~بين يدين ثقيف
~فاطمة
~نجمه تعليقاتكم
.............................
كعدت ساعه 6 ص واني كلي نشاط ومتحمس اروح للمدرسه واشوف صديقاتي سبحت لبست ملابس المدرسه فجأه اسمع صوت اصياح
ام روح: بتي تعاي تريكي يله راح يجي الخط لا تتخرين
روح: اي يمه اجيت اجيت
نزلت لكيت ريوگ جهاز وشكله ايشهي
روح: صباح الخير يا عسل
ام روح: صباح النور حبيبتي سويتلج ريوك ايلوك لهل حلگ ههههه
ارجوان: اي طبعاً بس روح بنتج وحنه جبتين من الشارع
ام روح:يمه هاي بزر الكعوده شعندي غيرها
روح: اي تغارين لو شنو ههههه
اروجوان:ميته عليج حته اغار فدوه
اني وجاي اتريك سمعت صوت الخط يدگ هورن
ام روح: يا بنتي هسه تتخرين كومي يله
روح: اي يمه كملت يله باي محح
ام روح: الله وياج بنتي ديري بالج على نفسج
روح: اي يمه هو اني رايحه للمعركه ههههه، باي للحلو الي ايغار
ارجوان: باي ههههه
طلعت وصعدت بلـ خط لكيت صديقتي موجوده كعدت ابصفها
روح: صباح الخير
نيرمين: صباح النور شلونج
روح: الحمدلله انتِ شلونج
نيرمين: على الله
روح: ليش حبي شبيج
نيرمين: مثل ما تعرفين صار فتره مريضه واتخربط مخليت دكتور ما رحتله تعبت شوكت اخلص من هل امراض
روح: حبيبي ما بيج غير العافيه خليه على الله
نيرمين: هي على الله
وصلنه للمدرسه وطبيت للصف
نيرمين: هاي بعدج متعاركه وياها باعي شلون تباوعلج
روح: شعليه بيه هي حاقده عليه من دون سبب ودور مشاكل بس اني عايفته
نيرمين: اي احسن خلي اتولي وحده حقوده
دگ الجرس درس الاول وراها درس الثاني الحد مكمل الدوام رجعت للبيت تعبانه ونعسانه كلش
روح: هلو يمه اني اجيت
ام روح: هلا بيج بنتي شلونه دوام وياج
روح: عادي مثل كل مره، شنو بابا مراح يجي اليوم
ام روح: اي عنده دوام حيتخر لليل يله يجي
روح: خطيه والله الله ايساعده، خواني وين
ام روح: ارجوان بعدها بجامعه و حَر بلـ دوام و ادهم نايم
روح: اوك راح اروح ابدل واجي اساعدج
ام روح: لا يمه كملت ما احتاج بس تعاي اكلي راح اصبلج
روح: اوك ماما تسلمين محح
ام روح: يله بنتي كملت تعاي اكلي
روح: اجيت يمه
سمعت صوت الباب انفتح
حَر: سلام عليكم
ام روح: عليكم السلام ابني شلونك
حَر: الحمدلله يمه انتِ شلونج
ام روح: الحمدلله ابني راح اصبلك ويه اختك تتغده
حَر: عاشت ايدج يمه
روح: لك هلا هذا منو
حَر: هلوو روحي شلونج
روح: الحمدلله
تغدينه ونمت كعدت ساعه 4 على صوت اصياح
حَر: ليش تأخرتي وين جنتي
ارجوان: والله جنت بلـ جامعه وعندي محاضره وتخرت بيه وين اروح يعني
حَر: منه ورايح اني اخذج واجيبج سمعتي
ارجوان: تمام سمبعت كافي تصيح عليه
روح: اهوو هم حَر وعياطه حَر واحد كلش ايغار ولازم يعرف كل تفصيل عنه وين نروح وين نجي اوف
كمت غسلت وسوت كهوه بارده وبلشت اقره
، سمعت صوت بابا تقريباً ساعه 9 نزلت ركض
روح: بابا حبيبي شتاقيتلك اليوم
ابو روح: هلا بنيتي اني هم شتاقيتلكم شلونج
روح: الحمدلله ان شاء الله زين انتَ
ابو روح: الحمدلله شويه تعبان
روح: ما بيك غير العافيه حبيبي
حَر: سلام عليكم شلونج يابه
ابو روح: عليكم السلام شلونك انتَ اليوم بلـ دوام
حَر: الحمدلله يابه زين الشغل اليوم
ابو روح: الحمدلله ابني، ادهم وين
ام روح: بغرفته كاعد 24 ساعه
ابو روح: حَر منا ورايح اخذ اخوك للشغل مو تخرج وكاعد بهل غرفه علمه على الشغل
حَر: تمام يابه هسه اروح اكُله يحضر نفسه الصبح اخذه وياي، اترخص اني
ابو روح: وانتِ بنيتي شلونج بلـ دراسه شلونها نتائجج
روح: الحمدلله بابا كلش زينه
ابو روح: عفيه عليج بنتي رفعي راسي مثل ما خوانج البقيه رافعين راسي
روح: طبعاً بابا دائماً نرفع راسك هسه اترخص اروح اكمل دراسه
ابو روح: روحي بنتي وشدي حيلج
رحت الغرفه كملت دراسه ولزمت التلفون لكيت رسائل من نيرمين
نيرمين: هاا شلونج ويا المتحان
روح: الحمدلله سهل
نيرمين: اي صح سهل ان شاء الله اشوفج باجر تصبحين خير
روح: وانتِ من اهل الخير
فتحت عيني اني اسمع صوت العصافير صوتهم كلش حلو بس جان مزاجي شويه مو زين غسلت وجهي وبدلت ملابس المدرسه ونزلت لكيتهم جاي يعشون
روح: صباح الخير
ابو روح: صباح الخير بنتي تعاي تركي
روح: اجيت بابا،، هاا شلونك ادهم صايرين ما نشوفك
ادهم: ميحتاج اشوفيني
روح: شبيك فوگ ما اسئل عليك
ادهم: لا سئلين احسن
ابو روح: احجي ويه اختك عدل بس طبعاً ضايج لان راح تبلش شغل وتعوف هل غرفه، يله مع السلامه
ام روح: الله وياك حجي
حَر: يله ادهم ارجوان يله اوصلج وياي
ارجوان: بس ثواني اجيب جنتي
طلعو كلهم وضليت انتضر ابو الخط،، فجأه سمعت صوت الخط
روح: يله ماما باي راح اروح
ام روح: الله وياج بنتي ديري بالج على نفسج
روح: ان شاء الله يمه
صعدت بلـ خط ولكيت نيرمين
روح: سلام عليكم
نيرمين: عليكم السلام شلونج
روح: الحمدلله
كعدنه نسولف الحد ما وصلنه للمدرسه
اوال ما طبينه لكينه..................
