"بعد مرور ايام "
"ملاك"
"جنت ابد مجاي احس براحه يم ابراهيم حتى ما صرت احجي وياه ولا اتغزل وجنت اتهرب منه صرت اكره مدري ليش... كعدت صبح فجا حسيت الم بطني كمت عسريع ؏ حمام استفرغت وصرت ما احس اكو شي بطني اندك باب حمام"
ابراهيم: ملاكك مليكتي شبيج
ملاك: ووخخخرررر ووخرر من يميييي
ابراهيم: تمام بس افتحيلي الباب
ملاك: "فتحت باب وصرت ادفع بيه " وخر وخرررر
ابراهيم: تمام ملاك شبيج اهدئي... ملاك اوكفي
ملاك: "عفته وصرت اطلع جنطه وحط غراضي"
ابرهيم: شدسوينن ولج
ملاك: وخر اكرهكك اكرهكك
ابراهيم: شبيج ملاك ترا مسويت سب
ملاك: "طلعت كل غراصي خليتهن بل جنطه واني عيوني شلال" وديني لاهلي
ابراهيم: شدتحجين ملاك
ملاك: وديني لاهليي اكررهكك ما اريد اضل وياك
ابراهيم: "ضجت منها كلش اخذت جنطتي مال تمرين وطلعت واسمعها صيح اتجاهلتها شسويت اني حتى هيج تكرهني؟ اخذت مفتاح سيارتي ورحت ؏ تمريني"
.
.
.
.
.
ساعه 4 عصراً
ابراهيم: "رجعت للبيت طلعت للغرفه وشفت ملاك ماكو وغراضها ماكو صرت اصيحها وافتر بل بيت مامو ولكيت امي بوجهي" يمه وين ملاك
ام ابراهيم: يمه سوده عليه كامت توجعها بطنها خبرت اهلها اجوي اخذوها للمُستشفى ومقبلت اروح وياها وما ادري بعد
ابراهيم: يمه شدتحجين ووين هيا هسا
ام ابراهيم: ما اعرف يمه يجوز رجعت لبيتهم طلعت منا وتصيح تكول اكرهك ابراهيم وتكول اكره هذي العائله كلها
ابراهيم: "طلعت تلفوني عسريع وخابرت ساره شويا وردت " الو ساره
ساره: هلا ابراهيم
ابراهيم: انتو وين هسا ملاك يمج
ساره: اي يمي احنا ببيت اهلي
ابراهيم: تمام جاييكم
ساره: لا ابراهيم لا تجي
ابراهيم: "سديت الاتصال كبل شغلت سيارتي ورحت لبيتهم وصلت نزلت دكيت باب وطلعتلي امها فتت كبل ولكيت ملاك متممده بل استقبال وتبجي وحاطه سيلان"
ابراهيم: ملاك هاي شبيج حبيبتي مليكتي
ملاك: وابراهيم اطلع اني اجيت هنا ردت اخلص منك اطلعععع اكرهكك
ابراهيم: بس فهميني شسويتلج اني فد يوم رفعت صوتي عليج، ضربتج لي كارهتني احجي
ملاك: تطلع لو هسا اسحب السيلان من ايدي واخليها تنزفف؟؟
ابراهيم: طالع تمام طالع ابقي هنا يوم يومين ارتاحي وعود بعدين اجي عليج
ملاك: ما اريدك تجي ابد ما اريدك روح
ابراهيم: تمام طاع "طلعت شوفت ساره" ساره تعاي وياي اريدج بموضوع
ساره: تمام"طلعنا بل حديقه الي بيتنا"
ابراهيم: اكلج شبيها ملاك؟ وليش رحتو للمستشفى.؟
ساره: ابراهيم ملاك
ابراهيم: شبيها ساره احجي
ساره: "بلشت ابجي وكلت" خسرت الولد
ابراهيم: "فتحت عيوني بصدمه شون هيج صار " ش شش شنو ساره صدك تحجين
ساره: اي والله ابراهيم ما ادري من صبح صيح ومتريدك مدري شبيها مسويلها شي ابراهيم
ابراهيم: مخبل اني اساويلها شي؟ لج هاي احبها اكثر من نفسي اكثر من روحي ساره اترجاج من تهدى شويا احجي وياها افهمي منها ترا هاي صارلها فتره تجاهلني ومتتقبلني يمها ابد
ساره: تمام راح افهم منها واردلك خبر
ابراهيم: تمام رايح اني... "طلعت بسيارا واني بداخلي منهاار ليش هيج الي احبها واموت عليها سوي بيه هيج؟؟ وكل هذا فقدت ابني ثاني بزور جنت اسوق بل كوه وصلت بيت فتت وامي شافتني اجت عليه تسئلني حجيتلها شصار وطلعت بل غرفه احاول انام ما كدرت جنت منهار عليها صرت ادعي لربي يفرجها الها يارب"
.
