"سكتت تنزل عيونها تتأمل الورد بين يدينها رفعت عيونها من مسك يدها حاكم يرفعها يقبلها ويفتح باطن كفها يقبله يناظرها تناظره يشوف لمعت عيونها بين سواد الليل الدامس , سحبها بخفه يمسك طرف باب السياره تتقدم هي تركب ويقفل الباب من ركبت يلف هو للجهه الاخرى يركب ويحرك متجهه لبيتهم , لف بعيونه لـ عذاري من نطقت وعينها على الطريق":لو رجعت بسيارتي
حاكم:ماهي مشكله بكرا اوصلك ترجعين فيها
"سكتت تنزل عيونها للورد اللي بوسط حضنها تشد عليه بخفه تنزل راسها تشم ريحته تبتسم تناظر الطريق امامها مايفشل ابدًا بأنه يقدر يرضيها و ماتظل يوم زعلانه منه , لفت بعيونها لـ حاكم من مسك كفها يحتضنها يقبلها وهو يناظرها يشوف مبسم ثغرها":لا تزعلين مني طلبتك
"ابتسمت بخفوت تناظر عيونه اللي تناظرها وكفه المحتضنه كفه تلتمس الحنان بنبرة صوته ونظرات عيونه , ابتسم هو من لمح اتساع ابتسامتها":اطلبيني لجل ارضيك
"ميلت شفايفها تلف بعيونها لـ طريق , عقد حاجبينه بخفه من عدم ردها عليه":تراي ولهان لصوتك لا تحرميني
"مادرت عليه تصد بوجهها عنه للجهه الاخرى وضحك هو يشوف مكابرها عليه وأخفائها ابتسامتها رجع يقبل كفها يشد عليه يرفع عيونه للمرايا يشوف روح النايمه بالمرتبه الخلفيه , سفط السياره امام باب البيت يسحب حزامه يفتحه , سحبت يدها عذاري من بين كفه تنزل من السياره تشوف حاكم من فتح الباب الخلفي يشيل روح بحضنه تقدمت هي امامه تفتح باب البيت تصعد الدرج قبله وتدخل الشقه متجهه بخطواتها ناحية غرفتهم ويدخل حاكم يمشي بروح لغرفتها , دخلت عذاري غرفتهم تنزل الورد على التسريحه و تنزع عباتها وطرحتها تعلقهم تلف بعيونها لـ حاكم من دخل عليها يقفل الباب خلفه يتقدم لها يوقف امامها يرفع انامله لخصلات شعرها الذهبيه":بتعاتبيني بالصمت العقابي؟
"اردفت وهي تلعب بخاتم اصبعها وتناظر عيونه":مو مفروض ازعل منك واعاتبك ؟
"زاح خصلة شعرها من جات على ملامحها":بس مايطول
عذاري:خليه يطول يوم واحد اعطي الزعل حقه
"رفع يده يمسك دقنها بخفه":عطيناه اكثر من ساعتين يكفي
عذاري:زعلك علي اخذ اربع ايام
"ابتسم ابتسامه جانبيه يرفع حاجبه":بتردينها لي يعني؟
"هزت راسها تناظره":تستاهل
"ابتسمت هي من ضحك ينطق":لا تسوين نفسي
عذاري:لا بسوي نفسك بس بطريقه اخرى
"عقد حاجبينه بخفه":وشهي ؟
عذاري:مابقول الحين
"هز راسه يقترب يقبل جبينها":نرضى بالعقاب
"سكتت تصد عنه لكنه استوقفها من مسك يدها ينطق":ليش ماخبرتيني بسالفة العزاء ؟
عذاري:مو مهمه
حاكم:لا مهمه عندي قلت لك قبل كذا اي حاجه تحصل بينك وبين جدتي وتضايقك تجين تخبريني
"سكتت تناظره , اكمل كلامه":ما ابي ولا مخلوق يضايقك وانا حي
"ابتسمت بهدوء تناظر عيونه , نزل يده يلامس بأنامله كفها":بكرا عندي سفرة شغل لجده يوم وبرجع ان شاءالله خلينا نتراضى صباح بكرا
"ميلت شفايفها تقترب منه تلامس بأصابعه ازارير ثوبه":ماتاخذني معك ؟
"ابتسم تتسلل انامله حول خصرها يحاوطها يشدها له بخفه":اخذك معي وين ماودك
عذاري:تمام اجل سفرتنا بتكون لجده نجلس هناك اربع ايام اذا ماعندك شغل
حاكم:الشغل يتأجل بس لـ عيونك
"ابتسمت تناظره":اجل بجهز شنطنا
"ابتعدت عنه تصد وتلف بوجهها تناظره وهي ترفع اصبعها تشيره ناحيتها وناحيته":سفرتي انا وانت بس
"ضحك بخفوت يهز راسه يشوفها من دخلت غرفة الملابس":روح ناخذها لسفره ثانيه
"رفعت صوتها":لباريس ناخذها معنا
-
