.
.
.
نجد: منيف كيف صرت
منيف: احسن من قبل
نجد: طيب انا بروح انام
منيف جاه اتصال من متعب
متعب: سيارتك عطيتها احد يصلحه لك
منيف: تصدق نسيت أن سيارتي واقفه بالشارع
متعب: يمكن يتأخر في تصليحها
منيف: يعني كم يوم
متعب: يومين
منيف: شكلي مابداوم بكرا ولا بتأجر لي سياره
متعب: ليه تتأجر وانا موجود
منيف: ماابي اتعبك واخرك عن اشغالك
متعب: لا ماتأخرني بأمرك واخذك الصباح اجهز لاتتاخر واصلاً بوصلك يوم وبكرا ويكند
منيف: طيب
___________________
الصباح
نجد: منيف يلا قوم مابي اتأخر
منيف: لاتداومي اليوم
نجد: ليه عندي اختبار مهم
منيف: طيب طلع واتصل متعب
منيف: متعب ادري اني ازعجتك
متعب: لا من قال انا قلت لك إنك ازعجتني
منيف: لا ماحد قال
متعب: اجل وش بك
منيف: قلت ل اختي ماداوم بس طلع عندها اختبار
متعب: طيب اذا تبي اوصلها معك عادي وذا اختبار كيف ماداوم
منيف: اي احس فشيله انا واختي شكلنا بنزعجك
وبنأخرك عن اعمالك
متعب: لاتقول كذا يلا بمرك
___________________
متعب اخذ منيف واخته
متعب: منيف اي جامعه
منيف: الجامعه......
متعب: طيب
نجد: شكلها طاحت بالحب من اول نظره
نزلت نجد وبعده متعب نزل منيف عمله
وراح دوامه هو بعد
_________________
منيف: اتصل على احد يجي يوديه للمكان اللي في سيارته لآن المكان بعيد
نجد: منيف انا خايفه
منيف: وش فيك
نجد: ماقدر اطلع من الجامعه تدري من برا جالس يراقبني
منيف: منو
نجد: ولد صديق مازن فيصل عرفته
منيف: اي عرفته يراقبك متأكده يمكن ينتظر احد من أقاربه
نجد: لا انا طلعت باخذ هواء وجلس يقول ليه رفضتيني ودخلت الجامعه وانا خايفه منيف تعال بسرعه
منيف: طيب واﷲ لعلمه ذا الحيوان يأني اموته ولا اخليه يالحق مازن بالإعدام
نجد: منيف لاتعصب ترا انا خايفه
منيف: طيب لاتخافين وانا معك
نجد: طيب انتظرك
منيف اتصل على متعب
منيف: متعب ابيك تجيني حتى لو عندك شي تركه وتعال
متعب: طيب بس اخذ اختي من الجامعه واجيك انت وينك
منيف: بالمصلح بس دامك يم الجامعه ابيك تاخذ اختي من هناك لانه يراقبها الحيوان ولد صديق مازن ومايمدي اجيها أخذها من هناك امانه تأخذها من هناك بأسرع وقت
متعب: ابشر بس لاتعصب
منيف: طيب اذا أخذتها بشرني
متعب: طيب اتصل عليها تطلع
منيف: طيب
________
طلعت وحده بس كان واحد يراقبها نزل متعب وقال أنتي اخت منيف
نجد: اي
متعب: طيب تعالي
اللي يراقب نجد واقف متعب وقال له على وين ماخذها
متعب:مابشغلك فاهم لااتصل على الشرطه واقول لهم جالس تراقب بنت
فيصل: اي وانت وين ماخذها
متعب: باخذها ل الشرطه حاب تروح معها
فيصل: انحاش
نجد بصوت هادي: وين منيف
متعب: الحين بروح اخذه
___________
متعب مر اخته ركبت نوف
نوف:متعببب من ذي
متعب: بعدين اعلمك
نوف: لا علمني الحين
متعب: جلسي وراى
نوف: ليه بجلسها هي قدام مثلاً
متعب: نوف جلسي وراى لان الحين بيجي أخو البنت
نوف: طيب ركبت يم البنت
نوف : سالت البنت شسمك
نجد: اسمي نجد وانتي
نوف: مايحتاج اقول الكل سمع
نجد :ضحكت وقالت نوف
نوف :ضحكت معها وقالت اي نوف وتشرفت فيك
نجد : الشرف لي
نوف: الاختبار اليوم صعب بس اكيد اني حليته صح
نجد: وانتي اختبارك صعب اليوم
نوف: اي
نجد: وش فيهم الخميس يخلون الاختبارات صعبه يوم الخميس مايبغون نروق
نوف: اي يبغون يخربون علينا في الويكند عشان مانطلع ونجلس نحفظ الاختبار يوم الأحد كاشفتهم
نجد:ضحكت وقالت صح كشفتي تفكيرهم
نوف: اي
نجد: اجل بيغيرون الخطه دامك كشفتيهم
نوف: احسن
وجلسوا يضحكون
