Balas (Anak ni Randy) [COMPLETED]

BALAS: 20

Chapter 20: Magpababy

-
Paglingi ni Rhea sa kung asa ang puwesto nila Areon wala na sila. Medyo nagpanic siya sa pagkawala nila. Bisan sila Michael ug Dennis, wana gyud.

Asa man ni sila oyy!?

Pasimple niyang gilibot iyang panan aw sa katong tugkarana pero wa gyud. Nituang napud diay ang ulan. Pero di siya katuo na dalia rapud nawala nila Areon. Nalingaw ra gani siyag kadyot.

Didto nisulod ang iyang giingon ganina. Di oyy! Waman koy uyab Pa.. Didto na nikubo iyang dughan.

"Nadunggan kaha to niya..?"

"Kinsay nakadungog?" Pangutana sa iyang Papa na hubog hubog na.

Nakuratan pa siya kay iyang kaugalingon raman unta iyang giestoryahan.

"Kinsa man? Ang unsay nadunggan?" Kuryoso gyud na pangutana sa iyang Papa.

"Ah.. wala Pa wala!"

Maygani wana kini nangutana balik. Niatubang na ni sa mga kauban. Didto na siya naka chamba ug hawa kay sa gibira pud siyang Jeann.

"Niuli lage to imong uyab?" Anang Jeann.

"Ha? Kita ka? Bag o ra?"

"Ohh, bag o ra gud. Abi gani nakog kita ka kay nag atubang ra biya mo. Duolon gani unta tika pero nag estorya paman mong Angkol Randy,  di gyud ka kawala."

"Waman nimo gipugngan!" Murag gi blame pa ni Rhea si Jeann.

"Ayy hala.. malay nako ug murag gadali man to silag hawa. Wa diay kapananghid nimo?"

"Wala.. si Papa man gud." Nagpanglingo kos nahitabo.

Gi on nalang nako akong selpon para chattan siya. Waman lang chat. Nasuko siguro to?

Ngano masuko man pud? Balik na pangutana sa isa ka parte sa iyang utok. Waman siguro to kadungog sa pag deny nako.. para raman pud tos among kaayohan. Kung nakadungog man pud siya ngano masuko man? Gani. Gani. Gikumbinsi nalang niya iyang kaugalingon nga okay ra ang tanan. Basin naa lang emergency maong nilakaw na dayon sila ug waman lang kapananghid.

Ulan pa raba gikan basin maunsa sila sa dalan. Digyas!

Wa gyuy chat maong nadecide-an niyag siya nalang ang mag chat.

Love, niuli namo?

Sori ha wa ko kahatod.. si Papa man gud.

Amping mos dalan ulan raba gikan, digyas kaayo na

Naghuna huna pa si Rhea kung unsa iyang sunod nga iingon. Nibalik siyag tan aw sa selpon ug gapadayon.

Amping mo sa pag uli

Waman lage ka nagsenyas bisag gamay lang na mouli namo?

Di bale basta update pag naana kas balay ha.. I know naapa mos byahe.

tabang tabang sa ko diri.. matug na pud guro ko unyang mga ala una.

bye, i love you, love!

Mao ra. Naghulat pa siya kadali basin mag online or mu shade lang man ang check sa messenger pero wala. Dugay dugay pud biya to byahe-on ilang lugar. Labaw nag ulan gikan sure siya na gapahinay gyud tog maneho sila Areon.