————————————————بقلمي :ماري دراج.
🔴🔔روايتي المميزة الي تتحدث عن ست بنات، لأن سابعتهم اني .
كل وحدة من هلبنات الها عالم مختلف من القصص ،
كل وحدة بيها فد نكهة من العبر والحكم والمواعض.
استمتعوا بلقراءة، ولا تنسوا التصويت والمتابعة😍❤️
اختكم ،ماري دراج.
"وبلطف الله تمُر" :
تمر علينا أيام
عجاف يقل فيها الرزق ،
وتكثر فيها الأوبئة ،
وتتوجع فيها القلوب ...
فنهرع لربنا نذكره
، ونشكره، ونؤوب إليه..
فيرسل إلينا جنوداً تمهد لنا الرزق
، وتبسط لنا العيش
، وتبعث في قلوبنا الأمان والاطمئنان
إذا حدثوك عن أمر مخيف ،
فحدثهم عن رب رحيم لطيف🦋
——————————————————————————﷽
:أحداث
(2015)
(1)
-امشي مفزوعة بنص الشارع، والناس تباوعلي بأستغراب ماهمني شكلي الي صاير ازرگ من الضرب ولا همتني ملابسي المشگگة ،همي الوحيد اتخلص من هـ العذاب الي مطاردني ،
همي انجو بروحي الضاعت مني واتفقد اخر ماتبقى منها ،
همني انقذ نفسي الي بعد ماتهم احد، اركض واريد اطير حتة اصل شالي كل شوي ينزل وشعري منثور ع متوني الدم تارس ايدي ويابس عليها وملطخ ملابسي وجزء من وجهي ،
اركض واشوف الطريق شطولة صار ،رجلية ثگلن وفكي رجف واني اسمع الصوت الي كل هلسنين معذبني وخطوات اقدام مو غريبة علية، اريد اندار وماگدر بهدوء شلت عبايتي المشگوگة وايدي تتراجف ورجلية حافية ،ورگضت حيل وفجأة ادوس على گزازة وتنشگ رجلي واگع بلگاع وماشوف الة يجي يمي ويعت شعري بقوة ويگول بكل حقارة...
-وين تريدين تنهزمين مني؟
رجعني لنفس المكان سحل والمنطقة مقطوعه شما اعيط محد يسمعني وكأنما مهجورة ،
رجلي تنزف وهوة بدون اي رحمة يجر بية كأنما حيوان مو بشر ،
شوي وحسيت بثگل ع راسي وشي حار نزل مديت ايدي واشوف كمية دم فضيعة ومن بعدها محسيت بشي.
أنت تقرأ
السبع بنات
General Fictionإهداء لأشباهي السته .................... قد جعلنا من أنفسنا كتف يميل على كتف نساند بعضنا البعض نسقط معاً ونهم بلنهوض معاً ها نحن البنات السبع نقف على شرفه الحياة لنخوضها فما هي نهايتنا هل سننجو ام يحل بنا الغرق حتى الموت تابعو معي السبع بنات
