كاردنينا

البارت الاول

في مكان ما ......

خلني صَافن بيك يالرَوحِي بيدَك
چا هِي مو بلگيف گلبُي يريدَك  .

كعدت الصبح مثل كليوم وابو كاردينيا عده التحاق كمت حضرت الريوك واجيت اباوعله وهوه غارق بنومته وايدي على بطني كاردينيا تتحرك  حبيبي يلا اصحى

ابوكاردينيا هلدوام ماخذني منكم كلش بس ان شاء لله تخلص هاي الظروف ونرتاح اجه وخله ايده ع بطن زوجته اف بابًا كاردينيا يصير نتنظريني من اروح وارجع يلا تجين

الام واني عادي اتحمل الثكل هيج لا ماما معليج طلعي ومن يجي يشوفج وضحكنه اثنينه كام باسني راسي وراح ع الحمام حضرت جنطته وكعدنه نتريك وكام يبدل ملابسه واني غسلت الماعين ورحتله وصلته للباب باوعت بعيونه يارب كاردينيا تطلع نفس عيونك حلوه هيج

ابو كاردينيا بس اني اريده نسخه منج حته يصير اثنين عندي منج راح اروح بالج ع نفسج واليوم امي راح تجي يمج خابرته بالج ع بنتي مع السلامة

حسيت بغصه من راح ورجعت بغرفتي مددت واباوع السكف واني اتخيل نفسي شنو شعوره من ينزل ويلكى بنته بحضني وراح تطلع تشبه منو واخذتني النومه كعدت ع دكت الباب كمت فتحت الباب وجانت خالتي امً زوجي خاله ورورد طبت وسلمت عليه وفرحت بجيته لان ح اضل وحدي

ورود ها عمه نسرين ماصار عندج شي ماناويه الحلوه تجي

نسرين والله عمه شو ماكو شكله بعده ماناويه هسه وضحكت

ورود هسه الاريده منج شنو اني راح اسوي غده وانتي امشي هوايه وصعدي ع الدرج ونزلي اريد اياد من يجي يلكه ابنيته جايه

نسرين تمام عمه

ورا يومين .....

اندكت الباب حيل فزينه اني وعمتي ركضنه عليها ها ها شكو هذا حماي شكو جاي من الصبح

فلاح يمه يمه اياد راح اياد استشهد

ورود يمه ابني يمه متاكد يمه وليدي راح وماشاف بته

نسرين سمعت هلخبر واني حسيت الدنيا طفت بعيني صحيت واني بلمستشفى وعندي الم فضيع ببطني  جانت عمتي واكفه وهيه تبجي كالتلي يمه عندج ولاده عمه اياد اريده وينه اياد جيبو اليه هوه مو كال اريد اشوف بنتي وعيوني تجري

ويضَحكلي چّان الهوىٰ
مَن چِنة نتحاچَة ، هسّة
أگعُد أنّة وهَلي ونطلِع
بِصورتك ونَگوم نتباچّة

اجت كاردينيا وجانت نسخه من ابوها عيونها عسليه على اصفر والشعر بني وجانت كلنا عيونه عليها ودموعنه تجري

في مكان ماا.....

صعدت ع الجربايه ولزمت العقد بيدي وشككته وكتلهم انييييييً ارفض بكل قوه بصوتي وجانت امي وخوالي واكفين يمي واني اصيح ماموافقه عوفوني

هاي يتيمه يعني محد يطلع وراها على كد ايدنه