___________________
متعب اتصل على منيف وقال له انتظرك برا
منيف: اخذت اختي
متعب: اي مع اختي
ركب منيف وكان معصب : نجد
وش يبي منك ذا الحيوان
نجد: مادري يقول لي ليه رفضتيني
منيف: أن أعلمه كيف يجرا يكلمك
متعب: منيف هدي
منيف: تشكر متعب
اتصل جوال نجد ردت نجد وطلع فيصل
وسكرت في وجهه واتصل وهي تسكرا
منيف: نجد ردي يمكن امي ذي لاتخوفينها
نجد: ذي مب امي
منيف : من اجل
نجد: فيصل
منيف وش عطيني جوالك رد منيف على فيصل وكان خلاص واصله معه منيف: ليه تتصل ماتفهم اذا تبي شي واجهني انا وقلي فاهم واذا تقول انك رجال تعال واجهني وشوف وش اسوي فيك ولاتفكر اني بس اهدد انا اقدر اكسر اعظامك
لو تفكر تكلم اختي مره ثانيه فاهم يعني لوماتفهم
انا افهمك وين انت خلاص انا جايك لاتخاف وتمشي
وسكره في وجه
نجد :منيف اهدى
منيف : ماني هادي
متعب : تعوذ من الشيطان لاتسوي شي تندم عليه
نجد : اي مابي اخسرك تدري ماعندي الا انت لاتسوي له شي بلغ عليه بس
منيف: طيب لاحد يتكلم اتصل على واحد من اخوياه من الشرطه وقال له ابيك تجي للمكان اللي برسلك عليه طيب
(صديق منيف الشرطي: نادر)
نادر: طيب
منيف: ابيك تروح بأسرع وقت ابي احس انك بطياره منت بسياره
منيف: متعب وصلني لاذا المكان
متعب : منيف اهدى لاتعصب ترا تخوف حتى انا خفت من عصبيتك وحتى ذا اللي اسمه فيصل بينحاش اول مايشوفك معصب
منيف: طيب لهدرجه أخوف؟
متعب: اي
منيف : ضحك وقال ذا الحيوان عصبني مادري وش يبي الا يبي يتزوج اختي بالغصب واﷲ لعلمه كيف يراقب بنات الناس قليل الادب
متعب: طيب اهدى
منيف: وش فيك خايف أكثر منه
متعب: انت مو بس تخوف توتر وضحك وضحك مع منيف
وصل منيف للمكان اللي فيه فيصل ونزل وقال لمتعب خلاص رواح انت مع البنات
متعب: مابخليك لوحدك بنتظرك بسياره
منيف راح لفيصل وفيصل الجبان جايب مع ثنين
يفكر بيقدر على منيف
منيف: يعني بتقدر علي لجبت اثنين ههههه
فيصل: اي
منيف: طيب منو حاب ابدي في واكسره انت ولا اخوياك ولا اقول لك انت تعال اول
منيف: مسك فيصل وجاه الشرطي نادر ومسك فيصل
نادر: وش فيه
منيف: ذا قليل الادب يكلم اختي ويراقبها برا وهي بالجامعه
منيف: ابيك تعلمه الادب هناك
نادر: ابشر بسعدك
منيف: واﷲ وجيت اسرع من الطياره وجلس يضحك
نادر : وش اسوي لك ادري لو تأخرت عليك
_________________
نوف: اسألت نجد وش سالفه
نجد: بعدين اعلمك
نوف: بعدين وين اشوفك عطيني رقمك
نجد طيب شكلك تحبي العلوم
نوف: وش وراي غير سمع العلوم وش اسوي وضحكت نجد وضحكت نوف معها
__________________
متعب: منيف وش فيه الشرطي يسرع اول مره اشوف شرطي يسرع بهطريقه يسرعون اذا في شي بس ذا سرعته موطبيعيه
منيف: نفسك خاف مني
متعب: لاتمسكها علي عاد
منيف: ليه ماسمعتني قلت له ابيك اسرع من الطياره
متعب: واﷲ شكله خاف منك ماشفت كيف كان يسرع كان يسوق طياره صدق
منيف: شفت كيف كان يسرع وش رايك بسواقته
متعب: واﷲ حلو حبيت كيف من سرعته شق الشارع ههههههه
منيف: وش رايك اعلمك مثل ماعلمته
متعب: وش تقول انت معلمه يسرع
منيف: اي اعلمك ماتخاف
متعب: متأكد انك انت معلمه يسرع
منيف:اي وش رايك اوريك بس يبي له بر
مافي احد
متعب: طيب بس اي يوم
منيف: انت متى تحس انك فاضي
متعب: بعد يومين
منيف: خلاص انا امرك بعد يومين
متعب: طيب
وصل متعب منيف واخته بيتهم
متعب: بكرا بمرك عشان اوديك تاخذ سيارتك
منيف: طيب تعبتك اليوم
متعب: لا عادي واذا احتجت شي انا موجود
منيف: تسلم
___________________
الكاتبه/ روان
