الكاتبة نور الزيدي :: 129
اللهم صل ع سيدنا محمد وآل محمد كما صليت ع سيدنا ابراهيم وآل ابراهيم وبارك ع سيدنا محمد وآل محمد كما باركت ع سيدنا ابراهيم وآل ابراهيم وإبعثه اللهم المقام المحمود الذي وعدته إنك لا تخلف الميعاد 🤍
ـ نبدي بـ طفولة رسيم 🤍
دنيا الصبح والكل نايمة ساعة 7 تقريباا گعدت ام رسيم ع صوت طگطگة بالبيت
ام رسيم :: منو هنا
ماكو اي صوت يرد عليها
صاحت مرة ثانية
:: منو هنا مو احچي
الصوت يجي من ناحية المطبخ راحت ام رسيم للمطبخ
ياا هاي شتسوي هنا
رسيم :: جوعان
ام رسيم:: ليش ما گعدتني أسويلك اكل
رسيم :: شفتچ نايمة گلت خطية آني اروح آكل
:: يمة شوف حال المطبخ شمسوي بي
الثلاجة مفتوحة والأكل نصه واگع بالگاع
دخل أبو رسيم للمطبخ شاف المنظر وفتح عيونه مصدوم
ام رسيم :: شفت سواية ابنك
ابو رسيم :: عادي بعده طفل وميتحمل جوع
يلا بوية رسيم اكل وتعال اوصلك للمدرسة
رسيم :: ماشي بوية
ـ هذا اول يوم الي بالمدرسة
يوم جديد وبداية جديدة
حياة جديدة ، صداقات جديدة
راح أتعرف ع ناس جدد
طبيت للمدرسة م اعرف اي شخص بيها واشوفها حياة غريبة لان تعرفون بعدني اول ابتدائي واول يوم واني صافن بساحة المدرسة ومستغرب
المعلمة :: تعالوا صف الاول هذا صفكم وزعتنه كل 3 برحلة لان بذيچ الفترة چان اكو شحة بالرحلات
-اني كعدتني المعلمة ويه اثنين وخلتني بالنص فـ الي ع يمين گتله انت شسمك گلي اني احمد والثاني الي ع يسار شسمك گال أسمي أدهم گتلهم واني رسيم
احمد :: متحمس للمدرسة كلش اني
أدهم :: اني هم والله
رسيم :: آني هماتين وخلونا نضل اصدقاء
رسيم :: انتو وين ساكنين
احمد :: اني بهاي المنطقة
أدهم :: اني هماتين
رسيم :: لعد صرنا جيران واصدقاء اذا عدنا تحضير واحد يكول للثاني تمام؟
احمد :: تمام
أدهم ::تمام
رسيم:رجعت للبيت كلش فرحان بأول يوم بالمدرسة وسولفت لاهلي تعرفت على اصدقاء كلش حبابين ولطيفين
وأهلي مندمجين وياي وفرحانين ع فرحتي وآني اسولف عليهم لحد مااصار العصر طلعت ألعب برا وشفت احمد وادهم بالساحة يلعبون طوبة رحت العب وياهم
ساعة نلعب ساعة نگعد نسولف ع المدرسة وع الطلاب ونحضر لـ ثاني يوم شنو نسوي
رجعت المغرب للبيت اكلت وحضرت كتبي ونمت
