#أسمع_قصتي_ولاتغلط_غلطتي
3. بعنوان (رب ضارة نافعة)
بيوم من الأيام حالنا حال اي عائلة كبيرة من الجد والأعمام يمليها الحب والاحترام بين الإخوة الى ان آجى اليوم الي توفى بي جدي ومن هاي الساعة تغير كلشي صار خلاف قوي بين ابوية وعمامي على الورث وكان أبوي الوحيد لجديتي وباقي اعمامي من غير ام وجدي كان يحب ابوية حيل ويفضلة عليهم وسبب هذا الحب والتفرقة خلا اعمامي يكرهون ابوي حيل كانت اكو قطعة ارض صار عليها الخلاف بين الاخوان الي هم اعمامي ووالدي ومابين المحاكم والمشاكل خسر ابوي نص فلوسه وماحصل على قطعة الأرض والأرض اخذوها عمامي وصارت قطيعة من يومها مايتحاجون بعد والدي من كثر القهر تعرض الى ذبحة صدرية احنا بعد الخلاف الصار وبعد ما ابوي تمرض طلعنا من يمهم وبما انو احنا بمنطقة ريفية حياتهم عبارة عن شغل وزراعة وبنت العم لأبن العم والزواج عدهم بعمر صغير وبس هذا حياتهم لكن احنا بطلعتنا هاي نفتحت النا أبواب الخير هسة تگولون الي شلون بالله جايتكم بالسالفة بعد طلعتنا قرر والدي يكمل دراسة وصارت الناس تستهزء وتقلد على والدي رغم ذالك مااستسلم ابد والحمدلله بعد سنين من الدراسة والتعب صار والدي مهندس والحمدلله رب العالمين رزقنا خير وبركة وبنينا بيت صح بالبداية حيل تأذينا وجانت حالتنا المادية صعبة بس املنا برب العالمين ابد ماخاب دام بالحلال وما غضبنا رب العالمين ومشينا صح الله وفقنا وهسه كلنا كملنا دراستنا وحياتنا حلوة بس ناقصها والدي اي والدي الشخص الي كافح وشاف الظلم بحياتة من اخوانة واهلة والدي بعد كم سنة غادر هاي الدنيا الي ماشاف منها غير الظلم من اخوانة الي المفروض يكونون الو سند وعزوة بس صار العكس والذنب مو ذنبة ذنب جدي الي فرق بينهم لكن قدر الله وماشاء فعل
الي اطلبة منكم انو تدعون لوالدي بالرحمة والمغفرة
وبالنهاية احب اشكر الست هدوء على هاي الفقرة الجميلة
هدوء/الشكر الج وشرفتيني وربي يرحم والدج ويجعل قبرة روضة من رياض الجنة
أعداد وتقديم المؤلفة هدوء أل محمد
الى اللقاء بقصة جديدة للمشاركة يرجى ارسال قصتكم على صفحتنا على الفيس بوك 👈🏻 قصص وروايات بقلم هدوء
