تائب: ضحكت بقوه واني اخوفه بالواير البيدي فجأه كام يصرخ كعد بالكاع ويصيح ايار بعلو صوته
ذبيت الحبل من ايدي حاولت اهدئه ماكو يصيح بشوغه ووجعه كلب حاط أيده ع أذنه ويرجف
طلعت ادور ع ايار بس اريده يسكت فقد صعدت فوگ
دكيت الباب ربع ساعه ادم ماكو اي رد سميت ودخلت
فتحت الباب هيه ماكو والغطه مشمور بالكاع اخذت نفس ونزلت اركض دورت ماكو بالبيت رحت للمطبخ بس امي بيه جاوبتني من وره خشمها ما شفتها وين راحت
شفت باب البيت مفتوح ركضت سرت رعشه بكل جسمي واني اشوفها سابحه بدمها بشارع والشارع فارغ ولا احد
وهذا بعده يصيح بالديوان يا ربي صحت واني اركض الها ع راجس طلع وسع عيونه من شافها شلتها وهوه جاب السياره
قست نبضها ضعيف واني كلبي يقرأ الف صعدتها وره وراجس بقه يمها
وصلنه المستشفى بعد ما طلعت روحنه أخذوها الأطباء
كعدنه مهدود حيلنه مرت فتره أردف راجس
:- شلون شفتها ومنو سوه هيج بيها
تائب: جنت اني وابسم بالديوان خوفته بالحبل فجأة كام يصرخ يريدها طلعت ادور عليها دورت البيت ماكو شفت الباب مفتوح طلعت وشفتها وما ادري من هيج مسوي
شرد شويه وكال بكل هدوء
:- يصير خير ان شاء الله يصير خير
كمزنا اثنينا من طلعت دكتوره ابتسمت
:- انتوا اخوانها !
عقجت وجهه ما قابل كال
راجس : اني زوجها هذا اخوها
كالها وأشر عليه رفعت حاجبي اشرلي اسكت سأل عليها
:- الحمد الله ماكو اي خطوره بس كسر بايدها ورأسها جرح بسيط ورضوض خفيفه بوجها اليوم لازم تبقى تحت المراقبه باجر تكدرون اتطلعوها
تائب: فدوه اروحلج دكتوره انتي شخليتي وتكولين ماكو خطوره
ضحكت وراحت انداريت ع راجس ردت احجي حط أيده ع حلكه وكال بتحذير
:- اشششش ولا كلمه روحي واصله لهنا بس تحجي اجنزك ومحمد
بلعت الحجي وسكتت فتحت عيوني من أتذكرت ابسم
تائب: شلون نسيت رايح لابسم
عفته وركضت وصلت بسرعه فتت لديوان لكتيه بحضن ساجر ويناشغ ويردد
ابسم :ايار عافتني. ايار ملت مني وراحت عافتني
ساجر: يابه متشوف اخته وين راحت من الصبح هوه هيج
همستله
:- ايار بالمستشفى سوت حادث
فز بسرعه كال راح ابدل واروح الها بدون حتى مسأل شبيها تقربت لابسم
تائب: تريد اوديك الآيار
بسرعه كام وكال بلهفه
ابسم: صدك تعرف وين هيه يله وديني
تائب: اي يله
ضحك بفرح مسح دموعه ركضت لخالتي زهره كتلها شهكت ودكت صدرها تعال جيب اليقنعها ما بيها شي بسرعه لبست واجه ساجر رحنه سوه
أنت تقرأ
السجية
Non-Fictionبًيَنِ جّدٍرآنِ مًطِلَيَةّبًآلَذِهّبً وٌخِلَفُ آبًوٌآبً فُآخِرهّ حًکْآيَةّ رجّلَ لَمً تٌروٌﮯ بًعٌدٍ رجّلَ آضآعٌ حًيَآتٌهّ لَلَهّ آعٌلَمً مًآ فُيَ آلَقُلَوٌبً لَلَهّ آعٌلَمً بًحًآلَ آبً فُقُدٍ فُلَذِهّ کْبًدٍ بًقُلَمًيَ: نجمه ••••••••••••
