وياخذون اخبار بعض ونطق جابر: يا ناصر يا يبا مايصير جذي مانشوفك وايد
ناصر : والله يايبا مايمدي اتنفس حتى زين شفتكم اصلاً الحين
( عند سالم )
كان جالس مع نايف وأخوه عذبي وجسار وسهم بالمختصر العيال كلهم في الجلسه الي برا المزرعه شوي ينطق سالم : اي شلونك نايف وحشتني صج
نايف : يابعد قلبي والله يابو مشعل
توضيح : ( ابو سالم الي ميت اسمه مشعل ، وأم سالم الصدقيه اسمها العاليه )
سالم : تسلم والله ها متى ببدأ دوامنا ؟
نايف : بعد اسبوعين جذي
سالم: اي زين والله
سالم : إلا عذبي شلونك من زمان عنك
عذبي : والله الحمدالله بخي....
قاطعهم صوت ام جسار ( الهنوف ): ياجسار وينك ياوليدي
فز متعب ( ابو جسار ) : علامش فيش شي؟
طلعت الهنوف ( ام جسار ) : لا والله بغيت اطلع وجذي احس فشله طولنا عندهم
متعب ( ابو جسار ) اشر على خشمه : على ذا الخشم
[ تعريف سريع متعب ( ابو جسار )
العمر :٤٩ط | مدينته وكلامه : جنوبي عسيري
ملامح : حاده وحلوه بنفس الوقت وطويل وطوله ١٨٩
شخصيه : حادد الطبع وصارم وحنون مع هنوف قلبه ( ام جسار ) ويقولها كل شي اهي الملجأ له
الهنوف ( ام جسار )
العمر: ٤٦ | مدينتها وكلامها : قصيميه من بريده
ملامح: حاده وبنفس الوقت طفوليه لها عيون الغزال وعنق المها وعلى الرغم من عمرها إلا انها محافظه على جسمها
شخصيتها : حنونه وطيبه وتحب عيالها وتحب زوجها مررررررررررررره ( متعب ، ابو جسار )
عيالها :
بدر عمره نفس عمر (نايف وسالم ) ملامحه: حلوه وحاده
شخصيته : حنونه مع خواته واهله بس وعصبي ومايرضى بالغلط
خالد عمره ٢٢ ( نفس شخصيه اخو بس انه فلاوي )
ملامحه : حاده وحلوه بنفس الوقت
جسار ( كبر عذبي )
[ قلنا عن شخصيته وكل شي حتى ملامحه راجعو البارتات الي في انذكر اسم جسار]
بنات الهنوف ( ام البدر و جسار )
صمود : عمرها ٢٣
ملامحها : هادي وحاده بنفس الوقت
شخصيتها : قويه وماتخاف من احد ونفس الوقت طيبه وحبوبه من الكل
ملاك : ماخده من اسمها نصيب
عمرها :٢٢
شخصيتها : هاديه طيبه مالها شغل بحد بس إذا احد جاها تدوسه وتلعن خيره
ملامحها : ناعمه وطفوليه شوي
أنت تقرأ
ياسعود شفته ولا كنت داري بيوم اني بعشقه ياسعود حبيته وانا قلبي عن الحب تايب
Teen Fictionحساب الانستا sa_se8877 حساب التيك توك sa_se8877 💛💛💛