.
.
.
.
بعد مرور اسبوع
"ابراهيم"
"بهذا الاسبوع اتعس اسبوع لا شفت ملاك ولا احجي وياها اخابرها تسد الاتصال جنت حيل مقهور ؏ الي صار جنت يومياً اخابر ساره تكول نجيبلها شيوخ وشيخات الها للبيت بس ما يعرفون شنو بيها حرفيا من جنت اروح للتمرين مو نفس ابراهيم ذاك القديم الي يضحك ويشاقه ويا لاعبين والكل لاحضو هل شي بس مجنت احجيلهم حودي الوحيد الي يدري بس....اشويا واندك باب غرفتي وفاتت امي "
ام ابراهيم: يمه وليدي سوكت تروح لتمرينك دنضف غرفتك
ابراهيم: هسا يمه بس ابدل واخضر غراضب واروح
ام ابراهيم: تمام وليدي
ابراهيم: "كمت بدلت اخذت غراضب وطلعت شغلت سيارتي ورحت لتمريني"
ام ابراهيم: "طلع ابراهيم وطلعت لغرفته صايرا هوسه ردتبت هدومه وصفطتهن بل كنتور اخذت وصله وصرت امسح الميوزه جنت جاب امسح ميز ووكعت المزهريه دشيلها وشفت شي ما ينشاف شفت سحرين اندمت ضلبت صافنه ومنو يسوي هيج جبت علاكه وخليتهن اتذكرت اخت زهراء من اجت لمت غراض اختها محد اجه بهاي الفتره غيرها عرفت هيا الي مسويه هيج نضفت البلول ؏ سريع وطلعت تلفوني خابرت ام ملاك وحجيتلها وكتلها اني اعرف شيخ ببغداد خوش شيخ كتلها حضرو نفسكم هسا نجيكم... لبست عباتي وطلعنا اني وواثق لان ملاك متقبل تشوف ابراهيم ورحنا لبيتهم اخذنا ملاك وامها ورحنا للشيخ والحمدالله فك السحر عنها "
.
.
.
.
.
"بعد مرور خمس سنوات"
"ملاك الحمدالله كدرت اتخطى كلشي وصرت احسن من قبل حملت وجبت بنيه تخبل تشبهني وبيها ملامح من ابراهيم وطبعا واثق زوج بنيه كلش حبابه وصديقتي صارت وصارت كلش مقربيا عليه وبنتي صارت عمرها اربع سنوات اسمها حياه هسا سئلوني ليش هل اسم حبيته كلش وابراهيم هم حب هل اسم حابه اكلكم ابد ماكو شي مستحيل بهاي الدنيا شفتوني انا من بدايه قصتي الشخص الي ما جنت انام اذا ما اشوف صوره صار الي ويحبني ويسوي كلشي علمودي ابد لا تكولون هذا شي مستحيل يصير اذا جنت قريب لربك صدكني الله يستجاب الك ويحققلك الشي الي بالك ومحجيتلكم ساره صارت عدها هم بنيه😂 سمتها جمره الكل يستغرب بس هيا تحب هل اسم تابع واتباد هواي "
.
.
.
ملاك: "جنت جاي احضر الاكل لان عدنا عزيمه بل حديقه اليوم واجه ابراهيم"
ابراهيم: شدسوين حبيبتي
ملاك: داسوي برياني هاك ضوك
ابراهيم: شو انطيني اويليي جنن تدرين لو هذا سم سم اكله من ايدج
ملاك: "ضحكت واخذت الاكل وطلعت برا وجانت اجواء جننن والكل ملتم اباوع للكل واني مبتسمه "
ساره: "جنت كاعده اكل وجاي نضحك ونسولف ويا الكل واجت جمره هيا توتها تمشي وتحجي "
جمره: ماما ماما
ساره: ها حبيبتي
جمره: اريد اسوج
ساره: "ضحكت الكل صار يضحك عليها "
حودي: ولج بعدج صغيرا وينج وين زواج
جمره: ماا ابن عمو واسق (واثق) حلو اليده
حودي: حلو تريديه؟
جمره: اي
حودي: هاي طالعه ؏ امها
"الكل صار يضحك ونشاقه وجان احلا يوم"
النهايه
.
.. 🥹🤍
